Danieli 10:19 - EBBAIBBO EMBOOSI YA NASAAE

¹⁹ Mani n'amboolera ati: “Ewe, omuundu owaheerwa muno, otatya daawe. Omuleembe kube naawe. Kobolamo amaani mani ogume.” Nae niyalomaloma naange atyo, mani ningobolamo amaani nimboola endi: “Omwaami waange, lomaloma, olwohuba wungobosemo amaani.”

Danieli 10:19 Iomraidhean Croise

Esabbuli 138:3

Hu ludaalo lu ndalaangiraho, wangobolamo, wameedamo amaani mani ndomiira.

Yisaaya 35:4

Boolere abo abaweeremo omwooyo muti, “Gume, mutatya daawe! Bone, Nasaae weeng'we achia ohwiicha ohubawabina, neende ohusaandya abasuku beeng'we. Achia ohwiicha mani abaonie.”

Yisaaya 41:10

Otatya daawe, olwohuba ndi naawe. Oteyendeherera daawe, olwohuba niise Nasaae wao. Njia ohuhuberesa amaani, haandi njia ohuhuhoonya. Njia ohuhusiira neende omuhono kwaange muluungi mani huwonie.

Yisaaya 41:14

Omwaami aboola ati, ‘Kata amwahaba abadiidi haandi abakata, eng'we abasaacha ba Yisiraeli, mutatya! Njia ohubahoonya; Omuwonia weeng'we niye Omwoolerefu wa Yisiraeli.

Danieli 10:18

Haandi oyo owali nafwaanana koti omuundu yandiraho mani n'angalusamo amaani.

Danieli 9:23

Niwali nochaaka ohwekweeda hwao eyiri Nasaae, yahukobolamo. Bulaanu njichire ohuhuboolera esiindu si wekweeda, olwohuba oli omuheerwa muno. Mani baasa hu mboosi chi huboolera mani omanye amahuluundu k'ebiindu bi wabona muhuboneherwa.

Hagai 2:4

Nae ewe Serubbabbeli, neende ewe Yosua omulaamisi muhuluundu, haandi omwaana wa Yehosadaki, neende eng'we abaandu bomu syaalo, Omwaami aboola ati, gume, mutawaamo amaani. Hole omulimo, olwohuba ndi alala naang'we, Ese Omwaami w'Obunyala Niise oboola,

Sekaria 8:13

Eng'we abaandu ba Yuda neende aba Yisiraeli! Hale abateende bebwaabaanga abasyaabwe nibaboola bati, ‘Ohusihirira huhoya hwaahukwaaho ohuli koti ohwakwa hu Yuda neende Yisiraeli!’ Nae kata katyo ese njia ohubawonia, mani hu baandu bateende abo banyale ohuboolanira abeene-na-beene bati, ‘Ewe ohoya wanyoola ehabi chiri koti echeeha hu Yuda neende Yisiraeli!’ Mani sakira ewe lema omwooyo ohaye ohutya.”

Sekaria 8:9

“Mugume! Mbao bulaanu muli ohuwuliraanga emboosi nasilala neende echio chi banabbi balomalomaanga mu siha si musiingi kwali ni kuyabirwamo, ohwoombaha buyaaha Enyuumba ya Nasaae njaaha.”

Yowaana 11:3

Bamboochoong'ene bano mani nibatumira Yesu emboosi nibaboola bati, “Omwaami, omwiicha wao yi waheera muno, alwaalire.”

Yowaana 11:36

Mani Abayudaaya abo nibaboola bati, “Boneho koti lu yabeere niyamuheera!”

Yowaana 11:5

Yesu yali yaheera muno Lasaaro, Marita neende Maria.

Yowaana 14:27

Mbalehera omuleembe; mbaberesa omuleembe kwaange. Haba simbaberesa omuleembe koti lu syaalo siberesa daawe. Mutaleha emyooyo kyeeng'we kyeelalihira, haandi kyaatya daawe.

Yowaana 16:33

Mbabooleere ebyo, hu munyale ohuba neende omuleembe ohuumbitiramo. Hu syaalo huno muchia ohuba neende ebidinyu; nae mugume, ese malire ohuyiingira esyaalo.”

Yowaana 19:26

Yesu niyabona ng'ina, neende omweeki yi yali niyaheera muno nibeemere aambi ao, yaboolera ng'ina ati, “Maama, bona omwaana wao nguyo!”

Yowaana 21:20

Petero niyoobba amahemo enyuma, yabona omweeki wuundi oyo yi Yesu yali yaheera muno n'abaloonda. Omweeki oyo, niye owayeeha hu sirifu sya Yesu nibalya esy'engoloobe, yamuteeba ati, “Omwaami, wiina mweene ochia ohuhuhoba?”

1 Abakoriito 16:13

Mube meeso, mweeme mwomiire mu fukiirira yeeng'we, mube abagumu, mube ab'amaani.

2 Abakoriito 12:9

nae yamboolera ati, “embabaasi chaange chihumala, olwohuba amaani kaange kabonehera elalira mu bukata bwao.” Njia ohwemeeda ohweniinia mu bukata bwaange, hu maani ka Kristo kanyale ohumbaaho.

Abaefeso 6:10

Nimaliirisa, becheenge abomiifu mu Omwaami neende mu maani k'obukali bwae.

2 Timoteo 2:1

Nae ewe, mwaana waange, ba neende amaani ka hwanyoola ohubitira mu mbabaasi cha Kristo Yesu.

Yosua 1:9

Yichulisa oti mbeere hulagiire ohuba omumaliirifu haandi omugumu! Otabeechaanga omuti oba omusinyifu, olwohuba ese Omwaami Nasaae wao, ndi naawe eyo yoosi y'ochiira.”

Ohubwiihulirwa 1:17

Nindamubona, ndakwa mu makulu kae koti omuundu ofwiire. Yandaaho omuhono kwae muluungi, mani yaboola ati, “Otatya daawe! Niise Alifa neende Omega.

Abakayi 6:23

Nae Omwaami haandi yaamuboolera ati, “Omuleembe kwoong'ene sa. Otatya daawe. Haba soochia hufwa daawe.”