Yobbu 10:9 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁹ Yichulisa oti wanoonga ohutula mu loba; haandi ochia ohuungalusa mu lufu ehabi liindi?

EBBAIBBO EMBOOSI YA NASAAE

⁹ Yichulisa oti wanoonga ohutula mu loba; haandi ochia ohuungalusa mu lufu ehabi liindi?

Yobbu 10:9 Iomraidhean Croise

Ohuchaaka 2:7

Ao Omwaami Nasaae yabukula olufu ohutula hu loba, naloongamo omuundu, naamuyeereramo omuuya kwobulamu mu moolu, mani omuundu n'achaaka ohuba omulamu.

Ohuchaaka 3:19

Ohutulana hu luuya lwao, nilwo lu ochia ohunyoolaanga byoolya ohwoola lw'olikobola mu loba, olwohuba nimwo muwatuswa. Oli olufu, haandi mu lufu nimwo mu olikobola.”

Yobbu 10:10

Ewe haba siwanjuha erwaanyi koti amabeere haandi waasacha wamuumba koti amafuta?

Yobbu 17:14

nimboolera eng'ani endi, ‘niiwe laata yaange,’ haandi eyiri enyeende endi, ‘Niiwe mako yaange,’ oba endi ‘Niiwe mboocho yaange,’

Yobbu 33:6

Bona, ewe naange mu moni wa Nasaae huli nasilala; ese syesi ndaloongwa ohutula mu loba.

Yobbu 34:15

buli siindu silamu siba sichia ohusihiriha, mani abaandu bahakobole mu loba haandi.

Yobbu 4:19

Nae obaasa oti anyala ohweesika omuundu waloongwa mu loba, otula mu lufu, yi nyeende chilya sa.

Yobbu 7:21

Lwasiina siwundeheramo ebihyaamu byaange mani waatusao esyonoono syaange? Olwohuba bulaanu njia ohufwa mani ndeeyalise mu loba; ochia ohungoonya, nae njia ohuba ningotereo.”

Yobbu 7:7

“Ewe Nasaae, yichulisa oti obulamu bwaange buli koti omuuya; emoni chaange haba sichahaboneho esiindu silai haandi.

Esabbuli 103:14

Olwohuba Omwaami amanyire koti lu huli; yeechulisa ati huli olufu.

Esabbuli 104:29

Nae niwiinamia obweeni bwao watiingaala ebuleka, byeyendeherera; n'omalao omuuya kwaabyo, bifwa mani byaakobola mu lufu lu byatulamo.

Esabbuli 106:4

Njichuliise, ewe Omwaami, n'odiirira abaandu bao esisa. Hoonye n'obanunula.

Esabbuli 22:15

amaani kaange komeraane koti olucho, haandi olulimi lwaange lunyaandire mu sidahula; wuundehere fwiire aasi mu lufu.

Esabbuli 25:18

Baasaho hu bunyaahani bwaange neende hu bidinyu byaange, mani wuundeheremo ebyonoono byaange byoosi.

Esabbuli 78:39

Yeechulisa ati, abaandu b'ohufwa sa, bali koti omuyaka kubita-bubita, okutakobola enyuma haandi daawe.

Esabbuli 89:47

Ewe Omwaami, yiichulisa oti obulamu bwaange bwiimbikiti nibwo. Yichulisa oti abaandu boosi wabaloonga babe ab'ohufwa.

Esabbuli 90:3

Abaandu obakobosayo mu lufu, n'oboola oti, “Mukobole yi mwatula.”

Omuyaali 12:7

Ao omubiri kwahakobole mu loba mukwatula, nae omwooyo nikukobola eyiri Nasaae owakutuberesa.

Yisaaya 45:9

Chimwakaanire oyo oyiingana neende omuloongi wae, olwohuba ali koti endamu yiyiingania omuloongi wao. Eloba linyala ohuteeba omuloongi w'endamu liti, ‘Oli ohuhola siina?’ Oba esyo sy'oloongere syahuboolera siti, ‘Haba siwehonyeere amakesi?’

Yisaaya 64:7

Abulao omuundu wiicha yooli ohwekongooya, abulao owiiruhira yooli ohumuwonia. Olwohuba ewe otwekisire haandi otumalireo hulw'ebyonoono byeefwe.

Yisaaya 64:8

Nae, Ewe Omwaami, Niiwe Seefwe. Efwe huli eloba sa, nae Ewe Niiwe omuloongi weefwe; fwesi-fweesi, huli omulimo kw'emihono kyao.

Yeremia 18:6

“Eng'we Abaisiraeli, mubaasa muti, Ese haba siinyala ohubahola hooho esiindu koti lu muloongi w'endamu wuno yahola hu loba li yali naaloongera? Bone, koti eloba liri mu mahono k'omuloongi w'endamu, nilwo lu mwesi muli mu mahono kaange, eng'we Abaisiraeli.

Abarooma 9:21

Omuundu oloonga endamu ngaandi ali neende obunyala bw'ohwehoonyera eloba koti lu mweene adaha. Haandi anyala ohuloonga endamu chibiri ohutula mu loba nasilala, anyala ohuloonga endamu ndala eyohwehoonyerwa hu miholo mihuluundu nae eyiindi eyohwehoonyera mu ngeri ya buli ludaalo.

2 Abakoriito 4:7

Nae efwe huli neende obunyali buno mu bibiihiro by'eloba, ohweekesa mbwe amaani k'aakulu ka Nasaae nae haba sikeefwe daawe.