Ohubwiihulirwa 2:3 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ Ewe oli omwesimiirisi muno, wamala ohusaanda muno hulwaange, nae haandi haba osisiiri ohwoola ohwekaana daawe.

EBBAIBBO EMBOOSI YA NASAAE

³ Ewe oli omwesimiirisi muno, wamala ohusaanda muno hulwaange, nae haandi haba osisiiri ohwoola ohwekaana daawe.

Ohubwiihulirwa 2:3 Iomraidhean Croise

Esabbuli 37:7

Bechaanga omwomiifu mu moni wa Omwaami, mani oliindiriraanga sy'anahole niwesimiriise; otelalihiraanga abo abahulahulana mu ngeri chaabwe mbi, oba abo abooseresa ebibi bi batekeha ohuhola!

Esabbuli 69:7

Niiwe okera mani baasinyiha, niiwe okera esoni nichindiira.

Mika 7:9

Njia ohwesimiirisa etima ly'Omwaami, olwohuba ndamuholera ebyonoono. Nae Munjakamo, achia ohunwaanira haandi yaheengere omusaango. Yahandeete mu bulafu; mani njia ohubona obuwonia bwae.

Mariko 15:21

Mani babukaanana neende omusaacha wali n'akeenda sa owali atula mu lukoongo luundi, olaangwa Simooni Omusireeni, laatang'ene Alekisaanda neende Rufusi, mani bamuyiika ohukiinga omusalabba kwa Yesu.

Luka 14:27

Oyo yeesi otanyala ohukiinga omusalabba kwae kweene, mani yanoonda, haba saanyala ohuba omweeki waange.”

Luka 18:1

Haandi Yesu yeecha yabakaadira olukaado luundi, olweekesa luti bahoyere ohwekongoyaanga Nasaae buli siha, batawaamo omwooyo.

Luka 21:19

Nae ni mu hweesimiirisa hweeng'we mumuchia ohunyoolera obulamu.

Luka 5:5

Nae Simooni yamukobolamo ati, “Omwaami, hunyahaane esiro syoosi nae haba sihunyolereho esiindu syoosi! Nae olwohuba oboolere, njia ohwiisa enjero.”

Luka 8:15

Nae emwo yakwa mu loba lai, nibo abo abawulira emboosi, bayidiira bulai muno neende obwadyeeri alala neende omwooyo mulai, mani baama ebyaamo mu hweesimiirisa hwaabwe.

Yowaana 15:21

Nae ebyo byoosi bachia ohubiholaanga hulwaange, olwohuba owaanduma haba sibamumanyire daawe.

Abarooma 12:12

Lehe esuubi lyeeng'we libabeerese esangaalo, mube abaandu beesimiirisa mu bidinyu byeeng'we, haandi mwekongooyeenge buli siha.

Abarooma 16:12

Amaheeso kaange eyiri Turufena neende Turufoosa, abahalaabana mu mulimo kw'Omwaami, haandi eyiri Perisi, omwiicha waange muno, owahalaabanira muno Omwaami.

Abarooma 2:7

Abaandu baandi bomiirira ohuhola ebiindu bilai, haandi bakoonya oluyaali neende efuma, neende obulamu butaakama; abo Nasaae yahababerese obulamu butaakama.

Abarooma 8:25

Nae nihusuubira esiindu si hutabona, ao huba huchia ohusiliinda nihwesimiirise.

1 Abakoriito 13:7

Obuheeri bwesimiirisaanga ebiindu byoosi, bufukiiriraanga ebiindu byoosi, busuubiraanga ebiindu byoosi, buyiingiraanga ebiindu byoosi.

1 Abakoriito 16:16

Mbekweeda endi mwiiseenge oluyaali mu baandu bafwaana batyo, haandi buli muhalaabani neende omuhalaabani waasyeng'we.

2 Abakoriito 10:15

Haba sihwesiimira hu mirimo ky'abaandu baandu ohubita esikero; nae esuubi lyeefwe liri mbwe koti lu fukiirira yeeng'we yemeeda ohuhula, obweyaango bweefwe ohubaholamo emirimo buhoyere ohubaambaliya,

2 Abakoriito 11:23

Bahalaabani ba Kristo, kose? Ese naange mbahira eyale. Nomanoma koti omulalu, kose haandi ni ndi neende emirimo mibitiirifu, neende ohuboyebwa hubitiirifu, neende ohuhuywa embariki hutabaliha, haandi neende amahabi ka butoli-toli akohuwona ohufwa.

2 Abakoriito 4:1

Mani sakira, nga lu huli neende obuhalaabani buno ohweema hu sisa sya Nasaae, haba sihuwaamo omwooyo daawe.

2 Abakoriito 4:16

Mani sakira efwe haba sihuwaamo omwooyo daawe. Kata neende obulamu bweefwe bw'ohumukulu abwahaba nibuli ohuweerera, obulamu bweefwe bw'omuukati, buli ohukaluuhanisibwaanga obuyaaha buli ludaalo.

2 Abakoriito 5:9

Mani sakira kata nihuba nihuli ango oba eyale, esichiiririrwa syeefwe siba ohumusangaasa.

2 Abakoriito 6:5

ohuhuywa, ohuboywaanga, esiisi, emirimo midinyu, ohuliindirira, enjala;

Abagalatia 6:2

Honyeenge abasyeeng'we ohukiingaanga emikuku kyaabwe, hu munyale ohwooseresaanga amalako ka Kristo.

Abagalatia 6:9

Mani mulehe hutajoong'a ohuholaanga ebilai, olwohuba esiha sihoyere syeene nisyahoole huchia ohukesa, nihutawaamo omwooyo.

