Yosua 4:7 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁷ muba muchia ohubabooleraanga muti, amaachi ka Yorodaani kaakama ohuhulukusa Esanduuku ly'Endagaano y'Omwaami lyahalakania omwaalo kuno. Amakina kano kachia ebiha byoosi ohwiichulisaanga abaandu ba Yisiraeli hu siindu syaholehanira ano.”

EBBAIBBO EMBOOSI YA NASAAE

⁷ muba muchia ohubabooleraanga muti, amaachi ka Yorodaani kaakama ohuhulukusa Esanduuku ly'Endagaano y'Omwaami lyahalakania omwaalo kuno. Amakina kano kachia ebiha byoosi ohwiichulisaanga abaandu ba Yisiraeli hu siindu syaholehanira ano.”

Yosua 4:7 Iomraidhean Croise

Esabbuli 111:4

Omwaami w'esisa haandi aleheramo, atwiichulisa ebiholwa byae biwukisa.

Ohutula 12:14

Muhoyere ohwiisa oluyaali mu ludaalo luno koti oludaalo lw'esidyaalo sy'ediini ohubeechulisaanga ebiindu bi ese, Omwaami, holere. Lehe lubecheenge olw'Esidyaalo mu ndaalo chiicha choosi.”

Ohutula 28:12

Kabukule mani okate huhoba ch'amabeka echitula hu ngubo yoohusirifu ohuhiihirira enono ehumi neende chibiri echa Yisiraeli. Mani mu ngira yino nimwo mu Arooni achia ohunyalira ohukiingaanga ameeta kaabwe hu mabeka kae, hu ese Omwaami, nyale ebiha byoosi ohwiichulisaanga abaandu baange abo.

Ohutula 30:16

Solosa eseende chino ohutula hu baandu Abaisiraeli, mani ochiehoonyere ohuliinda Eyeema ly'Ohubaao hwaange. Omusolo kuno kuchia ohuba okwohwofwang'aniamo obulamu bwaabwe, mani mba njia ohwiichulisa ohubalwaaniliraanga.”

Yisaaya 66:3

“Buli muundu aheengao esy'ohuhola, haandi yibulao enjawuhana yibabonamo. Oyo oyaana esurusi, ali nasilala neende oyo oyaana omuundu. Oyo oyaana ekoondi doto, ali nasilala neende oyo ofunaka eekosi ly'embwa; oyo oleeta esiyaanwa esy'emere y'emwo, ali nasilala neende oyo oleeta amabaanga k'embiichi. Oyo onioohesa obubbaani, ali nasilala neende oyo owekongooya esifwaanani siloongwa-loongwe simuberese ehabi. Bi badaha nibyo bi bahola, haandi basangaalira mu biloongaloongwe bi bahola.

Ohubala 16:40

Sino syeecha syaaba esilabula Abaisiraeli siti, abulao oyo yeesi otaali omwiichuhulu w'Arooni, onyala ohusuda hu alutaari ohusaambira Omwaami obubbaani. Ataali ao, aba achia ohusihiriswa koti sa Koora alala neende abasaacha bae. Bino byoosi byeehola bityo, koti lu Omwaami yali n'alagiire Eliasaari ohubitira mu Musa.

Ohubala 17:5

Mani olusaala lw'omusaacha oyo yi mba nindoolere nilwo oluchia ohusebuha. Mani mu ngira yino nimwo yi njia ohwaakamisira ohuhwekanyiirisa huhayiireo huno ohw'Abaisiraeli bano.”

1 Abakoriito 11:24

mani niyali n'amalire ohweebasa Nasaae, yaakudonyadonya, mani yaboola ati, “Kuno nikwo omubiri kwaange hulweeng'we. Muholeenge sino ohunjichulisa.”

Amalako Kohubiri 16:3

Nimulya Esidyaalo sino, mutasiliiraangaho emigaati mibbaahe. Munamalaanga endaalo chitaanu-na-chibiri nimulya emigaati kitaali emibbaahe, koti lu mwahola nimutula mu syaalo sya Misiri nimubbibbirihana ohwiiruha. Mani mu bulamu bweeng'we bwoosi mwiichuliseenge oludaalo lu mwatuliraho mu syaalo sya Misiri.

Yosua 4:6

Amakina kano kachia ohwiichulisaanga abaandu esiindu si Omwaami aholere. Mu biha biicha, abaandu beeng'we nibahabateebeenge amahuluundu k'amakina kano yi muli,