Danieli 1:17 - EBBAIBBO EMBOOSI YA NASAAE

¹⁷ Mani Nasaae n'aberesa abaraaga bane bano amakesi neende ohumanya bi beekesa byoosi bwaangu muno. Nae Danieli nameedwaho ohumanyaanga amahuluundu k'ohuboneherwa neende ak'ebilooto.

Danieli 1:17 Iomraidhean Croise

1 Abatuki 3:12

mani ese njia ohuhola koti lu osabire. Njia ohuhuberesa amakesi kahira hoo, haandi neende ohumanya huungi muno ebihira bi buli muundu yeesi yali hooho nabyo enyuma eyo, kata sa neende byaalinyala ohuba nabyo hooho yi bwiicha eyo.

1 Abatuki 3:28

Mani Yisiraeli yoosi ayaakiriire niyawulira eheenga eyo yi Mutuki yali n'aholere, batya muno omutuki oyo, olwohuba babona bati amakesi ka Nasaae kali nikamulimo nikamunyalira ohuhola obuhoyera.

2 Ebyomubiha 1:10

ewe mala sa akaamberesa amakesi neende obumanyirifu bi hoyeere ohuba nabyo hu nyale ohubeemiriraanga. Ataali ao, ese syeeng'ene mba ndanyala endye ohutuka abaandu bahunuufu bao bano?”

2 Ebyomubiha 1:12

Mani ese njia ohuhuberesa amakesi neende ohumanya. Haandi ohumeeda hu bweene ohwo, ese njia ohuhuberesa emyaandu miingi, alala neende obunyali, haandi oluyaali ebihiraho bi mutuki yeesi yaliho nabyo hale, achia ohubaaho nabyo haandi.”

2 Ebyomubiha 26:5

Koti lu Sakaria yali naali omulamu, alala neende abakeraki bae b'esinadiini, yahalaabaniraanga sa Omwaami neende obweesikwa, mani Nasaae yesi yaanyala ohumuberesaanga ehabi.

Yobbu 32:8

Nae omwooyo kwa Nasaae kuli mu baandu, omuuya kw'Owobunyala bwoosi, nikwo okukera abaandu baamanya.

Engaado 2:6

Olwohuba Omwaami niye oberesa amakesi; ohumanya neende ohuchwichwiisa, ebitula mu munwa mwae;

Omuyaali 2:26

Olwohuba Nasaae aberesa amakesi, ohumanya neende esangaalo eyiri omuundu omusangaasa. Nae eyiri omuhola-mbi, Nasaae amuberesa omulimo kw'ohubuusa neende ohubungiha obuyiinda, amale abiberese abo abamusangaasa. Sino syoosi bihaya byeene, siri koti ohwiirusa omuyaka okudiire.

Yisaaya 28:26

Omulimi amanyire ohuhola omulimo kwae; olwohuba Nasaae wae amweekesa.

Esekeeli 28:3

Obaasa oti oli omukesi ohuhira Danieli; mani sibulao esyaama sibanyala ohuhukisa.

Danieli 1:18

Mani ebiha bi omutuki Nebukadineesa bi yalagira ati baanjulwe, omuhuluundu w'abalaawe n'abayira babaanjule eyiri omutuki.

Danieli 1:20

Mani mu buli siindu sy'amakesi neende ohumanya si omutuki yabateebaanga, yabona ati, bane bano bahira amahabi ehumi abalakusi boosi neende ab'amayia boosi abomu butuki bwae bwoosi.

Danieli 1:4

Yali owohudoola abaraaga abataaliho embala hu mibiri kyaabwe, ababoneha bulai, abakesi, haandi abaangu b'ohweekesa, haandi abanyala ohuhalaabanira mu dooho ly'omutuki. Asupenaasi yahuutirwa ohubeekesa ohusoma, ohwandiika neende ohulomaloma olulimi lw'Abakaludaaya.

Danieli 10:1

Mu mwaaka kwohudatu okw'obutuki bwa Sairasi, omutuki wa Perisia, omulaanga mani nikubonehera Danieli, owali niwakulihwa eliita mbwe Bbelitesaasa. Ohubwiihulirwa ohwo hwali ohwadyeeri, haandi ohudinyu muno ohumanya. Mani Danieli n'amanya amahuluundu kakwo muhuboneherwa.

