Abafilipi 2:9 - EBBAIBBO EMBOOSI YA NASAAE

⁹ Mani sakira Nasaae yamuniinia aakulu muno, haandi yaamuberesa eliita ly'oluyaali lihira ameeta koosi.

EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁹ Mani sakira Nasaae yamuniinia aakulu muno, haandi yaamuberesa eliita ly'oluyaali lihira ameeta koosi.

Abafilipi 2:9 Iomraidhean Croise

Ohuchaaka 3:15

Njia ohutaao obusuku akatikaati wao neende omuhasi, haandi akatikaati w'olwiibulo lwao neende olwae; achia ohuhusaasakulaanga omutwe, naawe ewe ochia ohumuboochaanga esisisiro.”

Esabbuli 110:1

Omwaami yaboolera omwaami waange ati, “Yihala ano hu muhono kwaange muluungi ohwoola lu ndirihola abasuku bao esy'ohugeeng'aho amakulu kao.”

Esabbuli 110:5

Omwaami ali hu muhono kwao muluungi; niyahanyoolere, yahayiingire abatuki.

Esabbuli 89:27

Njia ohumuhola abe omwaana waamberi, ohira abatuki boosi hu syaalo.

Esabbuli 91:14

Nasaae aboola ati, “Ese njia ohuwonia abo abaheera haandi njia ohuliinda abo abafukiirira koti Omwaami.

Yisaaya 52:13

Omwaami aboola ati: “Bone omuhalaabani waange, buli sy'ahola simuchiira bulai. Achia ohwiiswamo oluyaali luhoongo haandi yahakinisibwe muno.

Yisaaya 53:12

Mani sakira muberesa omukabo kwaakana neende okw'ahunuufu, haandi yahakabane ebiindu biyaayirwe alala neende ab'amaani. Olwohuba yayaanayo obulamu bwae mani n'abalirwa alala neende abonooni. Yakiinga ebyonoono by'abaandu baangi, haandi niyekongooya ati baleherwemo ebyonoono byaabwe.

Yisaaya 9:7

Ohwemeeda hw'obutuki bwae neende omuleembe ku yahaleete haba sibyahabeeho enjakamo. Yaheehale hu sisaala sy'obutuki sya Daudi, haandi yaatuka obwaami bwae, ohubutaao, neende ohubwomiisa hu bwadyeeri neende obuluungifu ohutula lu yahachaake ohutuka endaalo choosi. Omwaami w'Obunyala niye ochia ohuhola bino byoosi.

Danieli 7:14

Owafwaanana koti omwaana w'omuundu oyo, mani nibamuba obunyala neende oluyaali, neende obutuki, hu baandu b'oluyia lwoosi, neende abomu byaalo byoosi, neende ab'enimi choosi banyale ohumuhalaabanira. Obunyala bwae, bunyala bw'endaalo choosi, obutahakame daawe, haandi obutuki bwae obwo haba si bwohusihiriswa daawe.

Matayo 11:27

Laata yamala ohuumberesa ebiindu byoosi haandi abulao omuundu omanyire Omwaana ohutusaho Simwaana, haandi abulao omuundu omanyire Simwaana muundu ohutusaho Omwaana wae alala neende oyo yi mwaana aheengao ohumubwiihulira.

Matayo 28:18

Nae Yesu yababoolera ati, “Bamalire ohuumberesa obunyala bwoosi Muukulu neende hu syaalo.

Luka 10:22

Laata yamala ohuumberesa ebiindu byoosi; mani abulao omuundu yeesi omanyire Omwaana ohutusaho Simwaana, haandi omanyire Simwaana, ohutusaho Omwaana neende oyo yeesi yi mwaana aheengao ohubwiihulira.”

Yowaana 13:3

Yesu yali amalire ohumanya ati Laatang'ene yali amudiisire ebiindu byoosi, haandi n'amanyire ati yatula eyiri Nasaae haandi ali ohukobola eyiri Nasaae.

Yowaana 17:11

Bulaanu ese haba sisiisiiri hu syaalo daawe, nae abo basiisiiri hu syaalo, nae ese ndi ohwiicha y'oli. Laata Mwoolerefu, baliindire mu liita lyao, li wamberesa omweene, banyale ohuba silala, koti lu efwe huli silala.

Yowaana 17:12

Nindali nisiisiiri nabo, ndabaliindiraanga mu liita lyao li wali wamberesa omweene; mani nimbaliinda, haandi hu abo abulao kata mulala owakotaho daawe, ohutusaho oyo yeeng'ene owali owohukota, hu byandiiko byoolerefu byoolerere abweene.

Yowaana 17:5

Laata, bulaanu njisemo oluyaali lwao mu moni wao, oluyaali lu ndalimo naawe esyaalo nisisisiiri ohuloongwa.

