Danieli 10:16 - EBBAIBBO EMBOOSI YA NASAAE

¹⁶ Nae bone, Oyo ofwaanana neende omwaana w'omuundu n'adiira hu munwa kwaange, mani ninjasama ninjaaka ohulomaloma. Mani nimboolera oyo owali niyeemera mu moni waange endi: “Ewe Omwaami waange, ohuboneherwa huno hundeteere ohweyendeherera huungi muno. Mani amaani kambwereeremo elalira.

Danieli 10:16 Iomraidhean Croise

Ohutula 4:10

Nae Musa n'aboola ati, “Haba, Omwaami, otatuma ese daawe. Ese haba siindi omulomalomi mulai, haandi ohutula nochaaka ohulomaloma naange, sisiiri ohubaaho omuundu onyala ohulomaloma bulai. Ese ndi omulomalomi mubi muno, omuundu ochia kaala haandi onanaakira sa.”

Ohutula 4:13

Nae Musa yokobolamo ati, “Haba daawe, Omwaami waange, noojama tumaho sa omuundu wuundi.”

Omuyaali 1:18

Olwohuba koti lu wemeeda ohuba neende amakesi maangi, nilwo lu wemeeda ohuheeherwa, haandi oyo owemeeda ohumanya ebiingi, nilwo lu yemeeda ohuba neende engisa.

Yisaaya 6:7

Mani nageeng'a hu munwa kwaange, n'aboola ati: “Bona, elyaanda lino koti lu lyegeeng'ere hu munwa kwao; ebyonoono byao bimalirweo, haandi ebyonoono byao bihuleheerwemo.”

Yeremia 1:9

Omwaami yeemao yaakolola omuhono kwae, yaandiira hu munwa; mani yaamboolera ati: “Bona, ndeere emboosi chaange mu munwa kwao.

Esekeeli 1:26

Haandi aakulu w'ebbaanga lyali aakulu w'emitwe chaabwe, waliwo esiindu sifwaana koti esisaala sy'obutuki syaholwa mu safire. Hu sisaala sy'obutuki esyo, hwaliho oyo ofwaana koti omuundu.

Esekeeli 3:27

Nae niinjia ohulomaloma naawe, njia ohuboolola olulimi lwao, mani onyale ohulomaloma, obaboolere oti, ‘Omwaami Nasaae aboola ati’; oyo odaha ohuwulira, leha awulire; nae oyo otadaha ohuwulira, leha ahaye ohuwulira; olwohuba abaandu bomu syaalo sino bajeemu.”

Esekeeli 33:22

Engoloobe yeene eyo, omuundu oyo n'asisiiri ohwiicha, ndanyoola amaani k'Omwaami. Esiha si omuundu oyo yooleramo echuli, Omwaami yali n'amalire ohumboolola omunwa, ninyaliirwe ohulomaloma haandi.

Danieli 12:8

Ndawulira ebiindu bi yalomaloma, nae haba sindamanya amahuluundu kabyo daawe. Mani niteeba endi: “Ewe Omwaami waange, siina syeene esyahatule mu biindu bino?”

Danieli 4:19

Mani Danieli, eliita lyae liindi olaangwa ati, Bbelitesaasa, yamala embaka hooho niyeyendehereere, n'abula esy'ohuboola. Mani omutuki n'amuboolera ati: “Bbelitesaasa, esilooto neende amahuluundu kasyo, leha bihaye ohuhweyendeheresa daawe.” Bbelitesaasa mani n'akobolamo ati: “Omwaami waange, leha esilooto esyo sibe esy'abaandu batahudaha, haandi amahuluundu kasyo kabe ak'abasuku bao.”

Danieli 7:15

“Mani ese Danieli, nindeyendeherera muno mu mwooyo kwaange, hulw'ebiindu bi ndabona muhuboneherwa, mani ndatya muno.”

Danieli 7:28

“Ao mani niyo yi mboosi chine chaakama. Nae ese Danieli, ebibaaso byaange byakera ndaatya muno, mani efwaani yaange niyikaluuhana. Nae nimbiiha emboosi echomu mwooyo kwaange.”

