Yosua 4:9 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁹ Yosua yesi yoombaha amakina ehumi neende kabiri akatikaati wa Yorodaani, abuundu yi balaamisi bakiingaanga Esanduuku ly'Endagaano beemaanga. (Amakina kano kasisiiri abweene ao ohwoola olwaalero.)

EBBAIBBO EMBOOSI YA NASAAE

⁹ Yosua yesi yoombaha amakina ehumi neende kabiri akatikaati wa Yorodaani, abuundu yi balaamisi bakiingaanga Esanduuku ly'Endagaano beemaanga. (Amakina kano kasisiiri abweene ao ohwoola olwaalero.)

Yosua 4:9 Iomraidhean Croise

Ohuchaaka 26:33

Mani n'ayilaanga ati “Sibba;” sakira esiko esyo silaangwa siti Bberisebba ohwoola buti.

Ohuchaaka 28:18

Nibwahya echuli-chuli muno, Yakobbo yasiingira yaabukula ekina li yali niyeyikiihe elyo, yalyoombaha lyaaba esiiro mani yaalichuhaho amafuta k'emiseituuni ohuliyaana eyiri Nasaae.

2 Samueli 4:3

Abaandu bali nibataangira ohusimenyamo bali nibeeruha nibamala ohuchia mu Gitaimu, yi bamenya ohutula hale muno ohwoola bulaanu buti.)

1 Abatuki 18:31

Yabukula amakina ehumi neende kabiri, buli litula nilihiihirira buli nono yihola enono ehumi neende chibiri echakulihwa ameeta ohweema hu meeta k'abaana basyaani ba Yakobbo, omusaacha yi Omwaami yali niyakuliha eliita mbwe Yisiraeli.

2 Ebyomubiha 5:9

Buli emutwe w'emiguulo ekyo byabonehanaanga neende buli muundu yeesi owalichiingi niyeemere niyeluungiihe mu moni w'Abuundu Ahiramo Obwoolerefu, nae ataali buli abuundu woosi yooba nooli. (Emiguulo ekyo kisisiiriwo ohwoola endaalo chino.)

Ohutula 24:12

Omwaami yaboolera Musa ati, “Niina hu lugulu wiiche yiindi, mani nooba nooli ano, njia ohuhuberesa ebituundu bibiri eby'amakina ebiriho amalako koosi kaanyandiikire ohweekesa abaandu abo.”

Ohutula 28:21

Buli lala hu makina ehumi-na-kabiri kano, lihoyere ohuba nilyasaatwaho eliita lala ely'omwaana wa Yakobbo, ohuhiihirira enono chia Yisiraeli.

Matayo 27:8

Sakira eloba elyo balilaanga eloba ly'amabaanga ohwoola enyaanga yino.

Matayo 28:15

Abaliindi abo babukula eseende echo, baahola koti lu bababoola; mani ebyo nibyo bi Bayudaaya basiloonderera n'olwaleero.

Amalako Kohubiri 34:6

Bamusiiha mu hooho mu syaalo sya Moabbu elitingaalire esiko sya Bbetipewoori, nae abulao omanyire yi siriindwa syae siri ohwoola buti.

Yosua 24:26

Yosua yandiika amalako kano mu sitabo sy'Amalako ka Nasaae. Mani haandi yaabukula okukina kuhoongo muno, yaakuta mu sisina sy'omutuumba mu alutaari y'Omwaami bweene.

Yosua 4:10

Abalaamisi bano beema sa akatikaati wa Yorodaani ohwoola lu buli siindu si Omwaami yalagira Yosua ohuboolera abaandu ohuhola syeeholehera. Sino sa nisyo si Musa yesi yali niyalagira. Abaandu baalaala muno nibahalakania omwaalo kuno.

Abakayi 1:26

Luunyuma lw'ebyo, omusaacha wuno yaachia mu loba ly'Abahiiti, mani yoombaha esiko ebweene eyo yasikuliha Lusi, elisisiiri eliita lyasyo ohwola enyaanga yino.

1 Samueli 30:25

Ohutula hu ludaalo olwo, Daudi yalihola elako, mani li loondwaanga mu Yisiraeli ohwoola buti.

1 Samueli 7:12

Ao Samueli yabukula ekina, naalyoombaha akatikaati wa Misipa neende Seeni, naalikuliha ati, “Ekina ly'Obuhoonyi”. Mani n'aboola ati, “Omwaami atuhoonyere hu lukeendo lwoosi”