Yoeli 3:2 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

² Njia ohubuusa alala ebyaalo byoosi mani mbiihirise mu hooho lya Yehosafati, mani nibali eyo, ndahabaheengere omusaango hulw'ebiindu byoosi bi bahola abaandu baange, Abaisiraeli. Olwohuba babasalaania mu byaalo, mani nibakabanamo esyaalo syaange sya Yisiraeli.

EBBAIBBO EMBOOSI YA NASAAE

² Njia ohubuusa alala ebyaalo byoosi mani mbiihirise mu hooho lya Yehosafati, mani nibali eyo, ndahabaheengere omusaango hulw'ebiindu byoosi bi bahola abaandu baange, Abaisiraeli. Olwohuba babasalaania mu byaalo, mani nibakabanamo esyaalo syaange sya Yisiraeli.

Yoeli 3:2 Iomraidhean Croise

2 Ebyomubiha 20:26

Hu ludaalo lwohune, bebuusira mu Hoondo lya Bberaka mani baafumia Omwaami hulw'esiindu si yali n'abaholeere. Sakira ehooho elyo li silaangwa mbwe “Bberaka.”

Yisaaya 66:16

Olwohuba Omwaami achia ohusaandisira abaandu bae neende omuliro, haandi neende olugaanga lwae, yahasaandye abaandu boosi. Mani bayaheete, bahabe abaangi muno.

Yisaaya 66:18

“Olwohuba Ese manyire bi bahola neende bi babaasa. Esiha siicha ohwoola, lu ndahabuuse alala ebyaalo byoosi neende enimi choosi. Mani nibaheeche, bahabone oluyaali lwaange.

Yeremia 12:14

Omwaami aboola bino ebidiira hu balirwaana ba Yisiraeli abachia ohunyaasa esyaalo si ndaberesa abaandu baange Abaisiraeli ohuba esyaabwe: “Bone, njia ohutusa abaandu babi abomu syaalo syaabwe, haandi ndahatuse Abayudaaya mu mahono kyaabwe.

Yeremia 25:31

Mani ekono lyae lyahoole yi syaalo syaakama, olwohuba yiluwo omusaango ku Omwaami afwaambya ebyaalo. Omwaami ali ohuyaala omusaango neende abaandu boosi. Ababi, baheetwe neende olugaanga, Omwaami niye oboolere.”

Yeremia 49:1

Ebidiira hu Abaamooni. Omwaami ateeba ati: Babulao abasaacha mu Yisiraeli, kose? Babulahoo abanyala ohuwaabina esyaalo syaabwe? Lwasiina mani baleha abaandu beenamira Moleki esituundu sy'enono ya Gaadi, baamenya mu biko byasyo?

Yeremia 50:17

Omwaami aboola ati: Abaisiraeli bali koti amakoondi ka edalang'i yiiruuse, mani nikasalaana. Omutuki wa Asiria niye owachaaka ohubaluma, nae bulaanu Nebukadineesa, omutuki wa Bbabbilooni ali ohumenena amakuumba kaabwe.

Esekeeli 25:8

Omwaami Nasaae aboola ati: “Olwohuba abaandu ba Moabbu baboola bati, bone, Ebuyudaaya siri sa koti ebyaalo biindi byoosi,

Esekeeli 34:6

Amakoondi kaange kasalaana, mani kaasalaanira hu ngulu choosi neende hu buli sigulu sileeyi. Amakoondi kaange kasalaanira mu syaalo syoosi, mani yaabulao okakoonya, oba oteberesaho yi kachiriire.

Esekeeli 35:10

“Olwohuba waboola oti, ‘Ebyaalo ebyo byoombi, Yisiraeli neende Ebuyudaaya, byahabe ebyaange, mani hwaabituke,’ kata ayahaba mbwe Omwaami niye obirimo.

Esekeeli 36:1

Omwaami haandi yalomaloma naange, n'aboola ati, “Ewe omwaana w'omuundu, laangirira eyiri ngulu chomu Yisiraeli, mani ochiboolere oti: Eng'we engulu cha Yisiraeli, wulire emboosi y'Omwaami.

Esekeeli 36:5

“Mani sakira, Ese Omwaami Nasaae nomanoome ninyoolereere muno ebyaalo byebodohaanie, nae elalira esyaalo sy'Edomu, ebyeekabira ebyeene esyaalo syaange basihola esyaabwe nibeehoya muno haandi nibali neende ohulekeeresa huungi muno nibasinyaka.

