Nehemia 9:17 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁷ Bahayira elalira ohutya; haandi beebirira ebiindu bi wabaholera byoosi; kata beebirira neende eby'amayia bi waholaanga byosi. Mu suunga yaabwe, beemao bedoolera omutuki waabwe onyala ohubakobosayo mu jeela mu Misiri. Nae kata katyo ewe oli Nasaae oleheraangamo; ewe oli ow'esibooyi haandi ow'obuheeri, otabbibbiirihana ohunyoolera daawe. Esisa syaho sihunuufu muno; ewe haba si weemao waabajwaang'a daawe.

EBBAIBBO EMBOOSI YA NASAAE

¹⁷ Bahayira elalira ohutya; haandi beebirira ebiindu bi wabaholera byoosi; kata beebirira neende eby'amayia bi waholaanga byosi. Mu suunga yaabwe, beemao bedoolera omutuki waabwe onyala ohubakobosayo mu jeela mu Misiri. Nae kata katyo ewe oli Nasaae oleheraangamo; ewe oli ow'esibooyi haandi ow'obuheeri, otabbibbiirihana ohunyoolera daawe. Esisa syaho sihunuufu muno; ewe haba si weemao waabajwaang'a daawe.

Nehemia 9:17 Iomraidhean Croise

1 Abatuki 6:13

Njia ohumenyaanga mu Yisiraeli abaandu baange mu Nyuumba ya Nasaae yino yooli ohwoombaha, haandi siinjia ohubajwaang'aho kata nabudiidi.”

1 Abatuki 8:57

Omwaami Nasaae weefwe ahoya yaaba naafwe, koti lu yabechaanga neende bakuuka yeefwe; ahoya yaahaya ohutuleha, kata yaatujwaang'a daawe;

2 Ebyomubiha 36:13

Sedekia yeehalaka hu Mutuki Nebukadineesa, owali namuyikire ohweechubira mu liita lya Nasaae ati achia ohumuwuliraanga. Yahayuha sa neende esyeejo, mani yaahaya ohweeyama mani yaakobola eyiri Omwaami, Nasaae wa Yisiraeli.

Esira 9:9

Hwali abahalaabani bawaambe, nae ewe haba siwatuleha hwadoong'a mu buhalaabani buwaambe daawe. Wahola abatuki ba Perisia baatukwiira mani baatukanya ohubao abalamu neende ohwoombaha Enyuumba ya Nasaae yao, eyali niyiri mu magiingiri, mani hwakaana omuleembe ano mu Yuda neende mu Yerusalemu.

Nehemia 9:31

Kata katyo, ohweema koti esisa syao siri esihunuufu, ewe haba si wanyalaanga ohubajwaang'a, kata sa ohubasihirisaanga daawe. Ewe oli Nasaae w'esibooyi haandi ow'esisa sibitiirifu!

Esabbuli 106:13

Nae beebirira bwaangu ebiindu bi Nasaae yali niyabaholera mani nibachaaka ohuhola ebiindu nibatamweteebereho mberi.

Esabbuli 106:7

Bakuuka yeefwe bahaya ohumanya ebiindu biwukisa bi Nasaae yahola mu Misiri; beebirira obuheeri bwae buungi, mani nibajeemera ow'Obunyala bwoosi nibali hu Nyaanja Njahanyu.

Esabbuli 130:4

Nae ewe otuleheramo, hu hunyale ohuhwiisangamo oluyaali.

Esabbuli 78:10

Bahaya ohuliinda endagaano ya Nasaae, nae bajeemera amalako kae.

Esabbuli 78:11

Beebirira ebiindu bi yali niyahola, neende eby'amayia bi yali n'abeekese.

Esabbuli 78:38

Nae kata katyo, Nasaae nae olwohuba w'esisa niye, yabaleheraangamo ebyonoono bwaabwe, mani n'ahaya ohubasihirisa. Amahabi maangi muno, yatuka etima lyae, mani n'ahaya ohusiingisa obwaalaba bwae.

Esabbuli 86:15

Nae Ewe Omwaami, niiwe Nasaae ow'esisa haandi osaasira, ohiinda ohunyoolera, owiichule ohudaha hutaakamo neende obweesikwa.

Esabbuli 86:5

Ewe Omwaami, oli omulai haandi okwiira esisa, oli ow'obuheeri buungi eyiri abo abahusaba.