Abafilipi 2:16

nimwomiriire hu Mboosi y'obulamu. Nimuhola mutyo mba njia ohuba neende esifune esy'ohubehoyeramo hu ludaalo lwa Kristo, olwohuba sichia ohweekesa siti amaani kaange koosi alala neende omulimo kwaange, haba sibyali eby'ebihaya.

Abafilipi 4:3

Haandi ndi ohubasaba eng'we mwesi, abahalaabani basyaange, muhoonye abahasi bano, olwohuba bahalaabana boombi nibahoonyana naange mu huyaala Emboosi Ndai alala neende Kelemeeti neende abahalaabani baange badoong'ereyo, ba meeta kaabwe kali mu sitabo sy'obulamu.

Abakolosaayi 1:11

Muhoyere ohwomiisibwaanga neende amaani koosi, akeema hu buhunuufu bwae bw'oluyaali, mu hwomiira hwoosi neende ohwesimiirisaanga neende esangaalo,

1 Abatesalonika 1:3

Hwiichulisaanga mu moni wa Nasaae weefwe haandi Seefwe koti muta efukiirira yeeng'we mu biholwa, haandi koti obuheeri bweeng'we bukera nimuhalaabana neende amaani, haandi koti esuubi lyeeng'we mu Omwaami weefwe Yesu Kristo liri elyomiifu.

1 Abatesalonika 2:9

Baasyeefwe, mubwadyeeri bweene mwiichulisa koti lu hwahalaabanaanga haandi koti lu hwadidihanaanga! Hwahalaabanaanga esiro neende esideete hu huhaye ohuba omugugu musito yi muli nihwali nihubayaaliraanga Emboosi Ndai yitula eyiri Nasaae.

1 Abatesalonika 5:12

Baasyaange hubekweeda huti mubeereseenge oluyaali luhoyera abo ababahalaabaniramo, ababakololosa haandi baabeekesa ebidiira hu bulamu bw'efukiirira mu Kristo.

2 Abatesalonika 3:13

Nae eyiri eng'we basyeefwe, mutajoong'a ohuholaanga amalai.

2 Abatesalonika 3:5

Lehe Omwaami yeemirire emyooyo kyeeng'we mube neende obuheeri bwa Nasaae haandi neende obwesimiirisi bwa Kristo.

2 Abatesalonika 3:8

haandi sihwalyaaho esyohulya sy'omuundu yeesi nihutatuungire. Nae hwahalaabana haandi hwaholaanga neende amaani esiro neende esideete, huhaye ohusidoyera omuundu yeesi mweeng'we.

1 Timoteo 4:10

eno huhalaabana haandi hunyaahana, olwohuba huli neende esuubi lyeefwe hu Nasaae mulamu, Omuwonia w'abaandu boosi, ohuhirira elalira abo abafukiirira.

1 Timoteo 5:17

Lehe abahuluundu beemirira abaandu bulai, babeeresebweenge oluyaali amahabi kabiri, ohuhirira elalira abo abahalaabana mu mulimo kw'ohuyaala Emboosi Ndai, neende ohweekesa amakesi.

Abaibburania 10:36

Muhoyere ohwesimiirisira ebidinyu, hu munyale ohuhola si Nasaae adaha, mani munyoole si Nasaae yasuubisa.

Abaibburania 12:1

Olwohuba efwe koti lu huli neende esidiiyiha sihoongo sy'abaloli sitwebodohaanie, lehe hweetuseho buli siindu syoosi esitwehiingamo, neende esyonoono syatwomeraho muno, mani hwiiruhe neende esinani embiro chituli mu moni.

Abaibburania 13:13

Mani sakira lehe hutule huchie yaali erwaanyi Abuundu yi baandu bamenya, hudiirirwe alala nae esoni.

Abaibburania 6:10

Nasaae haba siyehubbira. Haba saacha hwiibirira omulimo kumwahola, oba obuheeri bu mwamala ohweekesa mu buhoonyi bumwatusa nimuhoonya abaandu bae, haandi bu musyemeeda ohuhoonya Abakristo basyeeng'we.

Abaibburania 6:12

Haba sihudaha eng'we mweehole abakata, nae mube koti abaandu bafukiirira haandi abomiifu mu myooyo, hu munyale ohunyoola esiindu si Nasaae yasuubisa.

Abaibburania 6:15

Abburahamu yali omwesimiirifu, mani sakira yanyala ohunyoola esiindu si Nasaae yali yamusuubisa.

2 Petero 1:6

hu humanya mumeedeho ohweetuka abeene; hu hweetuka abeene mumeedeho ohwesimiirisa; hu hweesimiirisa, mumeedeho ohwiisa oluyaali mu Nasaae;

Ohubwiihulirwa 1:9

Niise Yowaana, mwaanamaao, haandi koti omuloondi wa Yesu, ndi owaasyeeng'we mu hweesimiirisa huteekanyiirisa ohweema hu husaanda hwiichiraanga ab'obwaami bwae. Ndayirwa ndateebwa hu sisiinga sya Patimo, olwohuba ndayaala Emboosi ya Nasaae neende obwadyeeri bu Yesu yabwiihula.

Ohubwiihulirwa 3:10

Olwohuba eng'we mwoseresa abweene elako lyaange ly'ohweesimiirisa, mani syesi njia ohubaliinda bulai ebiha by'ebidinyu ebiri ohwiicha hu syaalo huno, ohuteema abaandu boosi abali hu syaalo huno, bihaye ohuboolaho.