Nehemia 9:26 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

²⁶ “Kata katyo, abaandu bao bano bajeema baahaya ohuhutya daawe; boobba sa Amalako kao emikoongo. Betaanga sa abanabbi babalabulaanga, abababooleraanga ohukobola yooli; bahunyekaanga butoli-toli,

EBBAIBBO EMBOOSI YA NASAAE

²⁶ “Kata katyo, abaandu bao bano bajeema baahaya ohuhutya daawe; boobba sa Amalako kao emikoongo. Betaanga sa abanabbi babalabulaanga, abababooleraanga ohukobola yooli; bahunyekaanga butoli-toli,

Nehemia 9:26 Iomraidhean Croise

1 Abatuki 14:9

Ewe naawe waaholere ebyonoono bihoongo muno ohuhiraho abo boosi abatukaho hale baahutaangirira. Ewe wamala ohunjwaang'a mani wasiingisa etima lyaange, niweeholera ebiloongaloongwe, alala neende ebiloongaloongwe by'ebibya ohubiinamiraanga.

1 Abatuki 18:13

Ewe haba sowuliraangaho oti Yesebbeeli yali naali ohwiitaanga abanabbi b'Omwaami, mani ese naange ndanyala ohukisa abanabbi boola emia enaamba mu ng'uungu, ni mbakabuulemo emikaanda ky'abaandu amahumi kataanu buli mukaanda, haandi ni ndanyala ohubayiriraanga ebyohulya alala neende amaachi?

1 Abatuki 18:4

mani Yesebbeeli naali ohwitaanga abanabbi b'Omwaami, Obbadia wuno yabukulaanga hu banabbi abo emia ndala (100), mani abakisa mu ng'uungu mu mikaanda ky'abaandu amahumi kataanu buli mulala, haandi yaababeresaanga ebyohulya alala neende amaachi k'ohung'wa.)

1 Abatuki 19:10

Nae yakobolamo ati, “Ewe Omwaami, Nasaae w'Obunyala bwoosi, ese ndamenya nihuhalaabaniraanga endaalo choosi, ewe sa weeng'ene. Nae abaandu ba Yisiraeli bamala ohuhalaka endagaano yaabwe naawe, nibalikula nibakwiisa alutaari chao aasi, haandi nibeeta abanabbi bao boosi. Ese syeeng'ene niise owadoong'ao, haandi mbao syeesi bali ohungiiya ohuunjita!”

2 Abatuki 21:10

Omwaami naabitira mu bahalaabani bae, abanabbi, yeemao yaaboola ati,

2 Abatuki 21:11

“Olwohuba Manaase omutuki wa Yuda aholere ebiindu by'omusiro bino, haandi yaahola ebiindu bibi ohuhiraho bi Baamoori bamutaangira ohubaao bahola, mani yaakera neende Abayudaaya bosi bonoona nibeenamira ebiloongaloongwe byae.

2 Ebyomubiha 36:16

Nabo bakachulaanga sa bawamwaanda ba Nasaae, nibalekeeresa emboosi chae, haandi nibacheha abanabbi bae, ohwoola luunyuma bweene lu tima ly'Omwaami eyiri abaandu bae lyali ebitiirifu muno li muundu atahanyala ohuwonamo.

Nehemia 9:18

Boola baahola esiloongwaloongwe esifwaanani neende esurusi njere mani baboola mbwe esyo nisyo esyali nasaae wanyala ohubeemirira yaabatusa mu Misiri! Bahunyeka ewe Omwaami, bahwoosa eyale muno!

Nehemia 9:29

Ewe wabalabulaanga ohutichaanga enjekesa chao, nae mu suunga yaabwe bajwang'aanga sa amalako kao, kata neende nibiri mbwe mu hwooseresa Amalako kao nihwo engira yichia enabulamu. Obwoomu bw'emitwe hwaabwe neende esyeejo syaabwe, by'abakayiraanga ohunyala ohuhutiichaanga.