Danieli 2:19

Mani esiro esyo, esy'engiso sino nisibonehera Danieli. Mani Danieli n'afumia Nasaae wo muukulu

Danieli 2:21

Niye okaluuhania ebiha neende endaalo; niye otusaho abatuki haandi niye otaao abatuki; niye oberesa abakesi amakesi neende ohumanya eyiri abo abamanyire.”

Danieli 2:23

Hweebasa haandi hufumia, Ewe, Nasaae wa bakuuka yeefwe. Olwohuba wumbereese amakesi neende amaani, haandi bulaanu, omalire ohunjekesa si huhusabire. Otwekeese eyo si mutuki adaha.

Danieli 2:30

Nae ese, esy'engiso sino simbwihuliirwe, ataali mbwe ndi omukesi ohuhiraho abaandu balamu baandi boosi, nae simbwihuliire, hu ewe omutuki, onyale ohumanya amahuluundu k'esilooto syao, haandu omanye ebibaaso byahwiichira mu mutwe kwao.

Danieli 4:6

Mani sakira ndatusa elako endi abakeraki b'amakesi bomu Bbabbilooni boosi beeche mani baamboolere amahuluundu k'esilooto esyo.

Danieli 5:14

Ndawulira endi Mwooyo wa Nasaae Mwoolerefu ahulimo, haandi koti obona eyale muno haandi omanyire muno, haandi oli neende amakesi k'aakulu muno.

Danieli 7:1

Mu mwaaka kutaangira okw'obutuki bw'omutuki Bbelisasa, omutuki wa Bbabbilooni, ese Danieli nindoota esilooto mani ndaaboneherwa mu siro esyo, nindeyaliise mu sitaanda syaange. Mani ninyaandiika esilooto esyo, mani ninganiaaya ebiindu bi ndabona.

Danieli 8:1

Mu mwaaka kwohudatu okw'obutuki bwa Bbelisasa, ese Danieli ndanyoola ohuboneherwa, ohuloonda hu huboneherwa hu ndataangira ohunyoola.

Ohubala 12:6

mani Omwaami n'aboola ati, “Bulaanu eng'we mutekeerese bulai bi njia ohulomaloma! Abanabbi nibaba mweeng'we, ese mbeyekesera mu huboneherwaanga mani nomanoma nabo mu bilooto.

Luka 21:15

olwohuba, njia ohubaba eby'ohulomaloma neende amakesi kadahibwa, ka kata mulala hu basuku beeng'we aba achia ohunyala ohuhira kata ohudoondobania.

Ebiholwa 6:10

Nae haba sibanyala ohuyiingania amakesi alala neende Mwooyo bi Sitefaano yehoonyeraanga naalomaloma nabo.

Ebiholwa 7:10

yamuwonia yamutusa mubuchuuni bwae bwoosi, yamala yaamuheera, yamuba amakesi maangi muno mu moni wa omutuki wa Misiri, yamuhola yaaba gafana wa Misiri, haandi ow'edaala lyae lyoosi.

Ebiholwa 7:22

Musa yakerakirwa neende amakesi koosi akali kahoyera Abamisiri, mani yaaba neende enomanoma alala neende ebihole bihunuufu muno.

Abakolosaayi 1:9

Mani, ohutulira elalira hu ludaalo lu hwawulirira hu buheeri obwo, hutaalehaho ohubasabiraanga, nihwekoomba huti, mwesi mwiichusibwe neende ohumanya naadaha mu makesi k'omwooyo neende ohumanyaanga,

Yakobbo 1:17

Buli siyaanwa silai haandi esiichufu, situla Muukulu; situla eyiri Nasaae Seefwe, owaloonga obulafu bwomu kulu, otakaluuhana-kaluuhana oba yaleeta esiirima n'akaluuhana.

Yakobbo 1:5

Nae n'aliwo omuundu yeesi mweeng'we otaali neende amakesi, leha asabe Nasaae, ochia ohumuberesa amakesi; olwohuba Nasaae niye oberesaanga abaandu boosi ebiindu mu buungi.