Yosua 3:3 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ nibaboolera abaandu bati, “Nimubonaho sa abalaamisi nibakiingire Esanduuku ly'Endagaano y'Omwaami Nasaae weeng'we, sakuule ekaambi mani muchaake ohubaloondaho.

EBBAIBBO EMBOOSI YA NASAAE

³ nibaboolera abaandu bati, “Nimubonaho sa abalaamisi nibakiingire Esanduuku ly'Endagaano y'Omwaami Nasaae weeng'we, sakuule ekaambi mani muchaake ohubaloondaho.

Yosua 3:3 Iomraidhean Croise

2 Samueli 6:13

Nae luunyuma lw'abasaacha bali nibakiingire Esanduuku ly'Endagaano elyo ohukeendaho amakulu kasaasaba koong'ene, Daudi yabeemesa mberi mani yayaanira Omwaami esiyaanwa esy'eng'oombe surusi, alala neende emoosi enginu.

2 Samueli 6:3

Bachia baalitusa mu daala lya Abbinadabbu hu sigulu, nibamala nibalita hu sigaari sy'efaraasi siyaaha. Wusa neende Ahio, abasyaani b'Abbinadabbu, nibali nibo abali ohwiirusaanga esigaari esyo,

1 Abatuki 8:3

Mani abeemirisi boosi nibamala ohwebuusa alala abalaamisi bakiinga Esanduuku ly'Endagaano elyo,

Yeremia 33:18

Haandi mu Yisiraeli mwahabecheengemo abalaamisi ohutula mu nono ya Leefi ohuhalaabaanira mu moni waange nibayaana ebiyaanwa bisaambwa, neende ebiyaanwa by'emwo bisaambwa, neende ohunyaaniraanga endaalo choosi.”

Ohubala 10:33

Mani abaandu nibatula Sinai, olugulu lwoolerefu olwo, bakeenda ohumala endaalo chidatu enaamba. Esanduuku ly'Endagaano lyabataangiriraanga sa mu moni ohunyoola obweyaango bu banyala ohwoombahamo ekaambi.

Ohubala 4:15

Mani esiha nisyahoola esy'ohusakuuliramo ekaambi, enono ya Kohati yichia ohwiicha ohukiingaanga ebiindu bilafu bino Arooni alala neende abaana bae nibanabechaanga nibamalire ohubibwihaho alala neende ebiindu byoosi byahwo bichiiraho. Enono ya Kohati haba siyihoyere ohudiiraho hu biindu byoolerefu bino daawe, ataali ao baba bachia ohufwichaanga sa. Mani kino nikyo emirimo ki nono ya Kohati yihoyeere ohuholaanga buli lu Yeema linabechaanga nilikeeswa.

Matayo 16:24

Mani Yesu yaboolera abeeki bae ati, “Omuundu yeesi odaha ohunoonda, omweene yeetuseyo akiinge omusalabba kwae, mani yanoonde.

Matayo 8:19

Nae Omweekesa w'amalako wuundi yeecha yaali yaamuboolera ati; “Omweekesa, njia ohuhuloondaanga buli yoochiira.”

Amalako Kohubiri 31:25

yaboolera abalaamisi Baleefi abakiingaanga Esanduuku ly'Endagaano y'Omwaami ati,

Amalako Kohubiri 31:9

Musa yandiika amalako kano, mani n'akadiisa abalaamisi Baleefi, abakiingaanga Esanduuku ly'Endagaano y'Omwaami, neende abeemirisi boosi aba Yisiraeli.

Yosua 3:4

Mwali nimutabaaho abuundu ano, mani nibo abachia ohubeekesa engira y'ohuchiiraho. Nae haba simuhoyeere ohusuda aambi neende Esanduuku ly'Endagaano daawe; mubecheenge koti obweyaango bw'ekilomiita ndala enyuma walyo.”

Yosua 3:6

Mani niyamala atyo yaboolera abalaamisi bulaanu ohubukula Esanduuku ly'Endagaano mani bachaake ohukeenda nalyo nibatangiisemo. Bosi bahola koti lu yali n'aboolere.

Yosua 3:8

Boolera abalaamisi bakiingire Esanduuku ly'Endagaano abo oti niboola hu mwaalo bweene, bahoyere ohwiingira mani beema mu Yorodaani kweene, aambi neende egenya.”

Yosua 4:10

Abalaamisi bano beema sa akatikaati wa Yorodaani ohwoola lu buli siindu si Omwaami yalagira Yosua ohuboolera abaandu ohuhola syeeholehera. Sino sa nisyo si Musa yesi yali niyalagira. Abaandu baalaala muno nibahalakania omwaalo kuno.

Yosua 6:6

Yosua yalaanga abalaamisi mani yaababoolera ati, “Bukule Esanduuku ly'Endagaano, mani abaandu bataanu-na-babiri hweeng'we bachie emberi walyo, nimukiingire eturumbete.”

Ohubwiihulirwa 14:4

Bano nibo abaandu bali nibatanyala ohwenyaasaho neende abahasi oba abasaacha kata budiidi, olwohuba bali nibali abatayiranaanga. Bano nibo abo abali nibaloondaanga Ekoondi doto elyo buli yirichiira. Bano nibo abo abali nibamala ohununulwa ohutula mu baandu koti ebyaamo bitaangira bya Nasaae neende Ekoondi doto.

1 Samueli 6:15

Abaleefi mani nibakiinga Esanduuku ly'Endagaano y'Omwaami alala neende esaanduku lyalimo ebiloongaloongwe by'esaabbu ebyo, nibabitusa hu sigaari, mani nibabita hu lwaanda luhoongo olwo. Ao abaandu ba Bbeeti Semesi nibayaanira Omwaami ebiyaanwa bisaambwa neende ebiyaanwa biindi.