Ohubwiihulirwa 8:10 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁰ Mani haandi, malaika wa hadatu yesi yoobba eturumbete yae. Mani eng'ining'ini hoongo muno, niyaaduha koti esikeenga, niyiicha niyaakuha ohutula aakulu mu maleesi, mani niyiicha niyikwa hu situundu silala sy'ebituundu bidatu by'emyaalo haandi neende hu sulo ch'amaachi.

EBBAIBBO EMBOOSI YA NASAAE

¹⁰ Mani haandi, malaika wa hadatu yesi yoobba eturumbete yae. Mani eng'ining'ini hoongo muno, niyaaduha koti esikeenga, niyiicha niyaakuha ohutula aakulu mu maleesi, mani niyiicha niyikwa hu situundu silala sy'ebituundu bidatu by'emyaalo haandi neende hu sulo ch'amaachi.

Ohubwiihulirwa 8:10 Iomraidhean Croise

2 Ebyomubiha 32:3

yatekeha neende abahoongo bae neende abalwaani balulu bae ohwaakamia ohuhulukusa hw'emyaalo kyalichiingi nikitula erwaanyi w'esiko; mani baamuhoonya.

Yisaaya 12:3

Muchia ohuba neende esangaalo nimudaya amaachi ohutula mu myaalo ky'obuwonia.

Yisaaya 14:12

“Ewe Eng'ining'ini y'Echuli, Esulwe yomu Mabwiibwi! Ewe hane wanuuhe ohutula aakulu waakwa aasi. Ewe owasaandyaanga ebyaalo biindi, otemerwe waakwa aasi hu loba.

Sekaria 13:8

mani mu syaalo muno mwoosi, ebituundu bibiri hu bidatu by'abaandu bachia ohufwa.

Sekaria 13:9

Mani naange male heme esituundu silala hu bidatu esinaba nisidoong'ereo, mani mba chweenule koti lu feesa yichwenulwaanga neende omuliro. Ese njia ohubateeema koti sa esaabbu yitemwaanga. Mani hu banyale ohunaamaanga, mani naange nyaleenge ohubakobolaangamo koti lu badaha. Njia ohubaboolera endi, abo baandu baange nibo, mani nabo beeyame bati ese ndi Nasaae waabwe.”

Matayo 25:1

“Sakira Obwaami bwo Muukulu bulifwaananisibwa neende abahaana ehumi, abakiinga amataara kaabwe, baachia ohubukaanira omweeya musaacha.

Luka 10:18

Nae Yesu yababoolera ati, “Mbweene Sitaani niyaakuha n'atula Muukulu naakwa aasi koti olumesu.

Yuda 1:13

Bali koti efwiinda njalaba echohu nyaanja, mani ebiholwa byaabwe by'esoni bituumbuha aakulu koti efiro. Bali koti eng'ining'ini chikeendaana, chi Nasaae yamala ohutekehera obwiihalo bwomu siirima endaalo choosi.

Ohubwiihulirwa 1:20

Sino nisyo esyaama sy'eng'ining'ini chitaanu-na-chibiri ch'obona mu muhono kwaange muluungi, neende esy'ebiteeni by'esaabbu bitaanu-na-bibiri by'amataara: Eng'ining'ini chitaanu-na-chibiri chino, nibo bamalaika b'abafukiiriri bali mu biko bikabuhaane bitaanu-na-bibiri, haandi ebiteeni by'amataara bitaanu-na-bibiri, nibyo abafukiiriri bali mu biko bikabuhaane bitaanu-na-bibiri.

Ohubwiihulirwa 12:4

Mani niyehoonyera omuhira kwae okwo, yanyala ohweeya esituundu silala hu bituundu bidatu by'eng'ining'ini, yaasimala aakulu mu bbaanga, mani yachisukuna chaakwa aasi hu syaalo huno. Omuundu wuno, yeema mu moni w'omuhasi wula, n'aliindiriire ohulya omwaana w'omuhasi wuno naaba niyaheebulwa sa ati.

Ohubwiihulirwa 14:7

Malaika oyo yalomaloma neende ekono hoongo n'aboola ati, “Beerese Nasaae oluyaali, mani mufumie obuhunuufu bwae! Olwohuba ebiha byae by'ohuheengeramo emisaango bimalire ohwoola. Yinamire oyo owahola Ekulu, esyaalo, enyaanja, alala neende emyaalo kirimo amaachi kyoosi!”

Ohubwiihulirwa 16:4

Mani malaika wa hadatu yesi n'abbwomoola n'amalira ebbakuli yae hu myaalo kyoosi neende esulo ch'amaachi choosi, mani nikikaluuhana nikiba amabaanga.

Ohubwiihulirwa 6:13

Eng'ining'ini chachaaka ohubuluunguha nichikwa hu syaalo huno, koti enduli embisi nichikwa nichibuluunguha ohutula hu musaala kwaacho, omuyaka kw'amaani nikukudengaania.

Ohubwiihulirwa 8:7

Mani malaika otaangira yeecha yoobba eturumbete yae. Amakina k'efula alala neende omuliro, nibisasaanire neende amabaanga, nibyeemao nibichaaka ohubbwomooha aasi hu syaalo. Esituundu silala hu bidatu by'esyaalo syeecha syaaya syaawa pe, esituundu silala hu bidatu by'emisaala, syosi syeecha syaaya syaawa, haandi neende buli saafu ly'obunyaasi bubisi.

Ohubwiihulirwa 9:1

Bulaanu malaika wa hataanu yesi yeecha yoobba eturumbete yae. Mani ndaabona eng'ining'ini yira eyali niyikwiire hu syaalo, niyibereswa olufunguo lw'ekotero. (Ano niwo abuundu ali siri aasi muno mu loba yi misaambwa kyali nikyabooyerwa ohwoola lu chiriheengerwa omusaango kumaliirihayo.)

Ohubwiihulirwa 9:15

Mani, bamalaika bane bala beecha balehuulwa. Haandi esaa yeene yino, ey'oludaalo lweene luno, olw'omwoosi kweene kuno, neende omwaaka kweene kuno, bali nibamala ohutekehwa ohwiita esituundu silala hu bituundu bidatu sy'abaandu boosi.

Ohubwiihulirwa 9:18

Esituundu silala hu bituundu bidatu by'abaandu byeetwa neende endwaae sihirisi chidatu chira. Omuliro, omwoosi, neende maratutu nibyo ebyali nibitulaanga mu minwa ch'efaraasi chira.

Abakayi 15:11

Mani abasaacha ba Yuda bano, abasaacha elifu chidatu (3,000) beeruha mani baachia beekisa mu liina ly'olwaanda luno olwali mu Taamu, mani baboolera Samusoni bati, “Ewe, haba soomanyireho oti, Abafilisiti bano nibo abatuki beefwe hane? Mani tuboolereho esiindu syeene esyakera ewe woola ohutuhola otyo?” Nae yabakobolamo ati, “Ese ndabahola sa koti lu bali nibataangiire ohuhola ese mweene mberi.”