Yoeli 2:3 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ Buli yichirya ebimera, yiba koti yi muliro kusaambire. Mu moni yi chichia, esyaalo silai koti endalo y'Edeni. Nae yichitula, yiba koti esiparara syoong'ene. Sibulao esiindu sichitaliire daawe.

EBBAIBBO EMBOOSI YA NASAAE

³ Buli yichirya ebimera, yiba koti yi muliro kusaambire. Mu moni yi chichia, esyaalo silai koti endalo y'Edeni. Nae yichitula, yiba koti esiparara syoong'ene. Sibulao esiindu sichitaliire daawe.

Yoeli 2:3 Iomraidhean Croise

Ohuchaaka 13:10

Loti yatingaala yaabodoohania emoni, yaabona ehooho lya Yorodaani nilirimo omunyiti buli abuundu nilifwaana koti endalo y'Omwaami, niliri sa koti eloba lya Misiri olwaande lwa Soari. (Ebiha ebyo, Omwaami yali n'asisiiri ohusihirisa Sodomu neende Gomora.)

Ohuchaaka 2:8

Ao Omwaami Nasaae yahola endalo mu Edeni, eyali ebukwe; mani yaayitaamo omuundu yi yali naloongere.

Esabbuli 50:3

Nasaae weefwe ali ohwiichia, haba saali mu masididye, omuliro kweeleba kuli mu moni wae, esiifuusye sy'amaani simwebodoohaanie.

Esabbuli 97:3

Omuliro nikwo okumwiimirira yachiira haandi kusaamba abasuku baba nibamwebodoohanie.

Ohutula 10:15

Chafuumaalira eloba lyoosi mani chaalimaliyirisa lyafwaana koti echeene echio; chaalya buli siindu si makina k'efula kali nikadoong'ia, alala neende ebyaamo byoosi ebyohu misaala. Sibulao esiindu syoosi-syoosi esifwaana majaani esyadoong'a hu musaala kwoosi, oba esimera syoosi-syoosi mu syaalo sy'e Misiri syoosi.

Ohutula 10:5

Chichia ohuba enyiingi muno ohunyala ohubwiiha hu loba lyomu syaalo lino lyoosi. Chichia ohulya buli siindu si makina k'efula katanyaasa, kata neende emisaala kiadoong'a.

Yisaaya 14:17

Wuno niye owakeraanga esyaalo nisiba esiparara, haandi owawambaanga ebiko; otaleehulaanga ababoye bae, naatabaleha baakobolaanga mu ngo waabwe daawe?

Yisaaya 15:6

Omwaalo kwa Nimurimu kuhamire; obunyaasi buli hu ndulo wakwo buhoohere, haba sibunyala huloha haandi, sibulao esiindu si nyala ohukumeraho daawe.

Yisaaya 33:4

Ebiindu byamwo byahayaaywe, byahabuuswe alala koti lu masa kebuusaanga alala; koti luu sike chiduumakalaanga, nilwo lu baandu bahaduumakale nibayaaya ebiindu byoomu byaalo biindi.

Yisaaya 51:3

Omwaami achia ohulemya Siyooni omwooyo; achia ohulemya emyooyo ky'abo boosi abamenya mu omukuunda kwasyo. Mani esiparara syasyo sibe koti omukuunda kwa Edeni, haandi esiparara syasyo sibe koti endalo y'Omwaami yeene. Esangaalo neende omwehoyo nibyo ebyahabeeo, ohweebasa neende ekono ly'ohweemba.

Yisaaya 9:18

Olwohuba ebyonoono by'abaandu byahasaambwe koti omuliro, kusihirisa olunani neende amawa; kwawaambya esichaha syaaya, mani omwoosi kudiiraane nikuniooha nikuniina aakulu.

Yisaaya 9:19

Olwohuba obwaalaba bw'Omwaami w'Obunyala, esyaalo siyambiisweho omuliro, mani abaandu baaba koti eehwi chaaduha; mani abulao omuundu owonia owaasye.

Yeremia 5:17

Bahalye emere yeeng'we neende ebyohulya byeeng'we; baheete abaana beeng'we basyaani neende abaana beeng'we bahaana. Baheete ebyaayo byeeng'we neende eng'oombe cheeng'we. Bahanyaase emisabbiibbu kyeeng'we neende emituli kyeeng'we. Bahasihirise neende engaanga ebiko byeeng'we bisite bi mweesika.”

Esekeeli 36:35

Abaandu bahaboole bati, ‘Bone, esyaalo sino syali nisileherwe ao sityo, bulaanu syeholere koti endalo y'Edeni; haandi ebiko byali nibileherwe nibyasiha nibiri amakuunda, bulaanu byoombaahweho olukaka, haandi abaandu babimenyeremo.’

Amosi 7:4

Bino nibyo bi Omwaami Nasaae yanjekesa: Bone, Omwaami Nasaae yali n'atekeha ohuheenga omusaango kw'ohusaandya abaandu niyehoonyera omuliro. Omuliro okwo kwasaamba enyaanja hoongo yiri aasi w'eloba, mani nikuniina nikuchaaka ohusaamba aakulu hu loba.

Habbakuuku 1:6

Ese ndi ohuleeta Ababbabbilooni mu bunyala, abaalaba, haandi abaandu batayeera. Mbao bali ohuhuumba nibahalakania esyaalo ohuchia ohulwaania neende ohuyiingira ebyaalo biindi.

Sekaria 7:14

Koti esifuusye, ese ndabeeya sa ndaabamalao, baachia baamenyaanga mu byaalo biteende. Mani esyaalo silai sino syalehwa syeehola ekuunda, yaabulao oyo yeesi osimenyamo.”