Ohubwiihulirwa 10:3 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ mani yahuumula mu kono hoongo elyafwaana koti ohuwoola hw'edalang'i. Niyamala ohuhuumula atyo, ohwaduluhana koti ohw'ehubba hweecha hwawuliiriha nihumukobolamo amahabi kataanu-na-kabiri.

EBBAIBBO EMBOOSI YA NASAAE

³ mani yahuumula mu kono hoongo elyafwaana koti ohuwoola hw'edalang'i. Niyamala ohuhuumula atyo, ohwaduluhana koti ohw'ehubba hweecha hwawuliiriha nihumukobolamo amahabi kataanu-na-kabiri.

Ohubwiihulirwa 10:3 Iomraidhean Croise

Esabbuli 29:3

Ekono ly'Omwaami liwulirihanira hu maachi; Nasaae w'oluyaali yaaduluhana, liri koti ohwaaduluhana huli mu nyaanja hoongo.

Engaado 19:12

Etima ly'omutuki liri koti ohuwoola hw'edalangi, nae esisa syae siri koti olume lunyisa obunyaasi.

Yisaaya 31:4

Olwohuba Omwaami yamboolera ati, “Koti edalang'i oba edalang'i njere lu yiwuluhuma niyiitire esolo yayo, mani nibalaanga abaayi ohuyiseeta, edalang'i eyo haba siyitya nibayiyokerera kata sa neende nibayayulira mu amakono kaabwe kahiramo obuhoongo, mani nilwo lu Omwaami w'Obunyala achia ohwiiha ohulwaanira hu Lugulu lwa Siyooni neende hu sigulu syalwo.

Yisaaya 42:13

Omwaami atulayo niyeecha ohulwaana koti omululu w'amaani. Yeekesa obwaalaba bwae koti omusikaari. Yoobba embuungu ch'ebiita, mani yahuumulira mu kono ly'aakulu. Yeekesa obunyala bwae obw'ohulwaania abasuku bae.

Yisaaya 5:29

Ohuwoola hwaachio huli koti ohw'edalang'i, koti edalang'i ndoto lu chiwoola; nichidiirire esisolo sichidiirire, nichisihwehwesa, nae abulao onyala ohuchiwaabina.

Yeremia 25:30

Mani sakira, ewe Yeremia, olibalaangirira emboosi chino choosi, oliboolera abaandu bano oti: “Omwaami alihuumula naali Muukulu, yahaduluhane naali mu bwiihalo bwae bwoolerefu. Yahahuumule neende amaani n'alwaania abaandu bae, mani yaayula koti abo abanyuha emisabbiibbu, mani buli muundu oli hu syaalo awulire.

Esekeeli 10:5

Ohuwuuma hw'embaya ch'abakerubbi nihuwulirihana ohwoola mu lwaanyi lw'erwaanyi, ohuli koti ekono lya Nasaae w'Obunyala bwoosi naalomaloma.

Hosea 11:10

“Abaandu baange bachia ohunondaanga nihuumula koti edalang'i, eyiri abasuku baabwe. Bachia ohubbibbirihana nibeecha yi ndi ohutula emuumbo.

Yoeli 3:16

Omwaami abuluulira hu sigulu Siyooni, ekono lyae liwulirihanira mu Yerusalemu, mani ekulu neende esyaalo nibiteengereha. Nae Omwaami niye obweyikamo bw'abaandu bae, esiiro y'Abaisiraeli.

Amosi 1:2

Mani Amosi n'aboola ati: “Omwaami abuluula naali hu Lugulu lwa Siyooni, ekono lyae libuliirihana nilitula mu Yerusalemu. Obwaayiro bw'abaayi bwooma, haandi aakulu w'olugulu lwa Karimeeli huhooha.”

Amosi 3:8

Edalang'i niyibuluula; wiina mweene otahatya? Omwaami Nasaae naalomaloma; wiina mweene otahanyala ohulaangirira ebidiira hu mboosi yae?”

Ohubwiihulirwa 14:2

Mani ndawulira ekono litula Muukulu niliwoola koti amaachi maangi, haandi koti ohwaduluhana hw'ehubba huhoongo muno. Ekono lindawulira elyo, lyali nilifwaanana koti ohuubba hw'aboobbi b'obuhana baandi nibali ohuubba obuhana bwaabwe.

Ohubwiihulirwa 15:1

Haandi ndalingaala mani ndaabona muukulu mu bbaanga esifwaanani siindi sisiindusa, esihunuufu haandi esiwukisa. Ndabona bamalaika bataanu-na-babiri, nibali neende embya cha a'malwaye chitaanu-na-chibiri, echali nicho echimaliirihayo, olwohuba nicho echali echimaliirisa ohweekesa etima lya Nasaae.

Ohubwiihulirwa 15:7

Mani mulala hu biloonge bilamu bine bira, n'aberesa malaika bataanu-na-babiri bala ebbakuli ch'esaabbu echiichuule etima lya Nasaae, oliwo omulamu endaalo choosi.

Ohubwiihulirwa 4:5

Nae ohutulira mu sisaala sy'obutuki esyo, mwatuliramo enjeserye ch'olumesu, ohududuma, alala neende ohwaduluhana huloondana. Nae mu moni w'esisaala sy'obutuki, yaliwo emiriro chitaanu-na-chibiri nichaaduha, echali nicho myooyo kitaanu-na-kibiri echa Nasaae.

Ohubwiihulirwa 8:5

Haandi malaika oyo yabukula esisaambiro sy'obubbaani sira, mani niyeecha nasiichusamo omuliro kutula hu alutaari, mani naamala nasisukuna hu syaalo huno. Mani yeecha yabaawo ohutokoolehana alala neende ohwaduluhana hw'ekulu huloondehana, ohumesuhana hw'emesu, alala neende musisi.