Yoeli 2:2 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

² Oludaalo olwo luliba olw'esiirima neende olw'ohweyendeeherera, oludaalo lw'ebiresi-resi neende olw'esiirima sya titititi. Eye hoongo ly'esike, liicha niliri koti esiirima sibwiihire hu lugulu. Haba sichibechaangao esike nyiingi koti chino, noomba sichahabeeo esike nyiingi koti chino. Emyaaka neende emyaaka kyoosi pe.

EBBAIBBO EMBOOSI YA NASAAE

² Oludaalo olwo luliba olw'esiirima neende olw'ohweyendeeherera, oludaalo lw'ebiresi-resi neende olw'esiirima sya titititi. Eye hoongo ly'esike, liicha niliri koti esiirima sibwiihire hu lugulu. Haba sichibechaangao esike nyiingi koti chino, noomba sichahabeeo esike nyiingi koti chino. Emyaaka neende emyaaka kyoosi pe.

Yoeli 2:2 Iomraidhean Croise

Esabbuli 10:6

Abaasa mu mwooyo kwae ati, “Ese haba siinja ohutulao; emiika choosi pe, haba siinja hunyoolaho ebidinyu.”

Esabbuli 97:2

Amaleesi neende esiirima bimwebodoohanie; atuka abaandu mu buluungifu neende mubwadyeeri.

Ohutula 10:14

Cheecheraanga mu bidiiyiha mani nichimala nichiichula esyaalo syoosi. Chali eyiicho lihiramo obuhoongo ely'esike elyali nilyabonehanaho, haandi awuundi elihira koosi akachia ohubonehanaho haandi.

Ohutula 10:6

Chichia ohwiichula mu madooho kao alala neende mu nyuumba ch'abahoongo boosi, haandi neende ech'abaandu bao boosi. Chichia ohuba embi chihira esiindu syoosi si bakuuka yeeng'we boosi babonaho.’ ” Mani Musa niyamala atyo, yakaluuhana yeweerao.

Ohutula 20:21

Kata katyo abaandu nabo bemeedaanga sa ohweyaaba nibeema eyale, ohumalaho Musa yeeng'ene niye owanyala ohusudaanga aambi neende esireesi siboyu yi Nasaae mweene yali.

Yisaaya 5:30

Oludaalo olwo nilwahoole, bahawoolere hu Yisiraeli, koti ohuwoola hw'enyaanja. Omuundu niyahatingaaleho hu syaalo esyo, bone, yahabone esiirima neende amasira; mani ebireesi bimali byahakaire omubasu ohufwa.

Yisaaya 8:22

oba batiingaala aasi hu loba, bone, sibulao sibahabone, ohutusaho engisa esiirima neende amatiichasi; mani baheeruswe bachie mu siirima sya titititi.

Yeremia 13:16

Mwiise oluyaali mu Omwaami Nasaae weeng'we n'asisiiri ohuleeta esiirima, nimusisiiri ohweegumula hu ngulu haandi nimusisuubira obulafu achia ohubukaluhaanisia mani bweehole esiirima sya titititi.

Yeremia 13:6

Mani endaalo nyiingi nichibitireo, Omwaami yamboolera ati: “Siingira, ochie hu Ewufuraate, otuseyo esinyaasa si ndahulagira ohusikisamo.”

Amaliro 1:12

Haandi nimboola endi: “Eng'we ababitaao, haba simudeebayo daawe?” “Tingaale mani mubone ni aluwo omuundu oli neende engisa yiri koti eyaange yi Omwaami yangwiisaho hu ludaalo lu yekeseraho etima lyae.

Esekeeli 32:7

Nimala ohuhusihirisa, njia ohubwiiha ekulu, njia ohwaakamya eng'ining'ini ohwaaduha. Njia ohubwiiha hu lyuuba ebireesi, mani omwoosi haba kuhaye ohwaaduhaho.

Esekeeli 34:12

Koti lu mwaayi yahakoonyeresa mu byaayo byae amakoondi kaandi kasalaanire, nilwo lu syesi njia ohukoonyeresa amakoondi kaange. Njia ohukawaabina ngatuse buli abuundu yi kasalaanira hu ludaalo lw'ebireesi neende esiirima olwo.

