Yosua 4:12 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹² Abasaacha b'enono chia Rubbeeni neende Gaadi haandi neende esituundu sy'enono ya Manaase, nibeetekeheere ebiita, bataangirira buli muundu yeesi ohuhalakania, koti lu Musa yali n'ababoolere ohuhola.

EBBAIBBO EMBOOSI YA NASAAE

¹² Abasaacha b'enono chia Rubbeeni neende Gaadi haandi neende esituundu sy'enono ya Manaase, nibeetekeheere ebiita, bataangirira buli muundu yeesi ohuhalakania, koti lu Musa yali n'ababoolere ohuhola.

Yosua 4:12 Iomraidhean Croise

Ohutula 13:18

Mubweyaango obwo, yababukula yaababisira hu ngira yifwaana koti eyebodoohania niyikobola yi yitula, eyali niyibitira mu siparara niyichoomere Enyaanja Njahanyu. Kata katyo, Abaisiraeli bano bali nibeliindire neende ebilwaaniro ohulwaana ebiita.

Ohubala 1:24

Abaandu ba Gaadi, ohweema hu lwiibulo lwaabwe, ohweema hu madaala kaabwe, ohweema hu nyuumba cha basaabwe, ohweema hu buungi bw'ameeta, buli mwiimirisi, buli w'esisaacha ohutulira elalira hu myaaka amahumi kabiri ey'obuhuluundu, neende ohwemeeda aakulu, abo boosi abali nibanyala ohuchia ohulwaana ebiita nibo:

Ohubala 32:17

Ao bulaanu efwe huba huchia ohunyala ohuchaana neende Abaisiraeli baasyeefwe mu biita nihwiimirira mu huseeta ohwoolera elalira lu hulinyalira ohubeehasa mu syaalo syahabe esyaabwe. Nae esiha sino siti, abaandu beefwe batanyala ohwelwaanaho, bahahoyere ohudoong'a nibasiimenyere ano mu biko by'engoba bino, nibewoniisye abaandu bomu syaalo muno.

Amalako Kohubiri 3:18

“Mani ebiha ebyo ndabalagira nimboola endi, ‘Omwaami Nasaae weeng'we ababereese esyaalo sino musituke; mani abasaacha balwaani beeng'we boosi bachia ohwaambuha omwaalo kwa Yorodaani nibakiingire ebilwaaniso byaabwe, beemiriremo bamwaanamao ab'enono chiindi cha Yisiraeli.

Amalako Kohubiri 33:21

Omweene yedooleramo esituundu sihiramo obulai mu syaalo, olwohuba eyo niyo yi babiiha omukabo kw'omweemeresi; mani n'ataangirire abeemeresi b'abaandu, mani yooseresa ebilagiro neende amalako k'Omwaami ka yaberesa Yisiraeli.”

Yosua 1:14

Abahasi beeng'we, abaana beeng'we, alala neende ebituke byeeng'we byoosi, muchia ohudoong'a ano, nae ab'amaye beeng'we, abakingiire elalira ebilwaaniso nibetekeehe ohuchia ebiita, nibo abachia ohutaangiramo mu moni w'Abaisiraeli basyaabwe boosi, ohubahoonya ohulwaana

Yosua 4:11

Mani boosi nibali niboolere hu lu koongo luundi, abalaamisi alala neende Esanduuku ly'Endagaano y'Omwaami bataangisamo mani beemirira abaandu.

Yosua 4:13

Mani mu hubaao hw'Omwaami, aambi abasaacha elifu amahumi kane (40,000), abali nibamalire ohwetekehera ebiita baambuha baachia boola hu syaalo sikwalaafu esiri aambi neende Yeriko.