Nehemia 9:30

Buli mwaaka, wabalabulaanga neende ohwesimiirisa ohuungi. Ewe waninaanga abanabbi bao mani banyala ohulomaloma, nae kata katyo, abaandu bao nabo balichiingi sa koti abadiimbe, mani haandi obalehaanga nibayiingirwa neende ebyaalo biindi.

Esabbuli 50:17

Olwohuba ewe wasyuula hale ohweetuka, mani osukunaanga emboosi chaange emukoongo wao.

Yeremia 16:11

Mani ewe ochia ohubaboolera oti: “Olwohuba bakuuka yeeng'we baandulaho mani bachaaka ohuhalaabanira neende ohwiinamira banasaae baandi. Bandeebwaaba haandi baahaya ohuliinda amalako kaange Omwaami niye oboola.

Yeremia 2:30

Ndasaandya abaana beeng'we, nae sibulao sindanyoolamo daawe, olwohuba simufukiirira ohukololwa daawe. Olugaanga lweeng'we lweene nilwo olwatemula abanabbi beeng'we nimuli koti edalang'i yisihirisa abaandu.

Yeremia 2:7

Mani Ese nimbaleeta mu syaalo silai ohulichaanga ebyaamo byasyo. Nae eng'we nimweechamo, mwanyaasa esyaalo syaange, mani nimuhola esy'omusiro mu syaalo si ndababeresa ohuba esyeeng'we.

Yeremia 32:23

Mani nibasiingiramo nisiba esyaabwe. Nae nibeengiramo bahaya ohudiira amalako kao oba ohuhola bi odaha; nibahaya ohuhola bi wabalagira ohuhola. Mani sakira, obakwiisireho amasira kano koosi.

Yeremia 42:19

Eng'we abadoong'ereo mu Buyudaaya, Omwaami ababoolera ati, ‘Mutachia mu Misiri.’ Mumanyire elalira muti malire ohubalabula enyaanga yino,

Amaliro 3:42

Huholere ebibi haandi hujeemere, mani Ewe haba sootuleheeremo daawe.

Esekeeli 20:21

Nae olwiibulo lw'abaana baabwe olwo lwoosi niluunjeemera. Haba sibadiira amalako kaange, haandi bahaya ohuloonda amalako kaange akaberesa abaandu obulamu. Banyaasa Sabbaato yaange. Mani nimbaasa endi mbamalireho etima lyaange mu siparara.

Matayo 21:35

Nae abalimi nabo, bakwa hu bahalaabani bae abo baahuya mulala, beeta owuundi, haandi baalasa owuundi amakina.

Ebiholwa 7:52

Munabbi siina mweene yi balaata yeeng'we bahayaho ohusaandyaanga? Haandi betaanga abo abalaangiriraanga hale-hale ohwiicha Hw'oyo Omuluungifu, oyo yi bulaanu mwahobere haandi mwamwiita,

Amalako Kohubiri 32:14

Basacha amabeere batusamo amafuta, haandi baahama amabeere maangi ohutula mu byaayo byaabwe. Batuka amakoondi makinu neende emiiku, ebyaayo bya Bbasani neende embusi, neende engaano yihiramo obulai. Banyuha omweenge kw'emisabbiibbu kunyunyuula, baang'wa efiini yakwo.

Amalako Kohubiri 32:15

“Nae Abaisiraeli beehola abayiinda, mani baajeema; bahomera mani ebyohulya byaabatuumbula. Nae batula hu Nasaae wabaloonga, haandi baalekeeresa ow'Obunyala, omuwonia waabwe.

Abakayi 10:6

Haandi ehabi liindi, Yisiraeli yeemao yonoonera Omwaami, niyibitira mu hwiinamiraanga ba Bbaali neende ba Asitarooti, haandi neende banasaae ba Siria, aba Sidoni, aba Moabbu, Abaamooni, haandi neende Abafilisiti. Beecha baajwaang'a Omwaami, mani baakama ohumwiinamiraanga.