Yosua 3:10 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁰ Koti lu muchia ohukeenda nimwiingira mu syaalo omwo, achia ohuba nga yesi yeerusamo, Abakanani, Abahiiti, Abahiifi, Abaperisi, Abagirigaasi, Abaamoori, neende Abayebbusi. Ao niwo yi munamanyira muti hane Nasaae mulamu abalimo

EBBAIBBO EMBOOSI YA NASAAE

¹⁰ Koti lu muchia ohukeenda nimwiingira mu syaalo omwo, achia ohuba nga yesi yeerusamo, Abakanani, Abahiiti, Abahiifi, Abaperisi, Abagirigaasi, Abaamoori, neende Abayebbusi. Ao niwo yi munamanyira muti hane Nasaae mulamu abalimo

Yosua 3:10 Iomraidhean Croise

Ohuchaaka 15:21

Abaamoori, Abakanani, Abagirigasiti neende Abayebbusi.”

1 Abatuki 22:28

Mikaaya nae yesiinduha yaboola ati, “Ewe noochia mani waanyala ohukobola nooli omulamu, mani Omwaami wuno aba s'abeere niye ohunomanomeeremo!” Haandi yameedaho ati, “Mani buli muundu atekeerese amanyirise buli esiindu si nomanoome!”

2 Abatuki 19:4

Siinyala ohuba siti, Omwaami Nasaae wao awuliire emboosi cha Rabbusake, yi mwaami wae, omutuki wa Asiria atumire ohwiicha ohudyaabuhira Nasaae mulamu, haandi ohuchia ohwoolobya emboosi chi Omwaami Nasaae wao awuliire, sakira sabiraho abaandu badoong'ereo.’ ”

1 Ebyomubiha 1:14

Kanani yesi yali kukaang'ene Yebbusi, Omuamoori, Girigaasi,

Esabbuli 42:2

Omwooyo kwaange kwekoomba Nasaae muno, Nasaae mulamu. Ndaheeche liina mani ndaaba mu moni wa Nasaae?

Esabbuli 9:16

Omwaami amalire ohweyekesa omweene, amalire ohuheenga omusaango; ababi baandiire mu bihole byaabwe abeene.

Ohutula 17:7

Abuundu ao yalaangwa ati Maasa neende Meribba, olwohuba ao niwo yi Abaisiraeli bekanyiirisira nibateema Omwaami nibeeteeba bati, “Omwaami wuno ali naafwe kose daawe?”

Ohutula 3:8

mani sakira njihire aasi ohubawonia ohubatusa hu Abamisiri haandi neende ohubatusira elalira mu Misiri, neende ohubayira mu syaalo sitabaafu, esiyiinda haandi esigimu si Abakanani, Abahiiti, Abaamoori, Abaperisi, Abahiifi, alala neende Abayebbusi bamenyamo bulaanu.

Ohutula 33:2

Njia ohutuma malaika yeeche yi muli abeemirire, haandi njia ohwiirusamo Abakanani, Abaamoori, Abahiiti, Abaperisi, Abahiifi, neende Abayebbusi.

Yisaaya 7:14

Mani sakira Omwaami mweene achia ohuhuberesa ahalolero. Bona, omuhaana otaamanyire eby'abasaacha achia ohunyoola amabaanga, mani yeebule omwaana musyaani, mani bachia ohumulaanga Emanueli.

Yeremia 10:10

Nae Omwaami, niye Nasaae waadyeeri. Niye Nasaae mulamu haandi Omutuki w'endaalo choosi.

Hosea 1:10

Abaandu ba Yisiraeli bachia ohuba koti omusenye kw'enyaanja, ohuhiraho okunyala ohubalwa, oba ohukerwa. Haandi Nasaae yababoolera ati, “Eng'we haba simuli abaandu baange daawe,” nae oludaalo luchia ohwiicha lwaachia ohubabooleraho ati, “Eng'we muli abaandu ba Nasaae mulamu!”

Ohubala 13:29

Abamaleki nibo abamenya mu situundu syasyo sy'emwaalo; Abahiiti, Abayebbusi, neende Abaamoori nabo bamenya mu syaalo sy'ebigulu; nae Abakanani nibo abamenya aambi neende Enyaanja ya Mediterania, haandi neende hu ndulo w'Omwaalo kwa Yorodaani.”

Matayo 16:16

Simooni Petero yakobolamo ati, “Niiwe Kristo, Omwaana wa Nasaae mulamu.”

Yowaana 6:69

efwe hwamala ohufukiirira haandi humanyire huti, niiwe Omwoolerefu Mweene wa Nasaae.”

Amalako Kohubiri 31:17

Ao mani etima lyaange lichia ohubedihaho mu biha ebyo. Njia ohubebwaaba haandi mbeekise, mani bachia ohusihiriswa. Ebidinyu biingi neende ohusaanda huungi bichia ohubakwaaho, mani bahaboole mu ndaalo echo bati, ‘Ebidinyu bino bitukwiireho olwohuba Nasaae weefwe haba sasisiiri naafwe.’

