Danieli 1:1 - EBBAIBBO EMBOOSI YA NASAAE

¹ Mu mwaaka kwohudatu okw'obutuki bwa Yehoyakimu omutuki wa Buyudaaya, Nebukadineesa omutuki wa Bbabbilooni, yaseeta Yerusalemu mani n'asyebodoohania.

Danieli 1:1 Iomraidhean Croise

2 Abatuki 23:36

Yehoyakimu yachaaka ohutuka naali neende emyaaka amahumi kabiri neende kitaanu eky'obuhuluundu, mani naatukira mu Yerusalemu ohumala embaka y'emyaaka kitaanu-na-kibiri. Eliita lya ng'ina lyali Sebida omuhaana wa Pedaaya ohutula mu siko sya Ruma.

2 Abatuki 24:13

Mani Nebukadineesa nakiinga eby'obuyiinda byoosi ebyali mu Nyuumba y'Omwaami, neende eby'obuyiinda byali mu dooho ly'omutuki, mani naadonyola-donyolamo ebiindu by'esaabbu byoosi ebyali mu Nyuumba y'Omwaami, bi Solomooni omutuki wa Yisiraeli yali n'ateere mu Nyuumba y'Omwaami, koti lu Omwaami yali niyaboola hale.

Yisaaya 39:7

Haandi hu basyaani bao beene, abo baweebula, bachia ohuyirwa; mani bahabalooye, bahalaabanire mu dooho ly'omutuki wa Bbabbilooni.”

Yeremia 25:1

Mu mwaaka kwohune, kw'obutuki bwa Yehoyakimu, omwaana wa Yosia, omutuki wa Buyudaaya, ese Yeremia ndanyoola emboosi y'Omwaami, eyidiira hu baandu bomu Buyudaaya. (Okwo nikwo okwali omwaaka kwaamberi okw'obutuki bwa Nebukadineesa, omutuki wa Bbabbilooni.)

Yeremia 35:1

Mu ndaalo chi Yehoyakimu omwaana wa Yosia, yali omutuki wa Buyudaaya, Omwaami yaboolera Yeremia ati:

Yeremia 35:11

Nae Nebukadineesa omutuki wa Bbabbilooni niyaseeta esyaalo sino, hwaboola huti, ‘Yiche, mani lehe huchie Yerusalemu hulw'ohutya eye ly'Abakalidaaya neende eye lya Abasiria.’ Mani sakira huli mu Yerusalemu.”

Yeremia 36:1

Mu mwaaka kwohune kw'obutuki bwa Yehoyakimu omwaana wa Yosia Omutuki wa Buyudaaya, Omwaami yamboolera ati:

Yeremia 45:1

Mu mwaaka kwohune kw'obutuki bwa Yehoyakimu omwaana wa Yosia, omutuki wa Buyudaaya, Bbaruku yandiika emboosi koti lu ndamuboolera. Mani nimuboolera endi:

Yeremia 50:1

Yino niyo emboosi yi Omwaami yaamberesa eyidiira hu Bbabbilooni, neende hu baandu basyo:

Yeremia 52:12

Mu mwoosi kwohutaanu, hu ludaalo lw'ehumi lw'omwoosi okwo, okwo kwali omwaaka kw'ehumi-na-chitaanu-na-chine okw'obutuki bwa Nebukadineesa, omutuki wa Bbabbilooni, Nebbusaradaani, omuwi wae w'amakesi haandi omuhoongo w'abaliindi bae, mani niyeengira mu Yerusalemu.

Yeremia 52:28

Buno nibwo obuungi bw'abaandu ba Nebukadineesa yayira mu jeela: mu mwaaka kwa hataanu-na-habiri okw'obutuki bwae, yayira Abayudaaya, elifu chidatu neende amahumi kabiri-na-badatu (3,023).

Danieli 5:13

Ao mani nibaleeta Danieli mu muno w'omutuki. Mani omutuki n'ateeba Danieli ati: “Niiwe Danieli, mulala hu Bayudaaya abanyakibwa, ba Laata yaange yatusa mu Buyudaaya?