Nehemia 9:6 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁶ Mani abaandu boosi aba Yisiraeli basomaanga esaala yino bati: “Ewe Omwaami, ewe weeng'ene niiwe Omwaami; ewe niiwe owaloonga ekulu, neende eng'ining'ini choosi echiri hu kulu. Ewe niiwe owaloonga eloba, neende enyaanja, haandi buli siindu syoosi esibirimo; ewe niiwe owabiberesa obulamu byoosi. Amaani komu kulu kosi kahuguunamira sa haandi kahwiinamira.

EBBAIBBO EMBOOSI YA NASAAE

⁶ Mani abaandu boosi aba Yisiraeli basomaanga esaala yino bati: “Ewe Omwaami, ewe weeng'ene niiwe Omwaami; ewe niiwe owaloonga ekulu, neende eng'ining'ini choosi echiri hu kulu. Ewe niiwe owaloonga eloba, neende enyaanja, haandi buli siindu syoosi esibirimo; ewe niiwe owabiberesa obulamu byoosi. Amaani komu kulu kosi kahuguunamira sa haandi kahwiinamira.

Nehemia 9:6 Iomraidhean Croise

Ohuchaaka 1:1

Muhuchaaka, Nasaae yaloonga ekulu neende esyaalo.

Ohuchaaka 1:9

Haandi Nasaae yaboola ati, “Lehe amaachi kali aasi w'ekulu kebuusire abuundu alala, haandi lehe eloba lyoomu libonehe.” Mani nibiba bityo.

Ohuchaaka 2:1

Ao mani ekulu neende esyaalo nibimala ohuloongwa, neende ebiindu byoosi ebibirimo.

Ohuchaaka 32:2

Nae Yakobbo niyababona yaboola ati, “Yino kaambi ya Nasaae kose!” Mani n'alaanga abuundu ao ati, “Mahanaimu.”

1 Abatuki 22:19

Mikaaya haandi yemeeda ohuboola ati, “Bulaanu mutekeerese muwulire esiindu si Omwaami aboola! Ese mbweene Omwaami niyehaale hu sisaala syae sy'obutuki muukulu, neende bamalaika bae boosi nibeemere nibamweekederaanie.”

1 Abatuki 8:27

“Nae ewe onyala mani ohumenya hu syaalo huno? Kata sa muukulu mwoosi haba simunyala ohuhumala ohuyeramo, mani katyo, Enyuumba ya Nasaae yino nayo yi ese nyombaahe sa yinyala yitye ohuba ehoongo yihuyera ohubaamo?

2 Abatuki 19:15

Hesekia yasabira mu moni w'Omwaami, n'aboola ati, Ewe Omwaami Nasaae wa Yisiraeli, owihaale hu Kerubbimu, niiwe Nasaae weeng'ene, ewe weeng'ene niiwe otuka obwaami bwohu syaalo; niiwe owaloonga Ekulu neende esyaalo.

2 Abatuki 19:19

Nae bulaanu ewe Omwaami Nasaae weefwe, huhwekweeda, tuwonie, ohutula mu mahono kae, hu obwaami bwohu syaalo bumanye buti ewe Omwaami, niiwe Nasaae mweene weeng'ene.

Nehemia 9:5

Abaleefi bano bati nibo abalangaanga abaandu beeche balaame: Yesua, Kadimieli, Bbani, Hasabbineia, Serebbia, Hodia, Sebbania, neende Petahia. Babolaanga bati: “Musiingire mupaake Omwaami Nasaae weeng'we; mumufumienge endaalo choosi pe! Leha buli muundu yeesi afumie eliita lyae ly'oluyaali, kata neende abyahaba mbwe abulao ohufumia hw'omuundu yeesi ohuyera.”

Esabbuli 102:25

Waloonga esyaalo hale-na-haandi muno, haandi niiwe weeng'ene owahola ekulu.

Esabbuli 103:21

Eng'we amaye kae, fumie Omwaami, abahalaabani bae abahola by'adaha!

Esabbuli 115:15

Leha Omwaami ababereseenge ehabi, oyo owaloonga ekulu neende esyaalo!

Esabbuli 124:8

Obuhoonyi bweefwe butula eyiri Omwaami, owaloonga ekulu neende esyaalo.

Esabbuli 146:6

owaloonga ekulu neende esyaalo, enyaanja, neende ebibirimo byoosi, aliinda obweesikwa bwae endaalo choosi.

Esabbuli 24:10

Omutuki w'oluyaali niye wiina? Niye Omwaami w'amaye, niye Omutuki w'oluyaali!

Esabbuli 33:6

Omwaami yaloonga ekulu neende emboosi yae, ebiri muukulu byoosi byaloongwa neende emboosi yae.

Esabbuli 36:6

Obuluungifu bwao buli koti engulu ndeeyi, ohuheenga hw'emisaango hwao hwoloberefu koti enyaanja njoloberefu muno; Ewe Omwaami niiwe onyala ohuwonia abaandu neende ebisolo.

Esabbuli 86:10

Olwohuba ewe niiwe omuhunuufu haandi ohola ebiindu biwukisa, ewe weeng'ene niiwe Nasaae.

