Yosua 3:16 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁶ amaachi kaakama ohuhulukusa mani kebbiiba alala, ohuchaakira eyale emukulu w'omwoombe mu Adamu, esiko siyikihaane neende Saretaani. Ohuhulukusa hwiisa amaachi mu mwoombe nikeeha ohwoola mu Enyaanja y'Omuunyu hwoosi hwahalihira elalira, mani abaandu baahalakanisira aambi neende Yeriko.

EBBAIBBO EMBOOSI YA NASAAE

¹⁶ amaachi kaakama ohuhulukusa mani kebbiiba alala, ohuchaakira eyale emukulu w'omwoombe mu Adamu, esiko siyikihaane neende Saretaani. Ohuhulukusa hwiisa amaachi mu mwoombe nikeeha ohwoola mu Enyaanja y'Omuunyu hwoosi hwahalihira elalira, mani abaandu baahalakanisira aambi neende Yeriko.

Yosua 3:16 Iomraidhean Croise

Ohuchaaka 14:3

Abatuki bataanu bano baholera alala mani babuusira alala amaye kaabwe mu hooho lya Sidimu (Enyaanja y'Omuunyu).

1 Abatuki 4:12

Bbaana omwaana wa Ahiluudi, ebiko bya Tanaki, Megido, neende esituundu syoosi esy'esyaalo siri aambi neende Bbeti Saani, aambi neende esiko sya Saretaani, emwaalo w'esiko sya Yesireeli, ohwoolera elalira hu siko sya Abbeli-Mehola neende esiko sya Yokimeamu.

1 Abatuki 7:46

Omutuki wuno yadaha syoosi siholerwe akatikaati wa Sukooti neende Saretaani, mu Hooho lya Yorodaani.

Esabbuli 114:3

Enyaanja Enjahanyu yabona mani niyihamyuuhao; Omwaalo kwa Yorodaani nakwo kwaakama ohuhulukusa.

Esabbuli 114:5

Byali bitye, ewe Enyaanja, ebyakera wahamyuuhao? Ewe Yorodaani, lwasiina waakama ohuhulukusa?

Esabbuli 29:10

Omwaami yehaale n'atuka omuhula kw'amaachi; Omwaami yehaale koti omutuki endaalo choosi.

Esabbuli 33:7

Yabuusa alala amaachi komu nyaanja mani kaaba koti akomu syoongo; yaata amaachi komu busiba mu sibiihiro syako.

Esabbuli 66:6

Yakaluuhania enyaanja yaaba eloba lyoomu; abaandu bakeendaanga nibaambuha omwaalo neende amakulu. Ao niwo yihwamwehoyeramo ohuhiraho,

Esabbuli 74:15

Ewe niiwe owekulaanga esulo neende amadiba; ewe niiwe owahamyaanga emyaalo kyahulukusaanga endaalo choosi.

Esabbuli 77:19

Walima engira mu nyaanja, emihoosi kyao ohubita mu maachi maangi; nae yi wabita abulao owabonao.

Esabbuli 78:13

Yakabulamo enyaanja, mani nibabitamo akati. Yeemesa amaachi mani kaaba koti egenya.

Ohutula 14:21

Musa yasiingisira omuhono kwae hu nyaanja, mani Omwaami yasiindiha enyaanja yaasuda enyuma niyehoonyera omuyaka kw'amaani kw'ebukwe. Kwawuucha esiro syoosi, mani kwakaluuhania enyaanja yaaba eloba lyoomu. Amaachi kaadihanamo habiri,

Ohutula 14:22

mani Abaisiraeli banyala ohuhalakania enyaanja nibakeenda hu loba lyoomu, amaachi nikeeholere ebida biyiriihe embeka choombi.

Ohutula 14:29

Nae Abaisiraeli bakeenda hu loba lyoomu nibahalakania enyaanja, amaachi nikeholere ebida biyiriihe hu mbeka choombi.

Ohutula 15:8

Wafuuta hu nyaanja mani amaachi kebuungiha kaaba koti egenya leeyi muno; kasiingira keema kaniina kaaba koti esida; ebusiba yihiramo mu nyaanja eyo yeehola obwoomu.

Yisaaya 50:2

Nindeecha ohubawonia, lwasiina haba sindanyolao omuundu kata mulala? Nindalaanga, lwasiina abulao owakobolamo? Omuhono kwaange kwiimbikitaane, sakira kutanyala ohubanunula? Oba mbulamo amaani mani ndahaya ohubawonia? Bone, niihabuhira enyaanja, niyihama. Hola emyaalo kyaaba esiparara; eng'eeni chamwo chaahaywa amaachi, chaafwa obuluwo mani chawunya esifuundu.