Amalako Kohubiri 5:26

Olwohuba, wiina mweene owali niyawuliraho ekono lya Nasaae mulamu nililomalomera akatikaati w'omuliro, koti lu efwe huwuliire, mani yaadoong'a n'aluwo omulamu?

Amalako Kohubiri 7:1

“Omwaami Nasaae wao achia ohuhuleeta mu syaalo si oli ohwiingiramo sibe esyao mani osituke, achia ohutusamo enjia nyiingi ch'abaandu basirimo koti: Abahiiti, Abagirigasiti, Abahiifi, Abarigaasi, Abaamoori, Abakanani, Abaperisi neende Abayebbusi, ebyaalo bitaanu-na-bibiri ebihoongo haandi eby'amaani ohubahira.

Amalako Kohubiri 7:21

Mutatichaanga, olwohuba Omwaami Nasaae weeng'we ali naang'we, haandi niye Nasaae w'amaani haandi otiisa.

1 Abatesalonika 1:9

Olwohuba abaandu b'eyo boosi balomalomaanga sa koti lu mwatwaakaanira nihwabakeniya, haandi koti lu mwalehana neende ohwiinamiraanga emisaambwa, mani mwaakobola eyiri Nasaae, ohuhalaabanira Nasaae wadyeeri, haandi omulamu.

Abaibburania 10:31

Siindu syohutya muno omuundu ohudiisibwa mu maani ka Nasaae mulamu.

Yosua 11:3

Haandi yatuma emboosi yachiira Abakanani abali hu nyaande choombi echa Yorodaani, eyiri Abaamoori, Abahiiti, Abaperisi, haandi neende Abayebbusi abali mu syaalo sy'ebigulu, haandi kata neende eyiri Abahiifi abali nibamenya mu nandaalira y'Olugulu lwa Hamoni oluli mu syaalo sya Misipa.

Yosua 12:8

Obuhoongo bw'esyaalo sino bwali nibuyiriramo neende esyaalo sy'ebigulu-gulu esyo, enandaalira ch'emuumbo w'engulu echio, obwiihiriro bw'ebukwe bw'engulu, haandi alala neende esyaalo syooma kurururu esiri emwaalo bweene. Esyaalo sino syoosi syali nisyalichiingi obumenyo bw'abaandu Bahiiti, Abaamoori, Abakanani, Abaperisi, Abahiifi, haandi neende Abayebbusi.

Yosua 21:45

Omwaami yooseresa buli sisuubise si yali niyahola eyiri abaandu ba Yisiraeli.

Yosua 22:31

Finehaasi, omwaana wa Eliasaari omulaamisi, yababoolera ati, “Efwe bulaanu humanyire elalira huti hane Omwaami ali naafwe. Eng'we hane mbao haba simumuhayuhiire, mani mbao munyalire ohuwonia abaandu ba Yisiraeli boosi ohutulana hu sibonereso sy'Omwaami.”

Yosua 24:11

Eng'we bulaanu mwanyala ohwaambuha Yorodaani, mani mwoola Yeriko. Abasaacha ba Yeriko bosi bateemaho ohubalwaania, koti lu Abaamoori bosi bahola, kata neende Abaperisi, Abakanani, Abahiiti, Abagirigaasi, Abahiifi, kata neende Abayebbusi. Nae kata katyo, ese ndaberesa eng'we obuyiingiri mwayiingira abo boosi pe.

Yosua 3:9

Mani Yosua yaboolera abaandu ati, “Mwiiche ano mani mutekeerese bulai bi Omwaami Nasaae weeng'we adaha ohuboola.

Yosua 9:1

Ohuyiingiraanga hwa Yisiraeli hwoola hwaamanyihana muno eyiri abatuki boosi abali emuumbo wa Yorodaani mu bigulu, mu nandaalira ch'ebigulu, haandi neende hu syaalo syakwalaala sya hu lwaasi lw'Enyaanja Hoongo ya Mediterania, ohwoolera elalira emukulu wa Lebbanooni; bano nibo abatuki b'Abahiiti, Abaamoori, Abakanani, Abaperisi, Abahiifi, neende Abayebbusi.

1 Samueli 17:26

Daudi yateeba abasaacha bali aambi nae ati, “Omuundu oneete Omufilisiti wuno, mani yaatusa esoni chino choosi hu Yisiraeli, achia ohunyoola siina syeene? Nae Omufilisiti wuno, otaali omuhebe, niye naanu, owehuduumbasira hu ye lya Nasaae mulamu?”

1 Samueli 26:6

Mani Daudi naateeba Ahimeleki Omuhiiti, neende Abbisai mwanaang'ina Yoabbu (ng'inaabwe yali Seruya) ati, “Wiina mweene hweeng'we babiri ochia ohuchia naange eyiri ekaambi ya Saulo?” Abbisai yakobolamo ati, “Ese niise ochia ohuchia naawe.”