Nehemia 9:8 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁸ Ewe wabona oti oyo niye owali omweesikwa yooli, mani waahola Endagaano nae. Ewe wamulaka ohumuberesa esyaalo sy'Abakanani, esyaalo sy'Abahiiti neende esy'Abaamoori, esyaalo sya Abaperisi, esy'Abayebbusi, esy'Abagirigasiti, oti bibe abuundu yi beechuhulu bae bali nibahoyere ohumenya. Ewe wanyala ohwooseresa esisuubise syao esyo, olwohuba ewe oli omweesikwa.”

EBBAIBBO EMBOOSI YA NASAAE

⁸ Ewe wabona oti oyo niye owali omweesikwa yooli, mani waahola Endagaano nae. Ewe wamulaka ohumuberesa esyaalo sy'Abakanani, esyaalo sy'Abahiiti neende esy'Abaamoori, esyaalo sya Abaperisi, esy'Abayebbusi, esy'Abagirigasiti, oti bibe abuundu yi beechuhulu bae bali nibahoyere ohumenya. Ewe wanyala ohwooseresa esisuubise syao esyo, olwohuba ewe oli omweesikwa.”

Nehemia 9:8 Iomraidhean Croise

Ohuchaaka 12:7

Omwaami yabonehera Abburamu yaamuboolera ati, “Njia ohuberesa eloba lino abeechuhulu bao.” Abburamu mani niyoombahira Omwaami alutaari abuundu yi yamuboneramo ao.

Ohuchaaka 15:6

Abburamu naamala naafukiirira bi Omwaami yaboola. Sino syakera Omwaami yaamusangaalira, haandi yaamuyira koti omuundu muluungifu muno.

Ohuchaaka 22:12

Malaika yamuboolera ati, “Otanyaalaho omwaana wao oyo, kata sa waamuholaho esiindu syoosi. Bulaanu manyire endi hane wiisa oluyaali haandi otya Nasaae. Olwohuba haba soohayire ohuumberesa omwaana wao mudeerwa.”

2 Samueli 22:31

Nasaae wuno, ebiholwa byae nga biichufu, emboosi chae nga ch'ohweesika! Oyo ali koti engabo eyiri abo boosi abakoonya obuliindi bwae.

1 Ebyomubiha 1:14

Kanani yesi yali kukaang'ene Yebbusi, Omuamoori, Girigaasi,

1 Ebyomubiha 16:16

endagaano yi yahola neende Abburahamu, esisuubise si yahola neende Yisaka.

Esira 9:15

Omwaami Nasaae wa Yisiraeli, ewe oli ow'obwadyeeri, nae watukanya hwaonao. Mani huli ohweyolobya omusaango kweefwe okwo yooli; efwe hubula edeembe ly'ohunyala ohwiicha mu moni wao.”

Nehemia 9:33

Ewe wahola bulai muno ohutusaandyaho; ewe obechaanga sa omweesikwa, kata neende efwe ni hwononaanga.

Esabbuli 116:5

Omwaami w'esisa haandi muluungifu; Nasaae weefwe akwiira esisa.

Ohutula 3:17

Heengereo endi paka njia ohubatusa mu Misiri, yi bali ohuyiribwa neende obwaalaba, mani mbayire mu syaalo siyiinda, haandi esigimu, esyaalo sy'Abakanani, Abahiiti, Abaamoori, Abaperisi, Abahiifi neende Abayebbusi.

Ohutula 3:8

mani sakira njihire aasi ohubawonia ohubatusa hu Abamisiri haandi neende ohubatusira elalira mu Misiri, neende ohubayira mu syaalo sitabaafu, esiyiinda haandi esigimu si Abakanani, Abahiiti, Abaamoori, Abaperisi, Abahiifi, alala neende Abayebbusi bamenyamo bulaanu.

Esekeeli 33:24

“Ewe omwaana w'omuundu,” “abaandu bamenya mu biko byomu syaalo sya Yisiraeli ebyeeholere amakuunda, bemeeda ohuboola bati, ‘Abburahamu yali omuundu mulala yeeng'ene, mani baamuberesa esyaalo sino sibe esyae; nae efwe huli abaangi, sakira esyaalo sino syeefwe nisyo.’

Ohubala 13:29

Abamaleki nibo abamenya mu situundu syasyo sy'emwaalo; Abahiiti, Abayebbusi, neende Abaamoori nabo bamenya mu syaalo sy'ebigulu; nae Abakanani nibo abamenya aambi neende Enyaanja ya Mediterania, haandi neende hu ndulo w'Omwaalo kwa Yorodaani.”

Ohubala 23:19

Nasaae haba saali koti abaandu babacha; Haba saali omuundu okaluuhanianga ebibaaso byae. Buli siasuubisa, asiholaanga; Alomalomaanga, mani siholehana.

