Danieli 10:9 - EBBAIBBO EMBOOSI YA NASAAE

⁹ Mani nimbulira ekono lyae nililomaloma, nae nindawulira ekono lyae nililomaloma, ndaakwa hu loba mafumaame.

Danieli 10:9 Iomraidhean Croise

Ohuchaaka 15:12

Nae elyuuba nilyali nilikwa, endoolo ch'amaani chadiira Abburamu; nae bone, esiirima sya titititi sy'amaani syakwaao syamwiirimaho.

Ohuchaaka 2:21

Ao mani Omwaami Nasaae yaakera omusaacha yaakona endoolo ch'amaani, mani omusaacha niyali naakonere, Nasaae yamutusamo olubafu lulala yabwiihao neende enyama.

Yobbu 33:15

Nasaae alomalomera mu bilooto, neende muhuboneherwa, abaandu nibakona endoolo ch'amaani, nibali ohuyiriitira hu bitaanda byaabwe,

Yobbu 4:13

Ndali nimbaasa hu biindu byamboneheere mu bilooto bya siro, ebyoola hu muundu endoolo ch'amaani nichimuyirire,

Olweembo Luhira mu Nyembo 5:2

Nindali nindeyaliise, omwooyo kwaange nakwo kwali ni kumoka. Ndaloota omudya waange n'ahong'oonda hu lwiiki lwaange. Njikulireo nyingire, omukoosi waange, omwooyo kwaange, haandi eguugu lyaange. Omutwe kwaange kwaamire olume, mani efwiiri lyaange lidotere omunyiti.

Danieli 10:16

Nae bone, Oyo ofwaanana neende omwaana w'omuundu n'adiira hu munwa kwaange, mani ninjasama ninjaaka ohulomaloma. Mani nimboolera oyo owali niyeemera mu moni waange endi: “Ewe Omwaami waange, ohuboneherwa huno hundeteere ohweyendeherera huungi muno. Mani amaani kambwereeremo elalira.

Danieli 8:18

Nae niyali n'alomalomaanga naange, ndechuhana ningwiire aasi mafumaame nitamanyireho ebiri hu syaalo. Nae yandiraho mani n'asiingisa ninyema.

Habbakuuku 3:16

Ese mbuliraanga bino byoosi mani ndeengereha sa; eminwa kyaange kyateengereha neende obuti. Omubiri kwaange kwoosi kufwa sa enakaasi, mani amakulu kaange keegumula aasi waange. Ese naange njia ohuliindirira sa masididye ebiha ebyo ohwoola bi Nasaae achia ohusaandisiramo abo abahatuseete.

Luka 22:45

Mani niyasiingira yaatula mu husaba, eyiri abeeki mani yabanyoola nibali ohukona hulw'obwelalihirifu,

Luka 9:32

Bulaanu Petero neende abaasye ba yali nabo, endoolo nyiingi chali chibairire, mani nibasimuha, babona oluyaali lwae alala neende abasaacha babiri abo nibeemere nae.

Ohubwiihulirwa 1:17

Nindamubona, ndakwa mu makulu kae koti omuundu ofwiire. Yandaaho omuhono kwae muluungi, mani yaboola ati, “Otatya daawe! Niise Alifa neende Omega.