Ebiholwa 5:31

Nasaae mweene yeecha yaamuhusa yamuta hu muhono kwae muluungi yaaba Omwimiirisi haandi Omuwonia, hu anyale ohuberesa Abaisiraeli ehabi y'ohweeyolobya, neende ohuleherwamo ebyonoono.

Abaefeso 1:10

koti endekeha y'esiha nisyahoole, ohumuwambaanisiramo ebiindu byoosi, ebiindu biri Muukulu neende ebiindu biri mu syaalo.

Abakolosaayi 1:18

Niye omutwe kw'abafukiiriri, omubiri kwae; niye enjaako, omwiikula-nda w'abasyuuha ohutula mu bafu, hu bulaanu anyale ohuba omutaangirisi mu buli siindu.

2 Abatesalonika 1:12

Mu ngira yino, nimwo mu liita ly'Omwaami weefwe Yesu lichia ohuberesebwa oluyaali mweeng'we, haandi eng'we mwesi muchia ohunyoola oluyaali mu Omwaami Yesu, ohweema hu mbabaasi cha Nasaae weefwe neende Omwaami Yesu Kristo.

Abaibburania 1:4

Omwaana wa Nasaae yabeereswa oluyaali luhira olwa bamalaika, koti sa eliita li Nasaae yamuberesa lihira akaabwe oluyaali.

Abaibburania 1:9

Waheera obuluungifu nae wasyuula obuhyamu. Mani sakira Nasaae, Nasaae wao ahuloboole haandi yaahuba esangaalo ly'oluyaali luungi muno ohuhira lu yaberesa abaasyo.”

Abaibburania 12:2

Lehe huhayisire emoni cheefwe hu Yesu, yi fukiirira yeefwe yeemaho ohutula elalira hu huchaaka ohwoolera elalira hu njakamo! Yesu haba siyatyaho omusalabba! Nae ohweema hu sangaalo lyali nilimuliindire mu moni, haba siyabaasa hu soni ch'ohufwiira hu musalabba chi yali achia ohunyoola, nae bulaanu yehaale hu muhono muluungi kw'esisaala sy'obutuki sya Nasaae.

Abaibburania 2:9

Nae hubona Yesu, owaholwa yabaaho aasi wa bamalaika hulw'esiha sidiidi, hwaanyale ohufwiira buli muundu hulw'embabaasi cha Nasaae. Bulaanu humubona nafwaasirwe ekofia y'oluyaali neende efuma hulw'ohufwa hwae.

1 Petero 3:22

owamala ohuchia Muukulu, haandi bulaanu ali hu muhono muluungi kwa Nasaae, haandi bulaanu atuka bamalaika boosi neende abaandu boosi neende obutuki bwoosi.

2 Petero 1:17

Hwaliwo koti lu Nasaae Seefwe n'amuberesa oluyaali neende ohukinisibwa muno, ekono nilyatula eyiri Nasaae Seefwe niliboola liti, “Wuno niye Omwaana waange muheerwa, yindehoyeramo.”

3 Yowaana 1:7

Olwohuba bachaaka ohuhalaabanira Kristo nibatanyoola obuhoonyi bwoosi ohutula eyiri abakafiiri.

Ohubwiihulirwa 1:5

Haandi embabaasi neende omuleembe bitula eyiri Yesu Kristo, omuloli mweesikwa mweene, owataangira ohusyuuhiswa ohutula mu hufwa, haandi omutuki w'abatuki bohu syaalo, bibe naang'we. Yesu Kristo yatuheera, haandi ohweema hu hufwa hwae hw'ohweyaanayo, yatuboolola ohututusa hu bibi by'efwe.

Ohubwiihulirwa 11:15

Bulaanu, malaika wa hataanu-na-habiri yesi yoobba eturumbete yae, mani amakono mahoongo muno kabaao Muukulu akaboola kati, “Obunyala bw'ohutuka esyaalo syoosi bulaanu buli neende Omwaami weefwe, alala neende Kristo wae, mani achia ohutuka endaalo choosi pe!”

Ohubwiihulirwa 19:16

Hu ganjuula lyae hwali hwandiikwaho eliita mbwe: “Omutuki w'abatuki, haandi Omwaami w'abaami”, neende hu tango lyae.

Ohubwiihulirwa 3:21

Abo abayiingira, njia ohubaba obunyala bw'ohwiihala aambi naange hu sisaala syaange sy'obutuki, koti sa syesi ndayiingira mani bulaanu njihala aambi neende Laata, hu sisaala syae sy'obutuki.

Ohubwiihulirwa 5:12

mani beemba mu kono hoongo bati, “Ekoondi doto lyeetwa nilyo elihoyera ohunyoola obunyala, obunyali, amakesi, neende amaani, esitiibwa, oluyaali, neende ohufuma!”