Abafilipi 3:5 - EBBAIBBO EMBOOSI YA NASAAE

⁵ ese owahebwa hu ludaalo lwa chitaanu-na-chidatu, omuundu otula hu baandu Baisiraeli, ow'enono ya Bbenjamini, Omuibburania webulwa neende Abaibburania; ohweema hu bi malako ka Musa kadaha, Omufarisaayo omweene,

EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁵ ese owahebwa hu ludaalo lwa chitaanu-na-chidatu, omuundu otula hu baandu Baisiraeli, ow'enono ya Bbenjamini, Omuibburania webulwa neende Abaibburania; ohweema hu bi malako ka Musa kadaha, Omufarisaayo omweene,

Abafilipi 3:5 Iomraidhean Croise

Ohuchaaka 14:13

Nae mulala hu baandu bano yaboolera Abburamu Omuibburania owali niyamenya aambi neende emisaala myoolerefu kya Mamure Omuamoori, mwaanang'ina Esikoli neende Aneri. Bano bali abakwa alala neende Abburamu.

Ohuchaaka 17:12

Ohutula buti ohwemeeda mu moni, buli mwaana musyaani w'ohuhebwaanga n'amalire endaalo chitaanu-na-chidatu. Kata ayahaba naali omwaana w'omuwaambe otaali ow'oluya lwao.

Ohuchaaka 40:15

Olwohuba baanjiba ohutula mu syaalo sy'Abaibburania; haandi baamboyera mu nyuumba kata ayahaba mbwe sibulao esibi si ndahola daawe.”

Ohuchaaka 41:12

Hwali alala neende Omuyudaya muraaga wuundi, omuwaambe w'omuliindi muhuluundu; nae nihwamuboolera ebilooto byeefwe ebyo, yatutuumbulirao sa amahuluundu k'ebilooto ebyo byoosi. Yaboolera buli muundu amahuluundu ohuchianakana neende esilooto syae koti lu syalichiingi.

Yona 1:9

Mani Yona naababoolera ati, “Ese ndi Omuibburania; haandi nyinamira Omwaami, Nasaae wo Muukulu, owaloonga enyaanja neende eloba.”

Luka 1:59

Nae oludaalo lwa chitaanu-na-chidatu nilwoola, beecha ohuheba omwaana oyo; mani bali badaha ohumukuliha eliita lya laatang'ene bati Sakaria,

Luka 2:21

Nae luunyuma lw'endaalo chitaanu-na-chidatu, omwaana niyali amalire ohuhebwa, yabeereswa eliita Yesu, eliita li malaika yamuberesa n'atayerwa mu nda.

Luka 5:38

Nae efiini njaaha yihoyerwa ohuchuhibwa mu bikiingiro by'efiini by'amaseero biyaaha.

Ebiholwa 22:3

“Ese ndi Omuyudaaya, owebulirwa e Tarisiisi mu Silisia, nae owahusirwa mu siko syeene sino mu makulu ka Gamalieli, oweekeswa bulai ohuchianakana neende emiima myomiifu echa amalako ka Musa aka bakuuka yeefwe, owali omulwaaniliri wa Nasaae koti lu mwesi muli muti yaanga yino.

Ebiholwa 23:6

Nae Paulo niyamanya ati, olwaande lulala lwali olw'Abasadukaayo, nae oluundi lwali olw'Abafarisaayo, yehuuma mu siina n'aboola ati, “Eng'we basyaange, ese ndi Omufarisaayo, omwaana w'Abafarisaayo beene; olwohuba ese ndi neende esuubi haandi fukiirira mu husyuuha hw'abafu, sakira ndi ohuyaaswa.”

Ebiholwa 6:1

Bulaanu endaalo echo, abeeki nibachaaka ohwemeeda ohwiingiya, Abayudaaya balomalomaanga Olugiriki bachaaka ohwekanyiirisa hu Bayudaaya beene bati abahasi bafwiirwe baabwe bali nibalehwaangwa nibatabeereswa obuhoonyi bwakabwaangwa.

Abarooma 11:1

Bulaanu ndeeba endi: Nasaae yahaya abaandu bae beene? Mubwadyeeri bweene haba daawe! Ese mweene ndi Omuisiraeli, omwichuhulu w'Abburahamu, mulala hu b'enono ya Bbenjamini.

2 Abakoriito 11:22

Bayudaaya nibo, kose? Syesi nilwo lundi. Baisiraeli nibo, kose? Syesi nilwo lundi. Beechuhulu ba Abburahamu, kose? Syesi nilwo lundi.

1 Samueli 4:6

Abafilisiti nibawulira oluwuungu lwadengaania esyaalo olwo, beteeba bati, “Oluwuungu lwakiire ao oludengaania esyaalo lutyo oluli mu kaambi y'Abaibburania, lweekesa siina?” Nae nibamanya bati Esanduuku ly'Endagaano y'Omwaami lyali nilyoolere mu kaambi y'Abaibburania,