Esekeeli 38:22

Njia ohwehoonyera amalwaae neende ohwiidisa amabaanga saandye Googi. Haandi njia ohumukwiisaho, alala neende ebyaalo biingi biri alala nae, efula nyiingi muno, eyirimo amakina, neende enjeserye ch'omuliro kw'esibbiriiti.

Esekeeli 39:11

“Hu ludaalo olwo, njia ohuberesa Googi abuundu w'ohumusiihamo mu syaalo sya Yisiraeli, hu hooho lilaangwa liti, ‘Elyabakeendi’ eliri hu lwaande lw'ebukwe lw'enyaanja y'omuunyu; elichia ohwiikaliraanga abalibitamo. Olwohuba eyo niyo yi bachia ohusiiha Googi neende eye lyae lyoosi, mani ehooho elyo lyahalaangwe liti, ‘Ehooho lya Hamoni-googi’.

Yoeli 3:12

Leha abaandu bomu byaalo boosi basiingire, mani beehirire mu hooho lya Yehosafati, olwohuba eyo niyo yiinjia ohwiihala mani heengere ebyaalo biri aambi ao byoosi omusaango.

Yoeli 3:14

Abaandu elifu-elifu, beechuule mu hooho ohuheengerwa omusaango. Olwohuba oludaalo lw'Omwaami ohuheengera omusaango mu hooho luli aambi ohwoola.

Amosi 1:11

Omwaami aboola ati: “Abaandu bomu Edomu bahola ebyonoono amahabi-na-mahabi. Mani sakira njia ohubasaandya, olwohuba bakiiya abasyaabwe neende olugaanga, mani nibabeeta ataali ohubakwiira esisa kata nabudiidi. Mani etima lyaabwe nilitahendeera, nae nibadoong'a nalyo endaalo choosi.

Mika 4:12

Nae abaandu bomu byaalo ebyo haba sibamanye si Omwaami abaasa daawe. Haba sibamanye endekeha chae daawe, esikera yababuusa alala koti lu omuhuuchi kuli hu lwaanyi.

Sefania 3:8

Mani Omwaami aboola ati, “Ewe liindaho sa mberi mani obone. Liinda oludaalo lu njia ohusiingiriraho ohuta omusango hu ebiko ebyo. Ese malire ohuheengao ohubuusa alala ebyaalo byoosi neende obwaami bwoosi, hu nyale ohukera bawuliraho amaani k'etima lyaange. Esyaalo syoosi sichia ohusihiriswa neende omuliro kw'obwaalaba bwaange.

Ohubwiihulirwa 11:18

Nae abakafiiri bechula etima olwohuba esiha sy'etima lyao syosi syoolere, esiha si bafu bachia ohuheengerwa omusaango. Esiha syahoola, esyohubeereseramo esisiimo abahalaabani, abanabbi neende abaandu bao boosi, abo boosi obahuberesaanga oluyaali, abahunuufu neende abadiidi sidubaanie. Esiha syahoola esy'ohusihirisiramo abo abasihirisa esyaalo!”

Ohubwiihulirwa 16:14

Ebihyeeno bino, nibyo ebyali emyooyo kya emisaambwa kyaholaanga eby'amayia. Emisaambwa kino kyoosi, kyali nikitula nikichia mu batuki boosi abohu syaalo huno, ohubabuusa alala beetekehere ebiita hu Ludaalo luhunuufu lwa Nasaae w'Obunyala bwoosi.

Ohubwiihulirwa 16:16

Mani emyooyo ekyo kyeemao kyaanyala ohubuusa alala abatuki b'abuundu alala, mu Luibburania alaangwa Amagedoni.

Ohubwiihulirwa 16:6

Abaandu abo beedisaanga amabaanga k'abaandu ba Nasaae, haandi neende ak'abanabbi, mani sakira obaberese amabaanga ohung'wa. Bali sa ohunyoola esibahoyera syeene!”

Ohubwiihulirwa 20:8

mani achia ohunyala ohutula haandi ohuchia ohuchaaka ohubachaanga ebyaalo byasalaanira hu syaalo huno hwoosi, ohuboola mbwe, Googi neende Magoogi. Sitaani achia ohunyala ohubabuusa alala balwaane ebiita, abaangi bali koti emoni ch'omusenye kuli hu lwaasi lw'enyaanja.