Yoeli 3:1 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹ Omwaami aboola ati: “Bone, mu ndaalo echo, haandi mu biha ebyo, njia ohukobosao ehabi cha Buyudaaya neende Yerusalemu.

EBBAIBBO EMBOOSI YA NASAAE

¹ Omwaami aboola ati: “Bone, mu ndaalo echo, haandi mu biha ebyo, njia ohukobosao ehabi cha Buyudaaya neende Yerusalemu.

Yoeli 3:1 Iomraidhean Croise

Esabbuli 14:7

Eee, obuwonia bwa Yisiraeli buba nibwatulira mu Siyooni! Omwaami niyahakobosere abaandu bae ehabi, Yakobbo yahasangaale, Yisiraeli yaheehoye.

Esabbuli 85:1

Omwaami, wadaha muno esyaalo syao; wakobosao ehabi cha Yakobbo.

Engaado 1:23

Tekerese ninjolobya; bone, njia ohubakerakira bulai; njia ohukera mumanye emboosi chaange.

Yisaaya 44:3

Olwohuba ndahachuhe amaachi mu syaalo syomeranu, haandi emyaalo kyahahulukuse hu loba lyoomu. Mani ndahate Mwooyo waange hu baandu b'olwiibulo lwao, haandi ndahaberese abeechuhulu bweeng'we ehabi yaange.

Yeremia 16:15

nae bachia ohweechuba nibaboola bati: ‘Koti lu Omwaami ali omulamu, oyo owatusa abaandu ba Yisiraeli ohutula mu syaalo sy'emukulu neende mu byaalo byoosi bi bali nibayirirwemo.’ Olwohuba njia ohubakobosa mu syaalo syaabwe syeene, si ndaberesa bakuuka yaabwe.”

Yeremia 29:14

Mubwadyeeri bweene muchia ohunyoolaaga, haandi njia ohubakalusiraanga ehabi cheeng'we mani mbabuuseenge ohutula mu byaalo byoosi neende mu bituundu byoosi bi ndabasalaanisiramo, niimbakobosa mu syaalo si ndabatusamo niimbayira mu buwaambe. Ese Omwaami, Niise oboola.”

Yeremia 30:18

Omwaami aboola ati: “Bone, njia ohukobosa abaandu baange mu syaalo syaabwe, haandi njia ohubakwiira esisa. Esiko sya Yerusalemu sichia ohwoombahwa buyaaha, mani edooho lyasyo lichia ohwoombahwa libe koti lyali hale.

Yeremia 30:3

Olwohuba bona, ebiha bichia ohwoola, ngobosere abaandu baange Abaisiraeli neende Abayudaaya ehabi, Omwaami aboola. Njia ohubakobosa mu syaalo si ndaberesa bakuuka yaabwe, mani haandi sichia ohuba esyaabwe.”

Esekeeli 16:53

Omwaami yaboolera Yerusalemu ati: “Ndahakoboseo ehabi ch'abaandu ba Sodomu neende ehabi ch'abaandu ba Samaria. Mani wesi njia ohuhukobosera ehabi chao alala nabo.

Esekeeli 39:25

Mani sakira Omwaami Nasaae aboola ati: “Nae bulaanu, hulw'ohuchuunirwa oluyaali lw'eliita lyaange, njia ohukobosera ehabi abeechuhulu ba Yakobbo, haandi ngwiire esisa Abaisiraeli boosi.

Yoeli 2:29

Haandi mu ndaalo echo, abahalaabani basaacha, neende abahalaabani bahasi, bosi njia ohubakabira Mwooyo waange.

Amosi 9:14

Njia ohukobosera abaandu baange Abaisiraeli ehabi, mani boombahe buyaaha haandi bamenye mu biko byaabwe byanyaasiha ebyo; haandi bahataake emisabbiibbu mani bang'we efiini yakyo, haandi bahalime endalo mani balye ebyaamo byachio.

Ohubala 11:29

Musa yakobolamo ati, “Ewe, ebiindu bi ndaha hane wesi bihuchuuna sa? Ese ndekoomba endi Omwaami yahahoyere yaakaba mwooyo wae abaandu bae boosi mani haandi yaabahola boosi baayulaanga koti abanabbi.”

Ohubala 12:6

mani Omwaami n'aboola ati, “Bulaanu eng'we mutekeerese bulai bi njia ohulomaloma! Abanabbi nibaba mweeng'we, ese mbeyekesera mu huboneherwaanga mani nomanoma nabo mu bilooto.

Amalako Kohubiri 30:3

Omwaami Nasaae weeng'we achia ohubakobosera ehabi cheeng'we, haandi abakwiire esisa, achia ohubabuusa alala n'abatusa mu byaalo byoosi yi Omwaami Nasaae weeng'we yali n'abasalanisiire.