Danieli 10:8 - EBBAIBBO EMBOOSI YA NASAAE

⁸ Mani nidoong'ao syeeng'ene, nindewuunja eby'amayia by'amaani bi ndabona muhuboneherwa. Efwaani yaange niyikaluuhanira elalira. Mani omuundu wubona yeesi haba saanyala mumanyirisa daawe. Mani nibweeramo elalira amaani.

Danieli 10:8 Iomraidhean Croise

Ohuchaaka 32:31

Elyuuba lyatula Yakobbo naali ohuhalania Penweeli, yali nasyeegera olwohuba ebaachwa lyae lyali nilibatuuhe.

Ohutula 3:3

Musa yabaasa mu mwooyo kwaye mani yaboola ati, “Eee, sino sikeni. Lwasiina esichaha sino haba sisiri ohuya nisiwa? Leha sude aambi nasyo mbone.”

Danieli 10:16

Nae bone, Oyo ofwaanana neende omwaana w'omuundu n'adiira hu munwa kwaange, mani ninjasama ninjaaka ohulomaloma. Mani nimboolera oyo owali niyeemera mu moni waange endi: “Ewe Omwaami waange, ohuboneherwa huno hundeteere ohweyendeherera huungi muno. Mani amaani kambwereeremo elalira.

Danieli 10:17

Ndi koti omuhalaabani muwaambe. Nyale endye ohulomaloma naawe, Omwaami waange? Olwohuba bulaanu amaani kambweeremo, haandi omuuya kuumbweeremo.”

Danieli 7:28

“Ao mani niyo yi mboosi chine chaakama. Nae ese Danieli, ebibaaso byaange byakera ndaatya muno, mani efwaani yaange niyikaluuhana. Nae nimbiiha emboosi echomu mwooyo kwaange.”

Danieli 8:27

Ao mani ese Danieli ningobolamo amaani, mani nindwaala ohumala endaalo ediidi, mani luunyuma nisiingira mani ningobolayo ohuhola emirimo ch'omutuki. Nae ndawukaho sa ebiindu byamboneherwa, mani ndahaya ohubimanya.

Danieli 8:7

Mani niimbona niyiseeta emiiku, niyiri neende obwaalaba buungi, mani niyitwooma emiiku elyo, mani niyibboongola enjika chalyo choombi. Emiiku elyo mani niliwaamo amaani ak'ohwelwaanaho, mani nilikwa aasi, ehole eyo niyiyiseenakirira, mani naabulao oyo yeesi onyala ohwaabina ekoondi emiiku elyomu bunyala bw'ehole.

Habbakuuku 3:16

Ese mbuliraanga bino byoosi mani ndeengereha sa; eminwa kyaange kyateengereha neende obuti. Omubiri kwaange kwoosi kufwa sa enakaasi, mani amakulu kaange keegumula aasi waange. Ese naange njia ohuliindirira sa masididye ebiha ebyo ohwoola bi Nasaae achia ohusaandisiramo abo abahatuseete.

Matayo 17:6

Nae abeeki nibawulira sino, obuti bwabadiira muno beehubba aasi mafumaame.

Mariko 9:6

Petero yali awuungire n'ahayiiswe neende esyohuboola, olwohuba bali batiire muno.

Yowaana 16:32

Mani esiha siri aambi ohwoola, haandi simalire ohwoola, musalaane, buli muundu akobole engo wae, muundehe syeeng'ene; nae haba si ndi syeeng'ene daawe, olwohuba Laata ali naange.

2 Abakoriito 12:7

Nae ohuungayira ohweniinia hulw'ohubwiihulirwa huungi hu ndanyoola, ndafumitwa ewa mu mubiri, wamwaanda wa Sitaani ohunjuunia, yanjakamie ohweniinia muno.

Ohubwiihulirwa 1:17

Nindamubona, ndakwa mu makulu kae koti omuundu ofwiire. Yandaaho omuhono kwae muluungi, mani yaboola ati, “Otatya daawe! Niise Alifa neende Omega.