Yuda 1:7 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁷ Mu ngeri nasilala eyo, yichulise Sodomu neende Gomora, alala neende ebiko bibyebodohaanie, bi baandu babyo hale ao bahola koti lu bamalaika abo bahola, mani baahola obucheke mu ngeri ndoondobanu, abo nibo aboohuboneraho. Basaandisibwa endaalo choosi hu banyale ohuba esyohuboneraho eyiri abaandu boosi.

EBBAIBBO EMBOOSI YA NASAAE

⁷ Mu ngeri nasilala eyo, yichulise Sodomu neende Gomora, alala neende ebiko bibyebodohaanie, bi baandu babyo hale ao bahola koti lu bamalaika abo bahola, mani baahola obucheke mu ngeri ndoondobanu, abo nibo aboohuboneraho. Basaandisibwa endaalo choosi hu banyale ohuba esyohuboneraho eyiri abaandu boosi.

Yuda 1:7 Iomraidhean Croise

Ohuchaaka 13:13

Bulaanu abaandu b'e Sodomu bali abamayaanu muno, nibahola ebyonoono muno mu moni w'Omwaami.

Ohuchaaka 18:20

Omwaami haandi yaboolera Abburahamu ati, “Olwohuba Sodomu neende Gomora babyekanyiisire muno, haandi esyonoono syaabyo sihoongo muno,

Ohuchaaka 19:5

balaanga Loti nibamuteeba bati, “Abasaacha bahukeniiye engoloobe yino bali yena? Batuse erwaanyi hubakone.”

1 Abatuki 22:46

Yanyala ohumalao abasaacha alala neende abahasi badaamba boosi abali nibachakaliraanga mu alutaari ch'obwiibulanwa abali nibasisiiri nibadoong'ao ohutula mu ndaalo chia Asa laatang'ene.

Yisaaya 1:9

Nae Omwaami w'Obunyala aba n'atatuleheraho abaandu abadiidi ohuwonaho, hwahabeere koti Sodomu, haandi hwaheeholere koti Gomora.

Yisaaya 13:19

Mani Bbabbilooni, esihira obwaami bwoosi oluyaali, esilai haandi si Abakalidaaya beehoyeramo, siriba koti Sodomu neende Gomora, Nasaae nasisihiriise.

Yisaaya 33:14

Abahola-mbi abali mu Siyooni batiire; abo abateesa oluyaali mu Nasaae bakwiiremo oluteengo: “Wiina hweefwe onyala ohumenya neende omuliro kusihirisa? Wiina hweefwe onyala ohumenya neende omuliro kusaamba endaalo choosi?”

Yeremia 20:16

Leha omuundu oyo abe koti ebiko bi Omwaami yasihirisa n'atabidiirira esisa daawe. Leha awuliire amaliro mu chuli-chuli neende embuungu chohu lwaana esideete,

Yeremia 50:40

Koti lu Nasaae yasihirisa Sodomu neende Gomora neende ebiko byabyebodoohania byoosi, mani abulao omuundu wahamenye mu Bbabbilooni. Omwaani niye oboola.

Amaliro 4:6

Olwohuba abaandu baange basaandire muno ohuhiraho koti abaandu ba Sodomu lu basaanda, ba Nasaae yasihirisa mu biha bidiidi muno.

Hosea 11:8

“Ese ndahabalehuulira endye, ewe Yisiraeli? Ese ndahabajwaang'a endye, ewe Yisiraeli? Ese ndaabasihirise koti lu ndahola Adiima, oba ese ndaabahole koti lu ndahola Sebboyimu? Omwooyo kwaange haba sikuchia ohuunganya hole endyo daawe! Obuheeri bwaange yi muli bubitiirifu.

Amosi 4:11

“Ndasihirisa abaandi hweeng'we, koti lu ndasihirisa abaandu ba Sodomu neende Gomora. Mani abo Abawonao bali koti ebikeenga by'omuliro. Nae kata katyo nimuhaya ohukobola yi ndi.” Omwaami niye oboola.

Matayo 10:15

Mbaboolera obwadyeeri endi, hu ludaalo lw'ohuheengerwa omusaango, biba byahachiire bubi esiko esyo ohuhiraho esyaalo sya Sodomu neende Gomora.

Matayo 11:24

Nae mbaboolera endi, hu ludaalo lw'ohuheengeraho emisaango, esinyaaso sya Sodomu syahabeeho esidiidi ohuhira esyao.”

Matayo 25:41

Nae achia ohuboolera abo abali hu muhono kwae mukaada ati, ‘Mumbweere-eyi, eng'we ababwaabwa! Mwiingire mu muliro kutasima okwatekeherwa Sitaani neende bamalaika bae;

Luka 17:29

nae hu ludaalo lu Looti yatuhiraho mu Sodomu, omuliro neende enjeserye byakwa ohutula Muukulu mani byabasihirisa boosi.

1 Abakoriito 6:9

Eng'we haba simumanyireho muti abo abataali abaluungifu haba sibachia ohwiingira mu bwaami bwa Nasaae? Muteebachaanga; kata ab'esifwaabi, oba ab'emisaambwa, oba abayirani, oba abakonana mu ngeri yitafukiirirwa,

Amalako Kohubiri 29:23

Bahabone koti lu syaalo esyo syahabe nisisihiriiswe, mani nisyeholere oluyoongo neende omuunyu, esiindu syoosi nisitahanyala ohumeramo syaahula, haandi si bunyaasi butahanyala ohumeramo. Esyaalo syeeng'we syahasihiriswe syaaba koti Sodomu neende Gomora, Aduma neende Sebboyimu, bi Omwaami mu tima lyae neende obwaalaba bwae yasihirisa.

2 Abatesalonika 1:7

haandi ohutuberesa alala naang'we obuwuluuhiro abali ohusaandisibwa, Omwaami Yesu niyahabonehane n'atula Muukulu alala neende malaika bae b'amaani mu muliro kwaaduha.

2 Abatesalonika 1:8

Sino sichia ohuba esyohwetuunga eyiri abo abataamanyire Nasaae, neende abo abatawulira Emboosi Ndai y'Omwaami Yesu.

2 Petero 2:2

Abaandu baangi bachia ohuloonda engira chaabwe chidiisa esoni haandi ohweema hu biholwa byaabwe abaandu baandi bachia ohulomaloma bubi hu ngira yadyeeri.

2 Petero 2:6

Olwohuba Nasaae yaheengera omusaango ebiko bya Sodomu neende Gomora, n'abisihirisa neende omuliro, mani yaabahola esyohuboneraho esichia ohuholehanaanga eyiri abonooni boosi.

2 Petero 3:7

Emboosi ya Nasaae yeene eyo, niyo eyikera ekulu neende esyaalo byabaao bulaanu, mani niyibiliinda ohwoola lu byahasihiriswe neende omuliro. Byaliindwa ohwoola hu ludaalo lu baandu bateesa oluyaali mu Nasaae bahaheengerweho omusaango, mani basihiriswe.