Nehemia 9:16 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁶ Nae bakuuka yeefwe beeniinia neende esuunga neende esyeejo mani baahaya ohutya ebilagiro byao.”

EBBAIBBO EMBOOSI YA NASAAE

¹⁶ Nae bakuuka yeefwe beeniinia neende esuunga neende esyeejo mani baahaya ohutya ebilagiro byao.”

Nehemia 9:16 Iomraidhean Croise

2 Abatuki 17:14

Nae nimuhaya ohuwulira, mani mwaaba ab'emitwe myoomu, koti lu bakuuka yeeng'we bali, abahaya ohuwulirira mu Omwaami Nasaae waabwe.

2 Ebyomubiha 29:6

Bakuuka yeefwe balichiingi abataali abeesikwa eyiri Omwaami, Nasaae weefwe mani baholaanga ebyamunyoolesaanga. Bamujwaang'a mani boobba emikoongo kyaabwe eyiri abuundu yi yamenya.

2 Ebyomubiha 30:8

Mutaba neende esiyiingwa koti lu baba, nae eng'we muticheenge Omwaami. Yiche eyiri Enyuumba ya Nasaae mu Yerusalemu, mu Omwaami Nasaae weeng'we yahola ohubeechaanga esyoolerefu endaalo choosi, mani mumwiinamire hu ahaye haandi ohubanyoolereraanga.

2 Ebyomubiha 36:13

Sedekia yeehalaka hu Mutuki Nebukadineesa, owali namuyikire ohweechubira mu liita lya Nasaae ati achia ohumuwuliraanga. Yahayuha sa neende esyeejo, mani yaahaya ohweeyama mani yaakobola eyiri Omwaami, Nasaae wa Yisiraeli.

Nehemia 9:10

Ewe wanyala ohuhola eby'amayia biwukisa eyiri omutuki wali owaabwe oyo, eyiri abahoongo bae boosi, haandi neende eyiri abaandu bali mu loba lyae elyo, olwohuba wali niwamanya koti lu bali nibafwiinyiraanga abaandu bao abo. Mani ewe waanyala ohunyoola efuma yino yosisiiri nayo ohwoola buti.

Nehemia 9:29

Ewe wabalabulaanga ohutichaanga enjekesa chao, nae mu suunga yaabwe bajwang'aanga sa amalako kao, kata neende nibiri mbwe mu hwooseresa Amalako kao nihwo engira yichia enabulamu. Obwoomu bw'emitwe hwaabwe neende esyeejo syaabwe, by'abakayiraanga ohunyala ohuhutiichaanga.

Esabbuli 106:6

Hwonoona koti bakuuka yeefwe bonoona; hwahola ebyonoono bitahoyera.

Esabbuli 81:8

Baandu baange, tekeerese mbakerakire; Yisiraeli, oba n'ofukiirira mani waambulira!

Ohutula 15:26

Yaboola ati, “Nimuchia ohuumbulirira elalira nimuholaanga ebyo bi mbaberesa ohuba ebyadyeeri, neende ohuliindaanga amalako kaange, mba siinja ohubasaandyaho neende amalwaae kandaleteraanga Abamisiri. Ese niise Omwaami mweene, haandi oyo obawonia.”

Ohutula 32:9

Ese omweene manyire esyeejo si baandu bano bali nasyo.

Engaado 29:1

Omuundu yi boolobya buli lu aholere esibi, mani yaasyomeraho, ludaalo luundi yahanyoole n'atamanyire, mani abuleo omuundu omuwonia.

Yisaaya 48:18

“Oba niwawulira ebilagiro byaange! Ao mani wahabeere neende omuleembe kuhulukusa koti omwaalo, haandi obuluungifu bwao bwahabeere koti efwiinda ch'enyaanja.

Yisaaya 48:4

Olwohuba ndamanya koti lu muli ab'emitwe myoomu; haandi eekosi lyeeng'we ly'emisi ky'ebichuma haandi obweeni bweeng'we bw'ebihomo.

Yisaaya 63:10

Nae mani nibamujeemera mani nibanyoolesa Mwooyo Mwoolerefu wae, mani sakira yeehola omusuku waabwe, haandi omweene n'abalwaania.

