Danieli 1:2 - EBBAIBBO EMBOOSI YA NASAAE

² Mani Omwaami n'amuleha n'awaamba Yehoyakimu omutuki wa Buyudaaya, alala neende ebiindu biindi ebyomu nyuumba ya Nasaae; mani n'abiyira mu syaalo sya Sinaari, mu sabo lya nasaae wae, mani n'abita mu sibiihiro sya nasaae wae.

Danieli 1:2 Iomraidhean Croise

Ohuchaaka 10:10

Muhuchaaka, obwaami bwae bwali mu Bbabbilooni, Ereki, neende Akadi, bino byoosi byali mu syaalo sya Sinari.

Ohuchaaka 11:2

Haandi koti lu baandu bali nibawuuya ohutula ebukwe, banyoola esyaalo sy'esipaapi mu Sinari mani nibamenyamo.

2 Abatuki 24:1

Mu ndaalo ch'obutuki bwa Yehoyakimu, Nebukadineesa omutuki wa Bbabbilooni yaseeta esyaalo sya Buyudaaya, mani Yehoyakimu niyeehola omuhalaabani wae ohumala embaka y'emyaaka kidatu; mani naamujeemera.

2 Ebyomubiha 36:5

Yehoyakimu yali naali emyaaka amahumi kabiri neende kitaanu eky'obuhuluundu niyeehaswa ohuba omutuki wa Yuda, mani yaanyala ohutukira mu Yerusalemu ohumala embaka y'emyaaka ehumi neende mulala. Yonoona mu moni w'Omwaami Nasaae wae.

2 Ebyomubiha 36:7

Nebukadineesa yakiinga yaayira obuyiinda buundi bwoomu Nyuumba ya Nasaae, mani yaabuta mu dooho lyae mu Bbabbilooni

Esira 1:7

Omutuki Sairasi nae yabakobosera ebbakuli choosi alala neende ebikoombe bi Omutuki Nebukadineesa yali niyabukula ohutula mu Nyuumba ya Nasaae eyali mu Yerusalemu bi yali niyayira niyata mu nyuumba ya banasaae bae.

Yisaaya 11:11

Oludaalo olwo nilwahoole, Omwaami haandi yahehoonyere obunyala bwae ehabi liindi, mani abaandu bae abahabe nibadoong'ao, yahabakobose ohutula mu Asiria, neende mu Misiri, neende mu Patiroosi, neende mu Etiopia, neende mu Elamu, neende mu Sinaari, neende ohutula mu byaalo biri aambi neende enyaanja hoongo.

Yisaaya 42:24

Wiina owaleha abeechuhulu ba Yakobbo ohunyakwa? Wiina owayaanayo Yisiraeli ohukwa mu mahono k'abanyaka? Yali Omwaami mweene yihunyoolesa nihuhola ebyonoono. Oyo yihwahaya ohuhola by'adaha, mani hwajeemera amalako kae.

Yeremia 25:1

Mu mwaaka kwohune, kw'obutuki bwa Yehoyakimu, omwaana wa Yosia, omutuki wa Buyudaaya, ese Yeremia ndanyoola emboosi y'Omwaami, eyidiira hu baandu bomu Buyudaaya. (Okwo nikwo okwali omwaaka kwaamberi okw'obutuki bwa Nebukadineesa, omutuki wa Bbabbilooni.)

Yeremia 27:16

Sakira ndalomaloma neende abalaamisi neende abaandu boosi endi, Omwaami aboola ati: “Mutatekeeresa emboosi ch'abanabbi beeng'we abo abali ohulaangiriraanga nibaboola bati, ‘Bone, eby'obuyiinda byomu nyuumba y'Omwaami bichia ohukaluswa ohutula Bbabbilooni,’ olwohuba bali ohulaangiraanga eby'obubacha.

Yeremia 28:3

Mu mbaka y'emyaaka kibiri, njia ohukobosa abuundu ano ebiindu byomu nyuumba y'Omwaami byoosi, bi Nebukadineesa omutuki wa Bbabbilooni yanyaka yaayira Bbabbilooni.

Yeremia 35:11

Nae Nebukadineesa omutuki wa Bbabbilooni niyaseeta esyaalo sino, hwaboola huti, ‘Yiche, mani lehe huchie Yerusalemu hulw'ohutya eye ly'Abakalidaaya neende eye lya Abasiria.’ Mani sakira huli mu Yerusalemu.”

Yeremia 50:2

Yaalira ebyaalo emboosi haandi obalaangirire. Taao ebipaande mani olaangiirire, otabakisaho esiindu syoosi daawe, mani obaboolere oti: “Bbabbilooni siwaambirwe, owali nasaae wasyo esoni chimudiirire. Merodaki nasaae wasyo akuchumbuuhe. Ebifwaanani byasyo neende ebiloongaloongwe biindi ebiinamirwa binyonyoboolwe.

Yeremia 51:44

Njia ohusaandya Beeli, nasaae wa Bbabbilooni, mani mukoboseyo yi yali hale. Ebyaalo haba sibyaheechie yaali ohumwiinamira. Ebida bya Bbabbilooni bikwiire.

Danieli 5:13

Ao mani nibaleeta Danieli mu muno w'omutuki. Mani omutuki n'ateeba Danieli ati: “Niiwe Danieli, mulala hu Bayudaaya abanyakibwa, ba Laata yaange yatusa mu Buyudaaya?

Danieli 5:18

Ewe omutuki, Nasaae w'Aakulu Muno yaberesa Nebukadineesa, laatao obutuki neende obwaami, neende oluyaali, neende obuhuluundu.

Habbakuuku 1:16

Beenamira sa enjero chaabwe echio ni bachiweerera ebiyaanwa, olwohuba enjero chaabwe nichio echibaberesaanga buli silai syoosi si badaha.

Sekaria 5:11

Nae yakobolamo ati, “Ngaandi mu Bbabbilooni, yibachia ohusyoombahira enyuumba ya nasaae yasyo. Enyuumba ya nasaae eyo niyiba niyiweere esimweero esyo sichia ohuteebwamo mani siinamirweenge.”

Amalako Kohubiri 32:30

Omuundu mulala yahayingiire atye abaandu elifu ndala, haandi babiri bakera abaandu elifu ehumi beeruha, ohutusaho Ow'obunyala obaliinda yaaba n'atabetusaho, haandi Omwaami yabajwaang'a?

Abakayi 2:14

Mani sakira Omwaami yeemao yaaba omwaalaba eyiri Abaisiraeli, mani yaaleha abapeeyi babasetaanga haandi nibabanyaka. Yaleha abasuku boosi abali nibabebodoohania, baanyala ohubayiingira, mani Abaisiraeli boola ohuhayirwa elalira engeri y'ohweliindiramo.

Abakayi 3:8

Mani Omwaami yesi yanyoolerera muno Yisiraeli yoola ohuleha Omutuki Kusani Risataimu owa Mesopotamia ohwiicha ohubayiingira. Baba aasi wae hulw'embaka y'emyaaka kitaanu-na-kidatu.

Abakayi 4:2

Mani Omwaami yesi haandi yaabaleha bayiingirwa neende Yabbini, omutuki Mukanani owali naatukira mu siko sya Hasoori. Omuhoongo w'eye lyae yali Siseera, owali niyamenya mu Haroseeti-sya-Abateende.

1 Samueli 5:2

Baliyira mani nibalita mu nyuumba ya nasaae waabwe olaangwa Dagoni, nibalita aambi neende esifwaanani siloongaloongwe sya nasaae oyo.