Danieli 1:4 - EBBAIBBO EMBOOSI YA NASAAE

⁴ Yali owohudoola abaraaga abataaliho embala hu mibiri kyaabwe, ababoneha bulai, abakesi, haandi abaangu b'ohweekesa, haandi abanyala ohuhalaabanira mu dooho ly'omutuki. Asupenaasi yahuutirwa ohubeekesa ohusoma, ohwandiika neende ohulomaloma olulimi lw'Abakaludaaya.

Danieli 1:4 Iomraidhean Croise

Ohuchaaka 41:46

Yosefu yali neende emyaaka amahumi kadatu, n'achaaka ohuhalaabanira omutuki wa Misiri. Yosefu yatula mu daala ly'omutuki, yakeenda mu syaalo sy'e Misiri syoosi.

2 Samueli 14:25

Yabulao oyo yeesi mu Yisiraeli yi yakiire owali niyamanyihana hulw'esiiso syae silai koti Abbusalomu; yali naabulaho embala yoosi, ohutulira elalira hu mutwe, ohwoola hu lwaala lw'ohukulu.

Engaado 22:29

Omuundu ohola emirimo neende esinani, achia ohuba alala neende abatuki; haba saahoyera ohuba alala neende abaandu ba buli ludaalo.

Omuyaali 7:19

Amakesi kaberesa omuundu mukesi amaani ohuhira abatuki ehumi abali mu siko.

Yisaaya 36:11

Mani Eliakimu, Sebbina, neende Yowa nibaboolera Rabbusake bati, “Huhwekweeda, olomalome naafwe mu, olwohuba hulumanyire; nae otalomalomaho naafwe mu Luibburania abaandu bali hu sida nibawulira.”

Yeremia 5:15

Bone, eng'we Abaisiraeli, njia ohuleeta esyaalo sy'eyale sibasihirise, Omwaami niye oboola. Abo nibo ab'esyaalo sy'amaani, haandi esihale, Esyaalo sy'olulimi lu mutaamanyire, haandi haba simumanyireho bi balomaloma.

Danieli 2:10

Abakalidaaya nibakobola mu mutuki bati: “Abulao omuundu kata mulala hu syaalo onyala ohuhola esiindu sy'osaba. Olwohuba abulao omutuki yeesi, noomba omutuki w'oluyaali luhoongo muno, owali nasabire ow'amayia wae, oba ow'amaya wae, oba omuhingi wae, esiindu sifwaanana sityo.

Danieli 2:2

Ao omutuki Nebukadineesa n'atuma balaange abalakusi bae, ab'amayia bae, neende abahiingi bae neende Abakalidaaya, ohumutuumbulira esilooto syae. Beecha beeyekesa eyiri omutuki.

Danieli 3:8

Mani sakira, mu biha ebyo Abakalidaaya baandi embaliha yabadiira mani nibasitaka Abayudaaya omusaango.

Danieli 4:7

Mani abalakusi, neende ab'amayia, neende Abakalidaaya, neende abahiingi, neende abasomera eby'eng'iniing'ini nibeecha, mani nimbaboolera esilooto syaange. Nae abulao owanyala ohumboolera amahuluundu k'esilooto esyo.

Danieli 5:11

Aliwo omusaacha mu bwaami bwao olimo mwooyo wa banasaae boolerefu. Mu ndaalo cha laatao, cha ohubona eyale, ohumanya neende amakesi, koti amakesi ka banasaae, byanyoolehana mu musaacha wuno, mani Omutuki Nebukadineesa, laatao, yamuhola ohuba omuhuluundu w'abalakusi, ab'amayia, Abakalidaaya, abahiingi neende abasomera eby'eng'iniing'ini.

Danieli 5:7

Mani omutuki n'ahubba embuungu ati baleete abalakusi, Abakalidaaya, neende abahiingi, neende abasomera eby'eng'iniing'ini. Mani omutuki n'aboolera abakeraki b'amakesi bomu Bbabbilooni ati: “Oyo onasome esyandiiko sino, haandi yatuumbula amahuluundu kasyo, achia ohufwaaswa ebyefwaalo by'abachweenufu, haandi abe neende olunyolo lw'esaabbu mu kosi, haandi anabereswa edaara lyohudatu ely'obutuki mu bwaami.”

Danieli 9:1

Dario omwaana wa Ahasuera, omwibulana wa Media yali omutuki w'Abakaludaaya.

Sekaria 2:4

Malaika wataangira wula yaboolera owuundi oyo ati, “Ewe yiruha bwaangu mani ochie oboolere omusaacha muraaga oyo oli neende olusya lukeraanga oti yicha ohubaao abaandu abaangi muno alala neende ebituke ebibitiirifu mu Yerusalemu sibe esibaambali muno esitanyala ohwoombahwaho ebida daawe.

Ebiholwa 7:20

Esiha sino nisyo si Musa yebulirwamo yaaba omulai muno mu moni wa Nasaae. Yahusirwaho mu nyuumba ya laatang'ene hulw'embaka y'emyoosi kidatu kyoong'ene;

Ebiholwa 7:22

Musa yakerakirwa neende amakesi koosi akali kahoyera Abamisiri, mani yaaba neende enomanoma alala neende ebihole bihunuufu muno.

Abaefeso 5:27

hwaanyale ohwediisa omweene abafukiiriri abo, neende obulai, nibabulaho ekoondo lyoosi, kata sa ohweekoda hwoosi, oba esiindu syoosi esifwaanaho sityo, hu banyale ohuba aboolerefu haandi ababulaho obubi bwoosi.

Abakayi 8:18

Bulaanu haandi, Gidioni yeemao yaateeba Sebba neende Salimuuna ati, “Abasaacha ba mweetera mu Taboori bali yeena?” Nabo bamukobolamo bati, “Bali sa nibafwaanana neende ewe, buli otula hu nibo yali ni yanyirira koti omwaana w'omutuki.”