Yuda 1:16 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁶ Abaandu bano buli siha bekanyiirisa haandi boolobya abasyaabwe; bahola neende obwekoombi bwaabwe bubi; abeene bewulira haandi balekeeresa abasyaabwe hu banyale ohuhola bi badaha abeene.

EBBAIBBO EMBOOSI YA NASAAE

¹⁶ Abaandu bano buli siha bekanyiirisa haandi boolobya abasyaabwe; bahola neende obwekoombi bwaabwe bubi; abeene bewulira haandi balekeeresa abasyaabwe hu banyale ohuhola bi badaha abeene.

Yuda 1:16 Iomraidhean Croise

Yobbu 32:21

Haba siinja ohweehubbira eyiri omuundu yeesi haandi abulao omuundu yi njia ohukinia.

Yobbu 34:19

niye oyo oteehubira mani yakwiira abaami, oba yaadaha abayiinda ohuhira abamanani, olwohuba Nasaae niye owabaloonga boosi.

Esabbuli 106:25

Bekanyiirisira mu mayeema kaabwe mani nibahaya ohuwulira bi Omwaami yali n'aboola.

Esabbuli 15:4

Oyo owulekeeresaanga abatatya Nasaae, nae owiisaanga oluyaali mu baandu batya Omwaami. Owesimiirisiraanga ebidinyu byae mani ahaya ohukaluuhana,

Esabbuli 17:10

Babula esisa mu myooyo kyaabwe; balomaloma nibadyaabuha.

Esabbuli 73:8

Bakachulira hu baandu, haandi balomaloma neende ebijaaro; bajaara, nibatiisa-tiisa neende ohufwiinyirira abaasye.

Engaado 28:21

Ohweekesa oti wehubbira-hubbira sibi nisyo; nae abaheengi b'emisaango baandi bahola esibi hu banyoole asowa ndiidi.

Yisaaya 29:24

Abo abasirusiru bahakobolemo amakesi, haandi abo abekanyiirisa bahafukiirire babeekese.

Esy'Abaleefi 19:15

“Mutaholaanga obutahoyera mu huheenga emisaango; mutehoonyeraanga ohwiiba abamanani, oba ohutichaanga abayiinda daawe.

Ohubala 14:36

Nae abaandu ba Musa yatuma ohuchia ohulambuula esyaalo, haandi abakobola mani baahola okunabuungi kwoosi ohumweng'ulung'uunyaho nibaleeta amahuwa mabi, akadiira hu syaalo esyo,

Ohubala 16:11

Nimuba nimweekanyiirisa Arooni, muba muli sa hu Omwaami mweene yi eng'we alala neende abaloondi beeng'we muli ohuhayuhaho.”

Ohubala 16:41

Oludaalo luloondaho abaandu boosi bekanyiirisa Musa neende Arooni mani baboola bati, “Eng'we mwiitireho hu baandu b'Omwaami.”

Luka 15:2

Nae Abafarisaayo neende abaandiiki b'Amalako bachaaka ohweng'ulung'uunya nibaboola bati, “Omusaacha wuno yakaanira abahola-mbi haandi yaalya nabo.”

Luka 19:7

Nae abaandu nibabona batyo, boosi-boosi bachaaka ohweng'ulung'unya nibaboola bati, “Bone, yahacha ohukeniya omusaacha muhola-mbi.”

Luka 5:30

Nae Abafarisaayo neende Abaandiiki b'Amalako baabwe bekanyiirisira abeeki ba Yesu nibaboola bati, “Lwasiina eng'we mulya haandi mwang'wa neende abatoosa b'omusolo neende abahola-mbi?”

Yowaana 6:41

Ao mani Abayudaaya nibamweng'ulung'uunyira, olwohuba yali aboolere ati, “Ese ndi omugaati kweeha nikutula Muukulu.”

Yowaana 6:61

Yesu niyamanya mu mwooyo kwae ati abeeki bae bali nibasyemulugunyaho, yababoolera ati, “Sino sibamalamo amaani?