Ebiholwa 13:22

Nae niyali n'amalire ohumalao, yasiingisa Daudi yaaba omutuki waabwe; oyo yi omweene yalomalomaho n'aboola ati, ‘Njakaanire mu Daudi omwaana wa Yese omusaacha yi mwooyo kwaange kudaha, ochia ohuhola bi ndaha byoosi.’

Amalako Kohubiri 26:3

Muchia ohuchichaanga eyiri omulaamisi onabecheenge hu mulimo ebiha ebyo, mani mumuboolera muti: ‘Bulaanu njekesa enyaanga yino eyiri Omwaami Nasaae waange endi nyingiire mu syaalo si Omwaami yechuba ohuberesa bakuuka yeefwe.’

Amalako Kohubiri 32:4

“Omwaami niye omukayi weeng'we w'amaani; bi ahola byoosi biluungifu. Nasaae mweesikwa niye, haandi muhoyerwa, ahola ebyadyeeri haandi ebilai.

Amalako Kohubiri 7:1

“Omwaami Nasaae wao achia ohuhuleeta mu syaalo si oli ohwiingiramo sibe esyao mani osituke, achia ohutusamo enjia nyiingi ch'abaandu basirimo koti: Abahiiti, Abagirigasiti, Abahiifi, Abarigaasi, Abaamoori, Abakanani, Abaperisi neende Abayebbusi, ebyaalo bitaanu-na-bibiri ebihoongo haandi eby'amaani ohubahira.

Amalako Kohubiri 9:5

Obuluungifu bweeng'we neende obulai bw'emyooyo kyeeng'we haba sinibyo ebinakera mwiingire haandi mutuke ebyaalo bino, nae obubi bw'ebyaalo bino nibwo obunakera Omwaami Nasaae weeng'we yeerusemo abaandu abo eng'we nimwoola sa muti. Mani Omwaami achia ohwomiisa emboosi yi yechubira bakuuka yeeng'we, eyiri Abburahamu, Yisaka, neende Yakobbo.

Tito 1:2

eyeemere hu suubi ly'obulamu butaakama. Nasaae otabacha yatusuubisa hale esyaalo nisitaaloongwa obulamu butaakama buno.

Abaibburania 11:17

Efukiirira niyo eyakera Abburahamu, Nasaae niyali namuteema, yawaayo Yisaka omwaana wae, koti esiyaanwa. Abburahamu niye yi Nasaae yahola nae esisuubise, nae yafukiirira kata ohuwaayo omwaana wae koti esiyaanwa.

Abaibburania 6:18

Mani aliwo ebiindu bino bibiri, ebitanyala ohukaluuhana, haandi bi Nasaae atahanyala hubachaho. Mani sakira efwe abamala ohunyoola obwiiruhiro yaali, hugumisibwa muno ohwomiirira n'amaani hu sisuubise siri mu moni.

Yosua 11:23

Yosua yanyalirwa ohudiira-budiira esyaalo syoosi, koti sa lu Omwaami yali niyalagira Musa. Yosua yamala atyo, yaasidiisa Abaisiraeli koti esyaabwe syeene, yaasikabaniamo mu bituundu biingi, buli situundu nga asiba enono ndala. Mani ao abaandu bawuluuhaho ohulwaanaanga ebiita.

Yosua 11:3

Haandi yatuma emboosi yachiira Abakanani abali hu nyaande choombi echa Yorodaani, eyiri Abaamoori, Abahiiti, Abaperisi, haandi neende Abayebbusi abali mu syaalo sy'ebigulu, haandi kata neende eyiri Abahiifi abali nibamenya mu nandaalira y'Olugulu lwa Hamoni oluli mu syaalo sya Misipa.

Yosua 23:14

“Nae bulaanu ese esiha mbano syahanjola esy'ohufwiiramo. Buli mulala hweeng'we amanyire sa mu mwooyo kwae, haandi neende mu bulamu bwae ati, Omwaami Nasaae weeng'we yamala ohubaberesa ebiindu bilai byoosi bi yali niyabasuubisa. Buli sisuubise si yahola, yasyooseresa bulai bweene; abulao kata silala hu byo esyahaya ohwoolerera daawe.

Yosua 9:1

Ohuyiingiraanga hwa Yisiraeli hwoola hwaamanyihana muno eyiri abatuki boosi abali emuumbo wa Yorodaani mu bigulu, mu nandaalira ch'ebigulu, haandi neende hu syaalo syakwalaala sya hu lwaasi lw'Enyaanja Hoongo ya Mediterania, ohwoolera elalira emukulu wa Lebbanooni; bano nibo abatuki b'Abahiiti, Abaamoori, Abakanani, Abaperisi, Abahiifi, neende Abayebbusi.

1 Yowaana 1:9

Nae nihweyama ebyonoono by'efwe eyiri Nasaae, achia ohwooseresa siyatusuubisa olwohuba mweesikwa haandi muluungifu. Achia ohutulehera ebyonoono byeefwe byoosi mani atulabye ohutula mu bibi byeefwe byoosi.