Yuda 1:6 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁶ Yichulise bamalaika baduuma enjaho ch'obunyala bwaabwe, mani baaleha obwiihalo bwaabwe, koti lu Nasaae yabeekalira mu syaalo sy'esiirima mani yaababoya neende eminyororo endaalo choosi nibaliindire oludaalo luhoongo luchia ohwiicha lu baheengeraho emisaango.

EBBAIBBO EMBOOSI YA NASAAE

⁶ Yichulise bamalaika baduuma enjaho ch'obunyala bwaabwe, mani baaleha obwiihalo bwaabwe, koti lu Nasaae yabeekalira mu syaalo sy'esiirima mani yaababoya neende eminyororo endaalo choosi nibaliindire oludaalo luhoongo luchia ohwiicha lu baheengeraho emisaango.

Yuda 1:6 Iomraidhean Croise

Matayo 10:15

Mbaboolera obwadyeeri endi, hu ludaalo lw'ohuheengerwa omusaango, biba byahachiire bubi esiko esyo ohuhiraho esyaalo sya Sodomu neende Gomora.

Matayo 25:41

Nae achia ohuboolera abo abali hu muhono kwae mukaada ati, ‘Mumbweere-eyi, eng'we ababwaabwa! Mwiingire mu muliro kutasima okwatekeherwa Sitaani neende bamalaika bae;

Matayo 8:29

Nibamubona, bachaaka sa ohwayulira aakulu bati, Omwaana wa Nasaae, otukoonyaho siina? Wiichire ano ohutuboneeresa ebiha nibitoola?

Yowaana 8:44

Eng'we mutula ewa laata yeeng'we Sitaani, mani esichiiririrwa syeeng'we nisyo ohuhola bi laata yeeng'we adaha. Omweene oyo ohutulira elalira mu njaako mutemo niye, olwohuba abulamo obwadyeeri kata nabudiidi. Mani n'abacha, aba aloondakana koti lu ali, olwohuba mubacha niye haandi niye laatang'ene bubacha.

Abarooma 2:5

Nae ewe oli neende omwooyo mwoomeranu haandi okutawulira, mani sakira omweene oli ohweleetera ohusaandisibwa huhirao hu ludaalo lu tima lya Nasaae neende eheenga yae nuungifu yicha ohweyekeseraho.

Abaefeso 6:12

Olwohuba sihuli hulwaana neende emibiri neende amabaanga sa, nae huli ohulwaania obutuki, ohulwaania amaani, ohulwaania abatuki bohu syaalo bali mu siirima siriho endaalo chino, ohulwaania omukaanda muhoongo kw'emisaambwa ech'obuhyaamu buli Muukulu.

Abaibburania 10:27

Ohutusaho esidoong'ere nihwo ohuliindirira nihutiire ohuheengerwa omusaango haandi nihutiire omuliro mwaalaba kuchia ohusihirisa abo abayiingania Nasaae.

2 Petero 2:4

Kata Nasaae hale haba siyakwiira esisa bamalaika bahola ebyonoono nae yabasukuna mu nyaanja y'omuliro yi baboyerwa mu siirima nibaliindire oludaalo lw'ohuheengerwaho omusaango.

2 Petero 2:9

Mani sakira, Omwaami yamanya engeri yohuwonia abalai beesa oluyaali mu Nasaae, ohutula mu mateemo kaabwe, neende ohuleha abonooni mu husaandisibwa hwaabwe ohwoola hu ludaalo lw'ohuheengeraho omusaango,

Yuda 1:13

Bali koti efwiinda njalaba echohu nyaanja, mani ebiholwa byaabwe by'esoni bituumbuha aakulu koti efiro. Bali koti eng'ining'ini chikeendaana, chi Nasaae yamala ohutekehera obwiihalo bwomu siirima endaalo choosi.

Ohubwiihulirwa 20:10

Mani bulaanu, Sitaani yali niyababachirisa, yasukunwa mu nyaanja y'omuliro neende maratutu, yi sisolo sira alala neende omunabbi mubacha wula yibali nibamala ohusukunibwa hale. Mani omwo nimwo mu boosi bachia ohusaandisirwa esiro neende esideete, endaalo choosi pe.

Ohubwiihulirwa 20:2

Malaika oyo mani n'akwa hu sisyuhira-banaabi sira, endemo hale yira-ohuboola huti, Sitaani oba Sitaani wula-mani yaamala yamuboya neende omunyororo okwo hulw'emyaaka elifu ndala.