Yuda 1:21 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

²¹ mudoong'e mu buheeri bwa Nasaae nimuliindirira esisa sy'Omwaami weefwe Yesu Kristo, ochia ohubaleetera obulamu butaakama.

EBBAIBBO EMBOOSI YA NASAAE

²¹ mudoong'e mu buheeri bwa Nasaae nimuliindirira esisa sy'Omwaami weefwe Yesu Kristo, ochia ohubaleetera obulamu butaakama.

Yuda 1:21 Iomraidhean Croise

Yobbu 14:14

Nae omuundu naafwa, mani haandi anyala ohubaao omulamu? Nae endaalo ch'ohuhalaabana chaange choosi, ese ndaahesimiirise, ohwoola lu huboololwa hwaange hwahoolere.

Yowaana 1:17

Olwohuba Nasaae yaleeta amalako ohubitira mu Musa; nae embabaasi neende obwadyeeri byeecha ohubitira mu Yesu Kristo.

Yowaana 14:21

Oyo owuwulira amalako kaange mani yaakadiira, niye oba niyaheera. Laata achia ohuheeraanga oyo owuheera, syesi njia ohumuheeraanga, haandi njia ohweyekesaanga yaali.”

Ebiholwa 11:23

Bbarinabba niyeecha yoola mu Atiokia, yabona embabaasi cha Nasaae chali nichiriyo, yasangaala muno; yaabasaba ati boosi badoong'e nibali abeesikwa eyiri Omwaami neende esichiiririrwa syomiifu;

Abarooma 5:21

Mani sakira, koti esyonoono syatuka omuundu ohubitira mu hufwa, nilwo nasilala lu mbabaasi cha Nasaae chituka ohubitira mu buluungifu, nichituyira mu bulamu butaakama ohubitira mu Yesu Kristo Omwaami weefwe.

Abarooma 5:5

Ohusuubira nahwo haba si hutudiisa esoni, olwohuba obuheeri bwa Nasaae bwachuhwa mu mwooyo kyeefwe ohubitira mu Mwooyo Mwoolerefu yi hwabeereswa.

Abarooma 6:23

Olwohuba omusaara kw'esibi nikwo ohufwa; nae esiyaanwa sya Nasaae syebihaya nisyo obulamu butaakama alala neende Kristo Yesu Omwaami weefwe.

Abarooma 8:39

kata syahaba esyaalo sy'aakulu, oba esya aasi, sibulao esiindu syoosi mu biloonge, esichia ohunyala ohutwawuhania syaatutusa hu obuheeri bwa Nasaae bu hwanyoola ohubitira mu Kristo Yesu Omwaami weefwe.

2 Abakoriito 13:14

Embabaasi ch'Omwaami Yesu Kristo, neende obuheeri bwa Nasaae neende obulala bwa Mwooyo Mwoolerefu, bibe naang'we mweesi.

2 Abatesalonika 3:5

Lehe Omwaami yeemirire emyooyo kyeeng'we mube neende obuheeri bwa Nasaae haandi neende obwesimiirisi bwa Kristo.

1 Timoteo 1:2

Ohuchiira Timoteo, omwaana waange w'elalira mu fukiirira. Lehe embabaasi neende esisa, alala neende omuleembe kutula eyiri Nasaae Seefwe neende Kristo Yesu Omwaami weefwe bibe naang'we.

2 Timoteo 1:16

Lehe Omwaami akwiire esisa enyuumba ya Onesiforo, olwohuba yasangaasa amahabi maangi muno haandi esoni sichamudiira kata nindali mu jeela.

2 Timoteo 1:18

Lehe Omwaami amubeerese ehabi y'ohukwiirwa esisa sy'Omwaami hu Ludaalo olwo! Olwohuba omanyire bulai esiindu si yaholera ni ndi mu Efeso.

2 Timoteo 1:2

Eyiri Timoteo, omwaana waange muheerwa: Lehe Nasaae Seefwe, neende Omwaami weefwe Yesu Kristo bahubeerese ehabi, embabaasi neende omuleembe.

2 Timoteo 4:8

Mani bulaanu esirabo sy'obuluungifu siniindire, si Omwaami, omuheengi w'emisaango w'obwadyeeri, achia ohundiisa hu Ludaalo olwo haandi haba si ese syeng'ene, nae achia ohudiisa abo boosi abaliindiriire neende obuheeri ohwiicha hwae.

Abaibburania 9:28

Mu ngeri nasilala eyo, Kristo yesi yawaanwayo ehabi lala ly'ong'ene koti esiyaanwa simalao ebyonoono by'abaandu baangi. Haandi achia ohubonehana ehabi lyohubiri. Haba siyaheeche ohulwaania esyonoono haandi, nae yaheecha ohuwonia sa abo abamuliindiriire.

2 Petero 3:12

nimusiliindiriire Oludaalo lwa Nasaae, haandi muteemeho ohuhola lwiiche bwaangu. Oludaalo olwo, ekulu lichia ohusaambwa mani lisihiriswe, haandi ebiindu biri muukulu byoosi bicha ohusaanguluha hulw'obubafu.

1 Yowaana 4:16

Haandi efwe abeene hwamanya haandi hwaafukiirira obuheeri bu Nasaae yatuheereramo. Nasaae buheeri nibwo, mani omuundu oli mu buheeri ali mu Nasaae, haandi Nasaae yeesi amulimo.

1 Yowaana 5:18

Humanyire huti, omwaana wa Nasaae haba siyemeeda ohwonoona, olwohuba Omwaana wa Nasaae amuliinda bulai, haandi omusuku Sitaani saanyala humuholaho esyonoono syoosi.

1 Yowaana 5:21

Baana baange, mutule hu banasaae bobubacha.

Yuda 1:1

Ese Yuda, omuhalaabani wa Yesu Kristo haandi mwanaang'ina Yakobbo, nyandiika ebbarwa yino ohuchiira abaandu ba Nasaae yalaanga abali mu buheeri bwa Nasaae Seefwe, neende mu huliindwa hwa Yesu Kristo.

Yuda 1:22

Mukwiire esisa abo abasikanaakana.

Yuda 1:24

Oluyaali lube eyiri oyo onyala ohubaliinda mwaahaya ohukwa, haandi onyala ohuboosa neende esangaalo mu moni wae ow'Oluyaali nimutaaliho esyonoono.

Ohubwiihulirwa 12:11

Abasyeefwe abo mbao bamala ohumuyiingira mu biita nibehoonyera amabaanga k'Ekoondi doto, haandi neende obwadyeeri bu bayalaanga. Haandi bali nibafukiirira ohuwaayo obulamu bwaabwe mani baafwa.