Yosua 3:1 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹ Nibwahya echuli, Yosua alala neende abaandu ba Yisiraeli boosi, basiingira echuli muno, baatula mu kaambi yali mu Akasia, mani baachia hu Yorodaani, yiboombaha ekaambi nibaliindire ohukwaambuha.

EBBAIBBO EMBOOSI YA NASAAE

¹ Nibwahya echuli, Yosua alala neende abaandu ba Yisiraeli boosi, basiingira echuli muno, baatula mu kaambi yali mu Akasia, mani baachia hu Yorodaani, yiboombaha ekaambi nibaliindire ohukwaambuha.

Yosua 3:1 Iomraidhean Croise

Ohuchaaka 21:14

Nibwahya echuli mu mabwiibwi, Abburahamu yaberesa Hagari ebyohulya neende esikiingiro sy'eseero sichuulemo amaachi. Abburahamu yata omwaana oyo hu mukoongo kwa Hagari, mani yaamuseebula. Hagari yaawaao mani yakeendaanira mu sichiimi sya Bberisebba.

Ohuchaaka 22:3

Mani nibwahya echuli mu mabwiibwi, Abburahamu yasiingira, yasyaaka eehwi, yaachita hu suhiri yae, haandi yaabukula abahalaabani bae babiri, neende omwaana wae Yisaka bachaaka olukeendo. Basiingira baachia abuundu yi Nasaae yali naamuboolere.

Esabbuli 119:60

Nyanguya ataali ohweng'oonia ohudiira amalako kao.

Yeremia 25:3

“Ohutula hu mwaaka kw'ehumi-na-hadatu, okw'obutuki bwa Yosia omwaana wa Amoni, omutuki wa Buyudaaya, ohwoola buti, Omwaami abeere n'alomalomaanga naange, mani syesi nitaakama ohubeekesaanga bi aboola, nae eng'we nimuhaya ohuwulira.

Yeremia 26:5

neende ohuwulira emboosi ch'abahalaabani baange abanabbi, ba mbatumira buli siha, kata mwaahaba nimutawulira bi bababoolera.

Yeremia 7:13

Mani bulaanu, olwohuba muholere ebiindu bino byoosi, kata ndahaba nindabalabula amahabi maangi muno, nae nimuhaya ohuwulira, haandi nindabalaanga, mwahaya ohukaluhamo.

Mika 6:5

Eng'we abaandu baange, mwiichulise bi Bbalaki omutuki wa Moabbu yali n'atekeehe ohubaholaho, neende bi Bbalamu omwaana wa Bbeori yamukobolamo. Mwiichulise ebyaliwo nimutula Akasia ohwoola Giligaali, mani munyale ohumanya bi ndahola ohubawonia.”

Ohubala 25:1

Abaisiraeli nibali nibateere ekaambi yaabwe mu hoondo y'Akasia, abasaacha bachaaka ohuyirana neende abahasi ba Moabbu abali ebweene eyo.

Mariko 1:35

Nae nibwahya, mu mabwiibwi, Yesu yasiingira yaatula mu nyuumba omwo, yaachia abuundu abula abaandu, mani yaaba eyo yeeng'ene naalaama.

Yosua 2:1

Bulaanu Yosua yatuma abahemeresi babiri ohutula mu kaambi eyali mu Akasia neende elako ohuchia balambuule bweekisi esyaalo sya Kanani, ohuhirira elalira esiko sya Yeriko. Mani niboola hu siko, bachia ohweyalisa mu nyuumba y'omuhasi mucheke olaangwa mbwe Rahabbu.

Yosua 6:12

Yosua yawuuna ohusimuha echuli-chuli, mani abalaamisi baabukula Esanduuku ly'Endagaano y'Omwaami.

Yosua 6:15

Hu ludaalo lwa hataanu-na-habiri, bawuuna ohusiingira echuli-chuli, mani nibahuumba nibabodoohana esiko esyo amahabi kataanu-na-kabiri, mu ngira nasilala eyo; nae luno nilwo olwali oludaalo lwoong'ene lu bahuumba nibabodoohana esiko esyo amahabi kataanu-na-kabiri amalaamba.

Yosua 7:16

Mani nibwahya sa buti echuli yiloondaho, Yosua yaleeta Yisiraeli mu moni, enono hu nono, mani enono ya Yuda niyidoolwamo.

Yosua 8:10

Mani echuli-chuli nibwahya, Yosua yasiingira mani yaalaanga ab'amaye bae bebuusa alala. Mani ye omweene, alala neende abeemirisi ba Yisiraeli babeemirira baabayira mu Ai.

Abakayi 20:19

Mani nibwahya muchuli, Abaisiraeli batula mani baachia boombaha ekaambi yaabwe aambi neende esiko sya Gibbeya.

1 Samueli 17:20

Daudi yawuuna mu mabwiibwi ohusiingira nibwahya, yaalehera omuundu wuundi obwaayi bw'amakoondi, mani naakiinga ebyohulya ebyo, naabiyira koti lu Yese yali naamuboolere ohuhola. Daudi yoola mu kaambi esiha si Abaisiraeli bali nibatula ohuchia ohwetekeha ohulwaana ebiita, nibehuuma mu makono k'ebiita.