Yeremia 19:15

“Omwaami w'Obunyala, Nasaae wa Yisiraeli aboola ati: ‘Bone, njia ohuleeta amasira hu siko sino neende hu biko byoosi ebiri aambi nasyo amasira ka mbolere endi njia ohusikwiisaho, olwohuba abaandu boomeranu nibo mu myooyo, bahayire ohuwulira emboosi chaange.’”

Yeremia 2:31

Mani eng'we, Abaisiraeli b'endaalo chino, wulire emboosi chi Ese Omwaami mboola. Ndeehola esiparara yi muli, oba esyaalo sy'esiirima sidiiraane? Eng'we abaandu baange, lwasiina muboola muti, Huli abalehuule ohuhola buli siindu si hudaha, haba sihuchia hukobola yooli?

Yeremia 7:26

Nae nibahaya ohuumbulira, oba ohutekeeresa bi mboola. Mani niboomya emitwe, nibahola ebiindu bibi ohuhiraho bakuuka yaabwe.

Esekeeli 5:6

Nae sijeemeere amalako kaange haandi syaahola ebyonoono ohuhiraho ebyaalo biindi, ohuhiraho ebyaalo bisyebodohaanie. Haandi sihayire ohudiira amalako kaange neende ohuloondakira amalako kaange.

Ebiholwa 7:51

“Eng'we abaandu baangalala amakosi, abatahebwa mu myooyo, neende amatwi, mwamenya nimuyiingania Mwooyo Mwoolerefu. Koti lu balaata yeeng'we baholanga hale, nilwo lu mwesi muli ohuhola sa bulaanu.

Abarooma 2:5

Nae ewe oli neende omwooyo mwoomeranu haandi okutawulira, mani sakira omweene oli ohweleetera ohusaandisibwa huhirao hu ludaalo lu tima lya Nasaae neende eheenga yae nuungifu yicha ohweyekeseraho.

Amalako Kohubiri 31:27

Olwohuba manyire koti lu bali abajeemu haandi ab'esyeejo. Bona, kata nyaanga yino nisisiiri nabo, bamalire ohujeemera Omwaami, nae bahaake yeena nimalire ohufwa!

Amalako Kohubiri 32:15

“Nae Abaisiraeli beehola abayiinda, mani baajeema; bahomera mani ebyohulya byaabatuumbula. Nae batula hu Nasaae wabaloonga, haandi baalekeeresa ow'Obunyala, omuwonia waabwe.

Amalako Kohubiri 5:29

Mani baba nibali neende ebibaaso biri biti endaalo choosi, ohutya haandi ohuliinda ebilagiro byaange byoosi, hu biindu bibachiire bulai alala neende abaana baabwe bosi endaalo choosi!

Amalako Kohubiri 9:13

Haandi Omwaami yemeeda ohumboolera ati, ‘Mbweene abaandu bano, mani bona, baandu b'emyooyo myoomeranu.

Amalako Kohubiri 9:27

Yichulisa abahalaabani bao, Abburahamu, Yisaka, neende Yakobbo. Otatingaalaho hu bwoomeranu bw'emyooyo ky'abaandu bano, oba hu budoondobanu bwaabwe, oba hu bibi byaabwe.

Amalako Kohubiri 9:6

“Mani sakira manyeenge muti Omwaami Nasaae weeng'we s'ali ohubaberesa esyaalo silai sino musituke hulw'obuluungifu bweeng'we, olwohuba eng'we muli abaandu b'emyooyo myoomu.

Abaibburania 3:13

Ohutusaho, muhoyere ohugumya abasyeeng'we emyooyo buli ludaalo, olwohubera emboosi “Olwaleero” mu byandiiko byoolerefu yitudiiraho, hu abuleo omuundu yeesi hweeng'we onyala ohubachiriswa neende esyonoono, mani yooma omutwe.

Abaibburania 3:15

Sino nisyo si byandiiko byoolerefu biboola biti, “Olwaleero, nimuwulira ekono lya Nasaae, mutoomia emyooyo kyeeng'we koti lu bakuuka yeeng'we bahola, koti lu bajeemera Nasaae.”