Esekeeli 38:9

Ewe neende eye lyao, neende abaandu bomu byaalo biingi abali naawe, mwahaseete haandi mwaanyaka, mani mwabwiiha hu syaalo esyo koti ebireesi lu bibwiiha.”

Yoeli 1:6

Olwohuba eye ly'esike liseetere esyaalo syaange; esike ch'amaani muno haandi sichibaliha daawe. Ameeno kachio kali koti ak'edalang'i, haandi mooki koti ak'edalang'i ehasi.

Yoeli 2:25

Njia ohubakoboserao ebiindu bimwafwiirwa mu myaaka ki esike chalya ebirime byeeng'we, eye ly'esike hoongo elyo li ndasiindiha ohubaseeta.

Yoeli 2:31

Elyuuba lyaheehole esiirima, haandi omwoosi kwahahanye koti amabaanga. Ebyo nibyo ebyahataangirire oludaalo lw'Omwaami, oluhuluundu haandi olutiisa muno.

Yoeli 2:5

Chiduumakalira aakulu w'engulu, mani nichiwuuma koti ebigaari. Chituliha koti olusaambu lusaambwa omuliro. Cheyaanjire enyiriri koti eye lyeetekehera ebiita.

Yoeli 3:4

“Munaahole mutye, eng'we Tiro neende Sidoni, neende ebituundu byoosi ebya Filisitia? Siruwo esiindu si mudaha ohundetuunga? Bulaanu nimudaha ohundetuunga, syesi njia ohwaanguya muno ohubetuunga.

Amosi 4:13

Mani bone, Nasaae niye owaloonga engulu, haandi niye owaloonga omuyaka, haandi niye oboolera omuundu ebibaaso byae. Niye okaluuhania esideete syaaba esiro. Niye okeendera aakulu w'esyaalo. Eliita lyae nilyo, Omwaami, Nasaae w'Amaye.

Sefania 1:7

Oludaalo luli aambi lu Omwaami achia ohwiihalira hu sisaala sy'ohuheengeraho emisaango; mani sakira wuleere chi mu moni wae. Omwaami ali ohutekeha ohuyaanayo abaandu bae mani amalire ohulaaliha abasuku hwiicha ohuseenakira Yuda.

Sekaria 14:6

Esiha esyo nisyahoole, siyicha hubechaangao etoocho kata sa omunyiti,

Matayo 24:21

Olwohuba ebiha ebyo ohusaanda hwamakana huchia ohubaao ohutabechaangahoo ohutula esyaalo nisiloongwa ohwoola bulaanu buti, haandi sihwahabeeo ehabi liindi daawe.

Mariko 13:19

Olwohuba mu ndaalo echo, muchia ohubaamo ebinyaaso bitabeechaangao hooho ohutula muhuchaaka hw'esyaalo si Nasaae yaloonga ohwoola buti, haandi haba sibyahabeeo haandi endaalo choosi.

Amalako Kohubiri 32:7

Yichulise endaalo ehale, baaseho hu myaaka ky'omuleembe kwa hale muno; teebe balaata yeeng'we, bachia ohubeekesa; teebe bakuuka yeeng'we ebyaliwo, mani bachia ohubaboolera.

Abaibburania 12:18

Musisiiri ohwoola huhudiira hu biindu bi munyala ohudiiraho koti Abaisiraeli bali, koti hu lugulu lwa Sinai, olwali neende omuliro kuwuuma; musisiiri ohwoolaho hu siirima neende enang'oong'o, neende omuyaka kududuma,

Yuda 1:13

Bali koti efwiinda njalaba echohu nyaanja, mani ebiholwa byaabwe by'esoni bituumbuha aakulu koti efiro. Bali koti eng'ining'ini chikeendaana, chi Nasaae yamala ohutekehera obwiihalo bwomu siirima endaalo choosi.

Ohubwiihulirwa 9:2

Eng'ining'ini eyo yeecha yekulawo ekotero elyo, mani omwoosi nikubbwomooha erwaanyi nikuyituliramo, okufwaanana neende omwoosi kutula hu syoosyo sihoongo muno. Obulafu bw'elyuuba alala neende emboo byeecha byaamaliyisibwa neende omwoosi kwali nikutula mu kotero elyo.