Danieli 11:10 - EBBAIBBO EMBOOSI YA NASAAE

¹⁰ Mani abaana bae baheetekehere ohulwaana eye, mani nibabuusa alala eye hoongo muno, elyaheeche mani niriichula mu syaalo koti omuhula kw'amaachi, mani niriyiingira abasuku baalyo, niribabitamo, mani niryolera elalira hu dooho lyae.

Danieli 11:10 Iomraidhean Croise

Yisaaya 25:12

Omwaami achia ohusihirisa ebiko byaabwe haandi alikule ebida byaabwe bileeyi bikwe aasi hu loba, mani byeehole olufu lweene.

Yeremia 51:42

Enyaanja yihulukuuse hu Bbabbilooni; yichuuleho amafwiinda.

Danieli 11:22

Oyo yeesi omuyiingania, yahasihiriswe elalira, kata Omulaamisi Muhuluundu wa Nasaae ohulira endagaano, yesi yahasihiriswe.

Danieli 11:26

Haandi abo abalichaanga ebyohulya bae bilai, nibo abahamusihirise. Abasikaari bae baangi baheetwe, mani eye lyae nirisalaana-salaana.

Danieli 11:7

Mu ndaalo echo, mulala hu beeho b'omuhaana w'omutuki oyo yahehole omutuki, naakobola mu makulu ka laatang'ene. Mani aliseeta eye ly'omutuki w'emukulu. Mani yaheengira mu dooho site ly'omutuki oyo. Yahabalwaanie, mani abayiingire.

Danieli 11:9

Nae emyaaka echo nichiriba nichiweere, omutuki w'emukulu aliseeta omutuki w'emwaalo, mani naayiingirwa, mani n'ayiikwa ohukobolayo mu syaalo syae syeene.

Danieli 9:26

Mani ejuma amahumi kasaasaba neende chibiri nichahaweeho, Oyo Owabahahwo amafuta n'amala yeetwa, n'ataliho omusaango. Mani esiko neende Abuundu Woolerefu byahasihiriswe neende eye ly'omutuki w'amaani, elyaheeche ohusiseeta. Mani enjakamo y'omutuki oyo koti omuhula kw'amaachi lu kuchia. Hwahabeeo ohulwaanakana, ohwoolera elalira hu njakamo. Ohusihirirwa Nasaae wahutekeha hale.