1 Abakoriito 10:10

Mutemulugunyaanga, koti lu baandi hu abo bahola mani baasihiriswa neende Omusuku.

Abagalatia 5:16

Nae ndi ohuboola endi, keendereenge mu Mwooyo, hu muhaye ohuloondaanga obwekoombi bw'omubiri.

Abagalatia 5:24

Abaandu ba Kristo Yesu baba nibamala ohwiitira elalira obwekoombi neende ebiwonya by'emibiri kyaabwe.

Amalako Kohubiri 1:27

Mweekanyirisiraanga sa mu mayeema keeng'we, nimuboola muti, ‘Olwohuba Omwaami yatusyuula, sakira yatutusa mu syaalo sy'e Misiri, mani yaatuta mu bunyala bw'Abaamoori, batusihirise.

Abafilipi 2:14

Holeenge buli siindu syoosi ataali ohwekanyiirisa oba ohuyiingana,

1 Abatesalonika 4:5

ataali obwekoombi bw'ohuhola eby'esoni, koti abaandu bataali neende efukiirira, abataamanyire Nasaae.

1 Timoteo 6:5

neende amayiingani k'olutata akatula mu baandu b'ebibaaso byafwa ebitadoong'amo obwadyeeri bwoosi daawe. Babaasa sa bati, obunadiini niyo engira y'ohunyoola efuni.

2 Timoteo 4:3

Olwohuba esiha sichia ohwoola, abaandu bahaye ohuwulira enjekesa yadyeeri, nae bachia ohuloonda obwekoombi bwaabwe abeene, haandi bachia ohwebuusiraho abeekesa ba beene badaha, abacha ohubaboolera ebiindu bi matwi kaabwe kadaha ohuwulira.

1 Petero 1:14

Koti abaana bawulira Nasaae, mutafukiirira obwekoombi buhale bu mwali nimuli nabwo nimusisiiri ohumanya Nasaae otuka obulamu bweeng'we.

1 Petero 2:11

Eng'we basyaange, mbahubbira omulaanga bawalukeenda haandi abeyikami mu syaalo muno endi, mweyolobye obwekoombi bubi bw'omubiri obulwaania obulamu bweeng'we buli ludaalo.

1 Petero 4:2

Mani sakira, ohutula bulaanu neende ohwemeeda mu moni, ohudaha hwa Nasaae nihwo ohutuka obulamu bwae bwomu syaalo muno bwoosi, ataali hu bwekoombi bw'omubiri.

2 Petero 2:10

neende abo abomiirira mu biima byaabwe bibolu neende obwekoombi bw'omubiri mani baalekeeresa amaani ka Nasaae. Abeekesa bobubacha bano, babulaho neende esiindu sibatya, haandi sibadiirwa esoni ohunyeka abaandu b'oluyaali.

2 Petero 2:18

Beehoonyera emboosi ch'obusiru haandi echohwefumia, beehoonyera obwekoombi bw'emibiri kyaabwe ohuteka abaandu bahachaakira ohweetusa hu baandu bali mu ngira mbi echileeta ohusihiriswa.

2 Petero 3:3

Esitaangira, muhoyere mumanye muti, mu ndaalo chimaliirihayo chino, abaandu bachia ohubaao, ba obulamu bwaabwe butukwa neende ohwekoomba hwaabwe hubi. Abaandu abo bachia ohubacheha

Yuda 1:15

ohuheengera abaandu boosi omusaango, neende ohweekesa ababi boosi abatatya Nasaae ebiholwa byaabwe bibi, eby'ohuhaya ohutya Nasaae neende emboosi mbi chitatya Nasaae chi balomaloma hu Nasaae.”

Yuda 1:18

Bababoolera bati, “Mu ndaalo chimaliirihayo, abaandu bachia ohwiichia abacheha abafukiiriri, haandi abaloondakana neende obwekoombi bwaabwe bubi nibateesa oluyaali mu Nasaae.”