Esekeeli 47:8

Mani niyamboolera ati, “Amaachi kano kahulukusa nikachiira ebukwe haandi nikeehirira mu hooho lya Yorodaani, mani nikachuha mu Nyaanja y'Omunyu. Nae nikoola mu Nyaanja y'Omunyu eyo, katereesaanga amaachi kayo k'omuunyu ako kaba amalai.

Nahumu 1:4

Ayiikaanga enyaanja, mani yoomerera! Akeraanga emyaalo nikyoomerera. Emikuunda kya Bbasani kyaalala, Olugulu lwa Karimeeli lufwaana nasiloobaloba, mani ebimuli bya Lebbanooni bibbuuruuha.

Habbakuuku 3:8

Mani kyali emyaalo nikyo ekyahunyoolesa Omwaami, kose? Kose yali enyaanja eyakera waabira etima? Ewe wabeengeraanga sa hu maleesi; esireesi sy'esiifuusye nisyo esyali esigaari syao sihukiinga, noleetera abaandu bao obuyiingiri.

Ohubala 34:3

Olwaaho lw'emwaalo luchia ohutulira hu sichiimi sya Siini hu lwaaho lwa Edomu. Luchia ohuchaakira ebukwe yi njakamo y'emwaalo w'Enyaanja y'omuunyu.

Amalako Kohubiri 1:1

Mu sitabo sino mulimo emboosi chi Musa yaboolera Abaisiraeli nibali mu sichiimi, ebukwe w'Omwaalo kwa Yorodaani. Bali nibali mu Hooho ya Yorodaani, aambi neende Sufi, akatikaati w'esiko sya Parani hu lwaande lulala, nae ebiko bya Tofeeli, Labbani, Haserooti, neende Disahaabbu hu lwaande luundi.

Amalako Kohubiri 3:17

Arabba syoosi, nisiri neende Yorodaani koti olwaaho, ohutula Kinereeti ohwoola hu nyaanja ya Arabba, Enyaanja Y'omuunyu, eyiri aasi w'ebiihiriro bya Pisiga hu lwaande lw'ebukwe.

Yosua 12:3

haandi nibwayiriramo neende Ehooho lya Yorodaani ohutulira elalira hu Nyaanja Galilaaya emwaalo, ohwoolera elalira hu Bbetiyesimooti (ebukwe w'Enyaanja y'Omuunyu) haandi ohwemeeda ohuchiiririra nibuchoomere mu nandaalira w'oLugulu lwa Pisiga.

Yosua 15:2

Mani olwaaho lw'emwaalo luno lweeruha ohutulira hu busoonjo bw'emwaalo bweene obw'Enyaanja y'Omuunyu,

Yosua 16:7

Mani haandi lweehirira nilutula hu Janoa, niluchiira hu Atarooti neende Naara, ohwoolera elalira hu Yeriko haandi ohwaakamira hu Yorodaani bweene.

Yosua 3:13

Mani abalaamisi bakiinga Esanduuku ly'Endagaano y'Omwaami, w'esyaalo syoosi, bachia ohugeeng'a amakulu kaabwe sa bati mu maachi, Yorodaani kuchia ohuleha ohuhulukusa, mani amaachi kehaanga neende omwoombe kachia ohwebbiiba alala.”

Yosua 4:22

muba munababooleraanga ebidiira hu biha bi Yisiraeli yaambuhiramo Yorodaani hu loba lyoomu lyeene.

Yosua 5:1

Abatuki b'Abaamoori boosi, abali emuumbo wa Yorodaani neende abatuki b'Abakanani boosi abali hu ndulo w'Enyaanja Hoongo ya Mediterania bawulira bati Omwaami yali n'ahamiisye Yorodaani ohwoola lu baandu ba Yisiraeli bahalakania. Batya muno mani bawaamo omwooyo hulw'Abaisiraeli.

Abakayi 7:22

Mani abasaacha ba Gidioni nibali nibobbaanga eturumbete chaabwe, Omwaami nae yahola abalwaani basuku abo baseetana abeene-na-abeene neende engaanga. Beeruha nibachoomere Saretaani, ohwoola hu Bbeeti Siita, haandi ohwoola hu siko sya Abbeli-Mehola aambi neende Tabbati.