Ohutula 32:9

Ese omweene manyire esyeejo si baandu bano bali nasyo.

Engaado 1:24

Olwohuba mbalaangire mani mwaahaya ohutekeeresa, ngoloole omuhono kwaange nae abulao odeebereyo,

Yeremia 18:15

Nae abaandu baange baanjibiriire, baanioohesa obubbaani eyiri banasaae bataali abadyeeri. Batulire hu ngira chaabwe chi bakeenderaangaho ohutula hale, mani nibakeendera hu mihoosi, ataali hu ngira hoongo.

Yeremia 19:15

“Omwaami w'Obunyala, Nasaae wa Yisiraeli aboola ati: ‘Bone, njia ohuleeta amasira hu siko sino neende hu biko byoosi ebiri aambi nasyo amasira ka mbolere endi njia ohusikwiisaho, olwohuba abaandu boomeranu nibo mu myooyo, bahayire ohuwulira emboosi chaange.’”

Yeremia 7:26

Nae nibahaya ohuumbulira, oba ohutekeeresa bi mboola. Mani niboomya emitwe, nibahola ebiindu bibi ohuhiraho bakuuka yaabwe.

Esekeeli 5:6

Nae sijeemeere amalako kaange haandi syaahola ebyonoono ohuhiraho ebyaalo biindi, ohuhiraho ebyaalo bisyebodohaanie. Haandi sihayire ohudiira amalako kaange neende ohuloondakira amalako kaange.

Yoeli 2:13

Lehe emyooyo kyeeng'we kyeefunake, ataali ebyefwaalo byeeng'we.” Kaluhe eyiri Omwaami, Nasaae weeng'we, olwohuba w'esisa haandi aleheramo. Haba saanyoolera bwaangu, haandi yeechula obuheeri butaakama, haandi akwiira esisa abahola-mbi.

Esy'Abaleefi 26:44

Nae kata katyo, nibaba nibasisiiri mu loba ly'abasuku baabwe, siinjia hubajwaang'ira elalira, oba ohubasihirisira elalira. Esyo siba sichia ohuba nisita enjakamo hu ndagaano yaange nabo, nae kata katyo ese niise Omwaami Nasaae waabwe.

Nahumu 1:3

Omwaami haba siyanguyaanga ohunyoolera daawe, kata katyo yeechula obunyala mani s'alehaanga oliho omusaango ohuwaao naatamusaandiisye. Abuundu yi Omwaami abitira, ebiifuusye bisiingira sa; amaleesi kano niko olufu lu makulu kae kadumusaanga!

Ohubala 14:11

Omwaami yaboobera Musa ati, “Abaandu bano bahaakame liina, ohujeemeraanga bati? Bahaakame liina ohuhaya ohundeesika, kata neende nindahamala ohubaholeramo eby'amayia biingi byakiire ao?

Ohubala 14:41

Nae Musa n'aboola ati, “Lwasiina muli ohujeemera Omwaami bulaanu buti? Haba simuchia ohubitamo daawe!

Ohubala 16:14

Mubwadyeeri bweene ewe haba siwatuleetaho kata mu loba gimu, oba kata sa ohutukaba emikuunda, neende emituli ohuba ebyeefwe daawe, haandi bulaanu oli ohutubacha-bu-bacha sa. Efwe haba sihucha hwiicha daawe!”

Ebiholwa 7:39

Bakuuka yeefwe abo baahaya ohumuwulira, nae bamusiindiha sa endulo, mani mu myooyo kyaabwe bakaluuhana balingaala Misiri,

Abarooma 9:15

“Njia ohukwiira esisa omuundu yeesi yi ndaha; haandi njia ohusaasira omuundu yeesi yi ndaha.”

Abaibburania 12:25

Sakira mweliinde, haandi mutahaya ohuwulira emboosi ch'omuundu oli ohulomaloma. Nisiri siti, abo abahaya ohuwulira omuundu olomaloma n'abeekesa ebidiira hu hweliinda hwomu syaalo muno haba sibaona, bulaanu naafwe hunaone hutye nihuubbira omukoongo omuundu olomaloma n'atula Muukulu n'adaha ati hweliinde.

1 Samueli 12:22

Omwaami aholere esisuubise simaliirifu sino, haba saachia ohubajwaang'a daawe, olwohuba ohuheengao ohubahola mube abaandu bae beene.