Danieli 10:14 - EBBAIBBO EMBOOSI YA NASAAE

¹⁴ Mani bulaanu njichire ohuhuboolera omanye ebyahakwe hu baandu bao mu ndaalo chichiaayo. Olwohuba ebiindu bi wabona muhuboneherwa, by'endaalo chichiaayo.

Danieli 10:14 Iomraidhean Croise

Ohuchaaka 49:1

Yakobbo yalaanga abaana bae basyaani, mani yaababoolera ati, “Mwebuuse alala, mbaboolereho ebichia ohuboolaho mu ndaalo chiicha.

Yisaaya 2:2

Mu ndaalo chiichayo echo olugulu lu beenamiraho Omwaami lwahabe olugulu luhira mu ngulu choosi obuhunuufu, mani lwaaba aakulu w'ebigulu biindi byoosi; mani ebyaalo byoosi byechaanga nibyebuusira yi luli,

Esekeeli 12:27

“Ewe omwaana w'omuundu, bona, abomu syaalo sya Yisiraeli bali ohuboola bati, ‘Eby'ohuboneherwa byaali ohubona haba sibyahoolerere mu biha bino, haandi byalaanga byomu biha bisisiiri eyale muno.’

Esekeeli 38:16

Waheechie mani oseete abaandu baange Abaisiraeli nooli koti esireesi sidiirire hu syaalo. Esiha nisyahoole, ndahahutume oseete esyaalo syaange, mani ebyaalo binyale ohuumanya, nibyahabone koti lu hwehoonyeere ewe Googi, ohweekesa koti lu ndi omwoolerefu.

Danieli 10:1

Mu mwaaka kwohudatu okw'obutuki bwa Sairasi, omutuki wa Perisia, omulaanga mani nikubonehera Danieli, owali niwakulihwa eliita mbwe Bbelitesaasa. Ohubwiihulirwa ohwo hwali ohwadyeeri, haandi ohudinyu muno ohumanya. Mani Danieli n'amanya amahuluundu kakwo muhuboneherwa.

Danieli 12:4

Nae ewe Danieli, liinda omulaanga kuno mu bweekisi, haandi geeng'a esifuundiho hu sitabo sino, ohwoola hu biha by'enjakamo. Abaandu baangi baheeruhe nibachia eno neende era, haandi ohumanya ebiholehana hwahemeede.”

Danieli 12:9

Nae yangobolamo ati: “Ewe Danieli, ndiira engira yao mani oweeo, olwohuba amahuwa ako k'ohuliindwa mu bweekisi, haandi kateerweho esifuundiho, ohwoola hu biha by'enjakamo.”

Danieli 2:28

Nae yiluwo Nasaae oli muukulu, obwiihula eby'engiso. Mani niye ohwekeese, ewe Omutuki Nebukadineesa, ebiindu bichia ohukwaao mu ndaalo chichiaayo. Esilooto syao, neende bi waboneherwa niweyaliise nibyo bino:

Danieli 8:16

Haandi nimbulira ekono ly'omuundu nilitulira akatikaati w'Omwaalo kwa Wulaayi, nililaanga liti: “Gabburieli, yekesa omusaacha oyo amahuluundu k'ebiindu bimuboneheere.”

Danieli 8:26

Haandi ohuboneherwa hudiira hu ebiha by'engoloobe neende echuli, hwadyeeri nihwo. Nae ewe, ebiri muhuboneherwa ohwo, biliinde koti eby'engiso muno, olwohuba bidiira hu siha sihoongo syahabiteo, hu bimale byolerere.”

Danieli 9:22

Yeechia mani naamboolera ati: “Ewe Danieli, bulaanu njichire ohuhuberesa amakesi mani omanye.

Hosea 3:5

Nae kata katyo, esiha sichia ohwiicha, abaandu ba Yisiraeli nibachia haandi ehabi liindi ohukaluuhana eyiri Omwaami Nasaae waabwe, haandi neende eyiri omwiichuhulu wa Daudi omutuki waabwe. Mani ao niwo yibahanyalire ohutya Omwaami oyo, mani banyale ohunyolaanga ebiyaanwa byae bilai ebyo.

Mika 4:1

Mu ndaalo chiichayo echio, olugulu lu nyuumba ya Nasaae yoombahwahwo lwaheehole olugulu luhiramo mu ngulu choosi obuhunuufu, mani lwaaba aakulu w'ebigulu biindi byoosi; ebyaalo byoosi byaheebuusire yi luli,

Habbakuuku 2:3

Byaandiike, olwohuba esiha sichia ohwiicha bwaangu, haandi esyo siinjia ohuhweekesa sichia ohwoolerera abweene. Haba sinyala ohuhiindaho ohwoola, nae ewe siliinde sa; ohwoola lu sichia ohubaao, haandi abula esyo esichia ohusihiisa ohwoolerera.

Ohubala 24:14

Bbalamu yaboolera Bbaraki ati, Ese bulaanu mbano ngobola engo eyiri abaandu baange, nae nitawaao, ndi ohuhulabula ebiindu bi, abaandu ba Yisiraeli bachia ohuhola abaandu bao mu ndaalo chiicha.

Amalako Kohubiri 31:21

Mani ebidinyu neende ohusaanda huungi nibyahabakweeho, olweembo luno luchia ohubakobosamo omwooyo koti omuloli (Abeechuhulu baabwe haba si bahalwiibirire). Olwohuba manyire ebichiiririrwa byaabwe, kata nisisiiri ohubayira mu syaalo si ndeechuba ohubaberesa.”

Amalako Kohubiri 31:29

Olwohuba manyire endi, nindahafwe, bahehole ababi elalira, haandi balehane neende bi mbalagiire ohuhola. Mani mu ndaalo chiicha ebidinyu bichia ohubakwichaangaho, olwohuba mwahabecheenge nimwoononere mu moni w'Omwaami, nimumunyoleese ohweema hu biindu bibi bi muhola.”

Amalako Kohubiri 4:30

Nimunabecheenge mu budinyu, ebiindu bino byoosi nibibakwaaho endaalo nichibitireo, munakoboleenge eyiri Omwaami Nasaae weeng'we mani muwulira emboosi chae.

2 Timoteo 3:1

Manya sino oti, ebidinyu bicha ohubaao mu ndaalo chimaliiriha.

Abaibburania 2:3

Bulaanu huba huchia ohweewonia hutye, nihulekeeresa obuwonia buhunuufu buno? Omwaami mweene niye owataangira ohulaangirira obuwonia buno, haandi abo abamuwulira batwomiisira bati bwadyeeri nibwo.