Yisaaya 37:16

“Ewe Omwaami w'Obunyala, Nasaae wa Yisiraeli, owihaale aakulu wa Kerubbimu, niiwe weeng'ene, Nasaae w'obwaami bwoosi obwohu syaalo; niiwe owaloonga ekulu neende esyaalo.

Yisaaya 37:20

Mani bulaanu, Ewe Omwaami, Nasaae weefwe, tuwonie, otutuse mu mahono k'omutuki wa Asiria, hu bwaami bwohu syaalo bwoosi bumanye buti ewe weeng'ene niiwe Omwaami.”

Yisaaya 43:10

Omwaami aboola ati, “Eng'we Abaisiraeli, niing'we abaloli baange,” “Haandi niing'we abahalaabani baange baandedoolera omweene, hu munyale ohuumanya neende ohufukiirira haandi mumanya muti Niise Ese. Abulao nasaae wuundi owataangira ohubaao, kose haandi yichia hubaao nasaae wuundi owiicha enyuma waange.

Yisaaya 44:6

Omwaami, Omutuki wa Yisiraeli haandi omuwonia wae, Omwaami w'Obunyala aboola ati: “Niise owaamberi haandi Niise owakamayo; haandi abulao nasaae wuundi ohumalaho Ese.

Yisaaya 44:8

Mutatya daawe, haandi mutawaamo amaani. Mumanyire ohutula hale haandi neende ohwoola buti, mbabooleraanga sa ebyahabeeo mani byoola bibaao. Haandi niing'we abaloli baange. Mani yiriwo nasaae wuundi ohumalaho Ese? Ese syeeng'ene Niise Olwaanda, haba siimanyireho owuundi.”

Yisaaya 45:12

Niise owaloonga esyaalo, haandi ndaloonga abaandu basiriho. Ndehoonyera obunyala bwaange, mani ndabaamba ekulu, haandi Niise otuka buli siindu siri muukulu.

Yeremia 32:17

“Ewe Omwaami Nasaae, Niiwe owaloonga ekulu neende esyaalo niwehoonyera obunyala bwao buungi neende amaani kao. Sibulao esiindu syootanyala daawe.

Esekeeli 20:11

Nimbaberesa amalako kaange haandi nimbeekesa amalako kaange, omuundu n'akadiira, kamuberesa obulamu.

Yona 1:9

Mani Yona naababoolera ati, “Ese ndi Omuibburania; haandi nyinamira Omwaami, Nasaae wo Muukulu, owaloonga enyaanja neende eloba.”

Yowaana 10:30

Ese neende Laata huli silala.”

Ebiholwa 4:24

Mani nibawulira sino, boosi bebuusa alala balaama Nasaae nibaboola bati, “Omwaami w'obunyala bwoosi, owaloonga Ekulu neende esyaalo, alala neende enyaanja neende ebiindu bi yirimo byoosi,

Amalako Kohubiri 10:14

Bone, ekulu lyoosi yi lyakiire neende aakulu w'ekulu, neende esyaalo neende buli siindu sisirimo, by'Omwaami Nasaae weeng'we.

Amalako Kohubiri 32:39

“ ‘Bulaanu bone muti Niise, kata buti Niise, Nasaae oyo, haandi abulao nasaae wuundi ohumalaho ese; Niise owiita haandi Niise oberesa obulamu. Niise ofumita haandi Niise owonia; mani abulao onyala ohundusaho esiri mu bunyala bwaange.

Amalako Kohubiri 6:4

“Ewe Yisiraeli, Omwaami Nasaae, niye Omwaami yeeng'ene.

Abaibburania 1:3

Omwaana oyo, niye obulafu bweekesa oluyaali lwa Nasaae, haandi niye efwaani ya Nasaae yeene, haandi niye oliinda ebiloonge byoosi neende emboosi yae y'amaani. N'amalire ohunyalira ebyonoono by'abaandu boosi ohuleherwamo, yeehala Muukulu hu muhono muluungi kwa Nasaae, Omweene bunyala bwoosi.

Abaibburania 1:6

Nae ohumeeda hweebyo, Nasaae niyali aambi ohutuma Omwaana wae mwikulaanda mu syaalo, yaboola ati, “Lehe bamalaika ba Nasaae boosi bamwiinamire.”

Ohubwiihulirwa 14:7

Malaika oyo yalomaloma neende ekono hoongo n'aboola ati, “Beerese Nasaae oluyaali, mani mufumie obuhunuufu bwae! Olwohuba ebiha byae by'ohuheengeramo emisaango bimalire ohwoola. Yinamire oyo owahola Ekulu, esyaalo, enyaanja, alala neende emyaalo kirimo amaachi kyoosi!”

Ohubwiihulirwa 4:11

“Omwaami weefwe, haandi Nasaae weefwe! Ohoyera ohunyoola oluyaali, esitiibwa, neende obunyala. Olwohuba niiwe owaloonga ebiindu byoosi, nihaandi ohweema hu hudaha hwao, nilwo lubyeecha byabeereswa obunyala bw'ohubaao haandi neende ohuba abalamu.”