Yoeli 3:5 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁵ Olwohuba muyirire efeesa yaange neende esaabbu yaange, haandi mwakiinga obuyiinda bwaange bwoosi mani mwabuyira mu masabo keeng'we.

EBBAIBBO EMBOOSI YA NASAAE

⁵ Olwohuba muyirire efeesa yaange neende esaabbu yaange, haandi mwakiinga obuyiinda bwaange bwoosi mani mwabuyira mu masabo keeng'we.

Yoeli 3:5 Iomraidhean Croise

2 Abatuki 12:18

Yoasi, omutuki wa Yuda, nae yabukula ebiindu byoosi bi Yehosafati, Yehoramu, neende bi Ahasia bakuukaang'ene, bali beeyama koti ebiyaanwa eyiri Omwaami neende ebiyaanwa bi Yoasi mweene yeeyama ohuyaanira Omwaami, neende esaabbu yoosi eyali niyiri mu bibiihiro byomu nyuumba y'Omwaami, neende mu dooho ly'omutuki, Yoasi mani yaabiberesa Hasaeli omutuki wa Siria. Mani Hasaeli naalehera ao ohuseeta Yerusalemu, naawaao.

2 Abatuki 16:8

Ahasi yabukula efeesa neende esaabbu yi yanyoola mu nyuumba y'Omwaami neende mu bibiihiro byomu nyuumba y'omutuki, mani yaabiyira koti esiyaanwa eyiri omutuki wa Asiria.

2 Abatuki 24:13

Mani Nebukadineesa nakiinga eby'obuyiinda byoosi ebyali mu Nyuumba y'Omwaami, neende eby'obuyiinda byali mu dooho ly'omutuki, mani naadonyola-donyolamo ebiindu by'esaabbu byoosi ebyali mu Nyuumba y'Omwaami, bi Solomooni omutuki wa Yisiraeli yali n'ateere mu Nyuumba y'Omwaami, koti lu Omwaami yali niyaboola hale.

Yisaaya 11:11

Oludaalo olwo nilwahoole, Omwaami haandi yahehoonyere obunyala bwae ehabi liindi, mani abaandu bae abahabe nibadoong'ao, yahabakobose ohutula mu Asiria, neende mu Misiri, neende mu Patiroosi, neende mu Etiopia, neende mu Elamu, neende mu Sinaari, neende ohutula mu byaalo biri aambi neende enyaanja hoongo.

Yeremia 23:7

Omwaami aboola ati: “Mani sakira, bone, endaalo chahoole, abaandu bahaye ohuboola bati, ‘Koti lu Omwaami ali omulamu, oyo owatusa Abaisiraeli mu syaalo sya Misiri.’

Yeremia 50:28

Bone! beeruha mani nibeeyiba ohutula mu syaalo sya Bbabbilooni, nibachia mu Siyooni ohuboola koti Omwaami Nasaae weefwe yetuungira hulw'ebyo, ebyaholehana hu Nyuumba yae yohwiinamiramo.

Yeremia 51:11

Yakale osaali! bukule engabo! Omwaami abwaanire omuliro mu batuki ba Media, hulw'esichiririrwa syae esy'ohusihirisa Bbabbilooni. Eyo niyo engeri yi Omwaami achia ohwetuunga esyaalo esyo olw'ohusihirisa Enyuumba yae yohwiinamiramo. Abeemeresi b'eye liseeta balagira bati:

Esekeeli 37:12

Mani sakira laangirira, obaboolere oti, ‘Omwaami Nasaae aboola ati: Eng'we abaandu baange, njia ohwiikulao eng'ani cheeng'we mani mbatusemo. Njia ohubakobosayo mu syaalo sya Yisiraeli.

Obbadia 1:17

Nae abaandu baandi bachia ohuwonera hu Lugulu lwa Siyooni, haandi bahabe aboolerefu. Mani ab'olwiibulo lwa Yakobbo baheekalusire esyaalo syaabwe syeene.