Danieli 8:15

Nae ese, Danieli, nindamala ohubona ebyaanjekeswa muhuboneherwa huno, ndadaha ohumanya amahuluundu kabyo; mani bone, ndechuhana nimbona esiindu syambonehera koti omuundu niyemere mu moni waange.

Danieli 8:17

Mani n'asuda aambi w'abuundu yi ndali ninyemere. Nae niyeecha, obuti bwandiira mani niingwa aasi mafumaame. Nae niyaamboolera ati: “Ewe omwaana w'omuundu, manya oti, ebihuboneheere bidiira hu ndaalo ch'enjakamo.”

Danieli 8:18

Nae niyali n'alomalomaanga naange, ndechuhana ningwiire aasi mafumaame nitamanyireho ebiri hu syaalo. Nae yandiraho mani n'asiingisa ninyema.

Danieli 8:27

Ao mani ese Danieli ningobolamo amaani, mani nindwaala ohumala endaalo ediidi, mani luunyuma nisiingira mani ningobolayo ohuhola emirimo ch'omutuki. Nae ndawukaho sa ebiindu byamboneherwa, mani ndahaya ohubimanya.

Danieli 9:21

Mani nindali nisilomalomaanga niisaba esaala, Gabburieli, oyo yi ndabona muhuboneherwa hwataangira, n'abburuha bwaangu niyoola yi ndali. Byali ebiha by'ohuyaaniramo ebiyaanwa by'engoloobe.

Luka 1:64

Abweene ao, omunwa kwa Sakaria nikwiikuha, olulimi lwae niluboololoha, mani n'achaaka ohulomaloma, n'afumia Nasaae.

Luka 21:15

olwohuba, njia ohubaba eby'ohulomaloma neende amakesi kadahibwa, ka kata mulala hu basuku beeng'we aba achia ohunyala ohuhira kata ohudoondobania.

Yowaana 20:28

Tomasi yakobolamo ati, “Omwaami waange, haandi Nasaae waange!”

Yosua 5:14

“Kata,” omusaacha oyo haba siyakobolamo daawe. “Ese ndi ano koti omuhoongo w'eye ly'Omwaami.” Yosua yeehubba aasi mu hwiinamira mani n'aboola ati, “Ese naange ndi sa omuhalaabani wao, omuhuluundu waange. Siina syeene syoodaha ese hole?”

Ohubwiihulirwa 1:13

Haandi mu byeene ebyo, mwalimo esyali nisifwaana koti omuundu, nafwaalire eganjuula lyereera lyoola hu makulu, neende olusibiro lw'esaabbu nilumwebodohaanie esirifu syae.

Abakayi 13:8

Bulaanu Manoa yaasaba eyiri Omwaami n'aboola ati, “Nookanya, ewe Omwaami, leha omuundu wa Nasaae oyo yotumire, atukobolere haandi atuboolere esiindu si huhoyere ohuholera omwaana oyo naaba n'amalire ohwiibulwa.”

Abakayi 6:13

Mani Gidioni yaamuboolera ati, “Niwahaanganya ndateebaho, ewe omuhuluundu, lwasiina mani bino byoosi bitweholehaaneho nikali mbwe ewe Omwaami oli sa naafwe? Siina syeene esyakwa hu biindu biwukisa, bi bakuuka yeefwe batubooleraanga, bi ewe Omwaami wabaholeraanga hale, koti lu wabatusa mu Misiri? Efwe siri mbwe Omwaami yamala ohututa sa mu mahono k'Abamidia ohutuhola koti lu badaha.”

Abakayi 6:15

Gidioni nae yamukobolamo ati, “Nae ewe Omwaami, ese syeeng'ene nyala endye ohununula Yisiraeli? Enono yaange niyo eyihiramo obukata mu nono yoosi eya Manaase, haandi ese niise omuhayahaya ohiramo mu nyuumba yeefwe.”