Ohubwiihulirwa 10:6 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁶ mani niyeeyamira mu liita lya Nasaae, olibaao omulamu endaalo choosi pe, owaloonga Ekulu neende esyaalo, haandi neende enyaanja, neende buli siindu syoosi sibirimo. Malaika oyo yemao yaboola ati haba saacha hubaao ohwekoyaania haandi!

EBBAIBBO EMBOOSI YA NASAAE

⁶ mani niyeeyamira mu liita lya Nasaae, olibaao omulamu endaalo choosi pe, owaloonga Ekulu neende esyaalo, haandi neende enyaanja, neende buli siindu syoosi sibirimo. Malaika oyo yemao yaboola ati haba saacha hubaao ohwekoyaania haandi!

Ohubwiihulirwa 10:6 Iomraidhean Croise

Ohuchaaka 14:22

Nae Abburamu yakobola mu mutuki wa Sodomu n'aboola ati, “Malire ohwechubira Omwaami, Nasaae w'Aakulu Muno, oyo owaloonga ekulu neende esyaalo,

Ohutula 20:11

Mu ndaalo chisaasaba, nimwo mweese Omwaami, ndaholeramo esyaalo, ekulu, enyaanja, neende ebyo byoosi ebibirimo, nae hu ludaalo lwa hataanu-na-habiri, ndawuluuha. Mani sakira ese, Omwaami, ndaberesa oludaalo lwa Sabbaato ehabi mani ndaamala ndaaluhola ohuba olwoolerefu.

Ohutula 6:8

Njia ohubaleeta mboose hu esyaalo si ndeechuba nisuubisa ohuberesa Abburahamu, Yisaka, neende Yakobbo; mani njia ohusibaberesa sibe omukabo kweeng'we. Ese niise Omwaami.’ ”

Esekeeli 20:5

Baboolere oti, Omwaami Nasaae ali ohuboola ati: Hu ludaalo lu ndadoleraho Yisiraeli, ndeechuba neende ab'olwiibulo lwa Yakobbo olwo. Omwene ndeeyekesa yi bali mu syaalo sy'e Misiri, ndeechuba nimbaboolera endi, Niise Omwaami, Nasaae weeng'we.

Ohubala 14:30

Ndali nindasuubisa ohubakanya muchie mumenye mu bweene omwo, nae abulao kata mulala hweeng'we ochia ohunyala, ohutusaho Kalebbu neende Yosua.

Ohubwiihulirwa 1:18

Niise oli omulamu! Ndali ndafwa, nae bulaanu ndi omulamu w'endaalo choosi. Ndi neende obunyala hu hufwa neende mu syaalo sy'abafu.

Ohubwiihulirwa 12:12

Mani sakira eng'we mwehoye, ewe Ekulu, alala neende eng'we mweesi abamenyamo! Nae chaakaanire esyaalo alala neende enyaanja! Olwohuba Sitaani amalire ohwiiha eyo yi muli, mani kwiichuule etima, olwohuba kumanyire bulai bweene kuti, kudoong'iise sa esiha sidiidi muno.”

Ohubwiihulirwa 16:17

Mani malaika wa hataanu-na-habiri yesi yabbwomoola yaamalira ebbakuli yae mu bbanga sa. Mani ekono hoongo muno niliicha nilitula hu sisaala sy'obutuki syali mu Nyuumba ya Nasaae, niliboola liti, “Simalire ohuholehana!”

Ohubwiihulirwa 21:6

Haandi yaboola ati, “Simalire ohuholwa! Ese niise otaangira haandi omaliiriha, enjaaka haandi neende enjakamo. Oyo yeesi olumwa obuluwo, njia ohumuba obunyala bw'ohung'wa mu sulo y'amaachi k'obulamu n'atatuungire daawe.

Ohubwiihulirwa 4:10

abahuluundu amahumi kabiri-na-bane bala bakwa aasi mu moni w'oyo owihaale hu sisaala sy'obutuki, nibamwiinamira, oyo ochia ohubaao endaalo choosi. Basukuna ekofia chaabwe ch'obutuki aasi mu moni w'esisaala sy'obutuki esyo nibaboola bati,

Ohubwiihulirwa 4:11

“Omwaami weefwe, haandi Nasaae weefwe! Ohoyera ohunyoola oluyaali, esitiibwa, neende obunyala. Olwohuba niiwe owaloonga ebiindu byoosi, nihaandi ohweema hu hudaha hwao, nilwo lubyeecha byabeereswa obunyala bw'ohubaao haandi neende ohuba abalamu.”

Ohubwiihulirwa 4:9

Ebiloonge bilamu bine ebyo, byeemba enyembo ch'oluyaali, esitiibwa alala neende ohweebasaanga, nibyeembera oyo owihaale hu sisaala sy'obutuki, olibaao omulamu endaalo choosi. Nae nibiri ohuholaanga bityo,

Ohubwiihulirwa 6:11

Buli mulala hu beene abo, mani yaberesebwaanga eganjuula lya rachaari, mani nibeecha nibaboolerwa ohuwuluuhaho budiidi haandi, ohwoolera elalira lu buungi bw'abahalaabani basyaabwe haandi neende Abakristo basyaabwe buchia ohwiitwa bwoolerere, koti lu beene abo beetwa.