1 Petero 3:3 - EBBAIBBO EMBOOSI YA NASAAE

³ Obulai bweeng'we buhaye ohuba obweema hu biindu byoohumukulu koti, engeri yi mwesuukiramo efwiiri, oba emigasa ky'engaanga y'aakulu kimwesyaaya, oba engubo ch'engaanga y'aakulu chi mwefwaala.

EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ Obulai bweeng'we buhaye ohuba obweema hu biindu byoohumukulu koti, engeri yi mwesuukiramo efwiiri, oba emigasa ky'engaanga y'aakulu kimwesyaaya, oba engubo ch'engaanga y'aakulu chi mwefwaala.

1 Petero 3:3 Iomraidhean Croise

Ohuchaaka 24:22

Mani engamia nichali chimalire ohung'wa, omusaacha oyo yabukula engila y'esaabbu ey'obukusi bw'aakulu muno, neende ebbaangili chohu mahono chibiri,

Ohuchaaka 24:47

Mani niimuteeba endi, ‘Laatao niye wiina?’ Nae yaboola ati, ‘Ndi omwaana wa Milika muha Bbesweeri, omwaana wa Nahori.’ Mani nimutaaho engila hu lwaala neende ebbaangili hu mahono.

Ohuchaaka 24:53

Mani omuhalaabani oyo naatusayo efeesa, esaabbu, neende engubo ndai, n'abiberesa Rebbeka. Nae Rebbeka yesi yaaberesa mboochoong'ene neende ng'ina ebbaangili ch'obukusi bw'aakulu muno.

2 Abatuki 9:30

Nae Yehu niyoola Yesireeli, Yesebbeeli yasiwulira; yeetona mu moni wae, haandi yetereesa efwiiri, mani yatingaala erwaanyi niyeemere mu dirisa.

Esita 5:1

Hu ludaalo lwa hadatu olw'ohusiiba, Esita yefwaala engubo chae koti omuhasi w'omutuki mani n'achia niyeema mu lwaanyi lwomuukati bweene mu dooho ly'omutuki, n'atingaalire esiseenge sy'esisaala sy'obwaami. Omutuki oyo yali naali mu bweene omwo, niyehaale hu sisaala sy'obwaami, yesi n'atingaalire ena mulyaango.

Esabbuli 45:9

mu bahasi bahuberesa oluyaali mulimo abahaana b'abatuki; omutuki muhasi owefwaalire engubo ch'esaabbu ya Ofiri ahweemere hu muhono kwao muluungi.

Ohutula 3:22

Buli muhasi Muisiraeli yeesi achia ohuchia eyiri Abamisiri bamenyaane nae haandi neende eyiri omuhasi Mumisiri yeesi owamenya mu nyuumba yae, mani asabe engubo, neende ebbaangili ch'esaabbu neende ech'efeesa. Mani Abaisiraeli bachia ohuta ebiindu bino byoosi hu baana baabwe basyaani neende abahaana, mani bakiinge baweeo neende obuyiinda bw'Abamisiri.”

Ohutula 32:2

Arooni yababoolera ati, “Mufwaalule ebbaangili choomumatwi ech'esaabbu chi abahasi, abaana basyaani beeng'we, neende abaana bahaana beeng'we befwaalire, mani mu chiindeetere.”

Ohutula 33:4

Abaandu nibawulira batyo, bachaaka ohulira mani baahaya ohwefwaalangaho ebbaangili choosi neende ebitaadi.

Ohutula 35:22

Abo boosi abali nibadaha ohuhola batyo, abasaacha alala neende abahasi sidubaanie, baletaanga ebipiini by'ohusyaayira, ebitaadi byoomumatwi, embeta, ebyuuma byoomumakosi, alala neende engeri choosi ech'ebbaangili ch'esaabbu, mani babiyaanayo eyiri Omwaami.

Ohutula 38:8

Yahola olukaraaya lw'omugasa nae obweemero bwaayo bwosi obw'omugasa ohutula mu mbonero ch'abahasi abali nibahalaabaniraanga mu siruwa sy'Eyeema ly'Ohubaao hw'Omwaami.

Yisaaya 52:1

Siingira, ewe Siyooni, siingira haandi okobolemo ohuba ow'amaani; Ewe Yerusalemu, esiko syoolerefu, wefwaale engubo chao ndai; olwohuba abaandu batahebwa neende abataali abaluungifu haba sibaheengire mu biruwa byao ehabi liindi.

Yisaaya 61:10

Esiko sya Yerusalemu siboola siti: “Njia ohusangaalira muno mu Omwaami, haandi njia ohwehoyera muno mu Nasaae waange.” Olwohuba yafwaasire neende ebyefwaalo by'obuwonia, mani yambwiiha neende ekaanju ly'obuluungifu, koti oyo odehiisye omweeya lu yefwaala, haandi koti omweeya yesyaaya emigasa king'enaang'ena.

Yeremia 2:32

Mani omuhaana muraaga anyala ohwiibirira ebiindu byae by'amang'eniesi, oba odehiisye yeebirira engubo chae? Nae abaandu baange baanjibiriire endaalo enyiingi echitabalihana.

Yeremia 4:30

Nae ewe Yerusalemu, webwabirwe! Lwasiina wenyirisa niwefwaala engubo ching'enaang'ena? Lwasiina wesyaaya neende emigasa ky'esaabbu neende ohwetona eraangi mu moni? Wenyirisira buhaya sa. Abeecha bao bahuchalaasa-buchalaasa; haandi bakoonya sa ohuhwiita.

Esekeeli 23:40

“Amahabi maangi muno, batuma bawamwaanda ohulaanga abasaacha ohutula bu byaalo by'eyale, mani nibeecha. Abahasi bano boombi, nibeeyoka nibaboneha bulai, nibebaha ebiindu hu moni haandi nibesaaya neende ebbaangili.

Abarooma 12:2

Ebiima byeeng'we muleheenge ohubifwaanania neende eby'abaandu bohu syaalo, ohutusaho mukaluuhane munyoole ebibaaso biyaaha. Ao muchia ohunyala ohumanya ebyo bi Nasaae adaha ebilai, ebimusangaasa haandi ebyoolerefu by'elalira.

1 Petero 3:2

Olwohuba bachia ohubona ebiima byaabwe koti lu biri ebinyirifu haandi ebiisamo oluyaali.