Ohubala 2:2 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

² Abaisiraeli niboombaha ekaambi, buli musaacha achia ohubechaanga aasi w'eliita ly'omukaanda kwae, haandi neende aasi w'ebbeendera y'enyuumba yae yeene. Ekaambi yino yihoyeere ohwoombahwa niyibodoohana Eyeema.

EBBAIBBO EMBOOSI YA NASAAE

² Abaisiraeli niboombaha ekaambi, buli musaacha achia ohubechaanga aasi w'eliita ly'omukaanda kwae, haandi neende aasi w'ebbeendera y'enyuumba yae yeene. Ekaambi yino yihoyeere ohwoombahwa niyibodoohana Eyeema.

Ohubala 2:2 Iomraidhean Croise

Esabbuli 74:4

Abasuku bao bahuumulira Abuundu Woolerefu; bamalire ohutaao ebbeendera chaabwe koti obulolero bw'ohuyiingira.

Esabbuli 76:11

Ewe hola obweyamo bwao eyiri Omwaami Nasaae wao, mani mumuberese bi mweeyama. Lehe abo boosi abamwebodoohaanie bamuleetera ebiyaanwa eyiri oyo ohoyere ohuwiisamwo oluyaali.

Yisaaya 12:6

Eng'we abaandu bamenya mu Siyooni, muhuumule, haandi mweembe neende esangaalo, olwohuba Omwoolerefu wa Yisiraeli niye oli akatikaati weeng'we.”

Yisaaya 18:3

“Tekeerese, eng'we abaandu bamenya hu syaalo, abaandu bali hu syaalo syoosi, nimubona ebbeendera niyisiingisiirwe hu ngulu, tingaaleenge! Eturumbete niyihubbwa, wulireenge!”

Esekeeli 43:7

yamboolera ati: “Ewe omwaana w'omuundu, buno nibwo obweyaango bw'esisaala syaange sy'obutuki. Njia ohumenya ano alala neende abaandu baange Abaisiraeli, haandi mbatuke endaalo choosi pe. Abaisiraeli alala neende abatuki baabwe haba sibacha ohunyaasa eliita lyaange lyoolerefu nibeenamira ebiloongaloongwe, oba nibeesa oluyaali mu milaambo ky'abatuki baabwe.

Sekaria 9:16

Mani oludaalo olwo nilwahoole, Omwaami achia ohuwonia abaandu bae, koti sa lu mwaayi yahawonia ebyaayo byae ohutula hu masira. Bachia ohumesamesanira mu muhono kwae koti obusaate bw'ekofia y'obutuki.

Ohubala 1:50

Mu bweyaango obwo, bukula Abaleefi boosi obateeho omulimo kw'ohuhalaabana mu Yeema ly'Ohubaao hwaange, alala neende ebiindu byoosi ebirichiiraho. Nibo abachia ohulikiingaanga alala neende ebiindu byoosi ebyahwo, bahalaabanemo, mani boombahe ekaambi yaabwe yilyebodoohanie.

Ohubala 10:14

mani buli siha si bakeendaanga, balichiingi sa mu hola yifwaanana. Abo abalichiingi aasi w'ebbeendera y'omukaanda kwali nikwiimirirwa neende enono ya Yuda, nibo abataangira ohuchaaka olukeendo, mu buli mikaanda, neende Nahasoni omwaana w'Aminadabbu n'ahulira.

Ohubala 10:18

Ohuloondaho, bali abo abali aasi w'ebbeendera y'omukaanda kwahulirwa neende enono ya Rubbeeni kwoosi kwoola ohuchaaka olukeendo, mu buli mikaanda, neende Elisuuri omwaana wa Sedewuri n'akuhuliire.

Ohubala 10:22

Oludaalo lwaloondaho, abo abali aasi w'ebbeendera y'omukaanda kweemirirwa neende enono ya Efuraimu bosi bachaakaanga olukeendo, mu mikaanda, neende Elisaama omwaana w'Amihudi, naabeemiriire.

Ohubala 10:25

Muhumaliiriha, abo abali aasi w'ebbeendera y'Omukaanda kwali nikwiimiriirwe neende enono ya Daani, okwali nikuhola koti okuliinda enyuma bweene w'emikaanda kyoosi, hu kwosi kwoola ohuchaaka olukeendo, mu mikaanda, neende Ahieseeri omwaana wa Amisaada naakuhuliire.

Ohubala 2:1

Omwaami yaberesa Musa neende Arooni, ebilagiro bino biti.

Ohubala 2:10

“Nae ohutulira emwaalo, yihoyeere ohubaayo esikero sy'ekaambi ya Rubbeeni mu mikaanda kyayo, omwiimirisi w'abaandu ba Rubbeeni naali Elisuuri omwaana wa Sedewuri,

Ohubala 2:3

Mani abo abahoyeere ohwoombahira ebukwe eyitingaalire ebukwe, bahoyeere ohuba nibali hu sikero sy'ekaambi ya Yuda, mu mikaanda kyaabwe, omwiimirisi w'abaandu ba Yuda naali Nahasoni omwaana w'Aminadaabbu,

Ohubala 24:2

yabonera elalira abaandu ba Yisiraeli nibamenyere nibakabuhaaneengemo emikaanda-emikaanda ohweema hu buli nono. Mwooyo wa Nasaae bulaanu yamuniina,

1 Abakoriito 14:33

Olwohuba Nasaae haba si Nasaae ow'ohutabuhana, ataali ni Nasaae w'omuleembe. Koti lu siri mu mikaanda ky'abafukiiriri kyoosi,

1 Abakoriito 14:40

nae buli siindu sihoyere ohuholwaanga neende esiroonyo haandi mu ndekeha ndai.

Abafilipi 1:27

Esihirira elalira nisyo mbwe, ebiima byeeng'we bihoyere bibe koti Emboosi Ndai ya Kristo yidaha, kata ni mba niinjichire ohubabona, oba nimbulira-buwulira ebibadiiraho. Mube abomiifu muno neende esichiiririrwa silala, haandi mulwaanire alala neende embaasa ndala eyitula mu Mboosi Ndai.

Abakolosaayi 2:19

ataali ohwediira yeyomiisa hu Mutwe, okuliisa haandi okwambaania alala omubiri kwoosi, nikwehoonyera enyiingo chakwo, neende efwoonero chakwo, kuhula neende ehula yidahibwa neende Nasaae.

Yosua 3:4

Mwali nimutabaaho abuundu ano, mani nibo abachia ohubeekesa engira y'ohuchiiraho. Nae haba simuhoyeere ohusuda aambi neende Esanduuku ly'Endagaano daawe; mubecheenge koti obweyaango bw'ekilomiita ndala enyuma walyo.”