Nehemia 9:15 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁵ “Nibali njala, ewe wanyala ohubaberesaanga emigaati ohutula muukulu, haandi neende amaachi ohutula mu lwaanda nibawulira obuluwo. Ewe wababoolera oti batuke eloba elyo li wali niwasuubisa ohubaberesa.

EBBAIBBO EMBOOSI YA NASAAE

¹⁵ “Nibali njala, ewe wanyala ohubaberesaanga emigaati ohutula muukulu, haandi neende amaachi ohutula mu lwaanda nibawulira obuluwo. Ewe wababoolera oti batuke eloba elyo li wali niwasuubisa ohubaberesa.

Nehemia 9:15 Iomraidhean Croise

Ohuchaaka 14:22

Nae Abburamu yakobola mu mutuki wa Sodomu n'aboola ati, “Malire ohwechubira Omwaami, Nasaae w'Aakulu Muno, oyo owaloonga ekulu neende esyaalo,

Nehemia 9:20

Mu bulai bwao, ewe wababoolera ebyo bi baba nibahoyere ohuholaanga; ewe wanyala sa ohubalisaanga mana haandi wababechaanga sa amaachi k'ohung'wa.

Esabbuli 114:8

okaluuhania enyaanda cheehola amadiba k'amaachi haandi amakina nikeehola esulo ch'amaachi.

Ohutula 16:4

Omwaami nae yaboolera Musa ati, “Bulaanu, njia ohubaholera mweesi, ebyohulya bibamala, bitule muukulu nibikwa hu syaalo koti efula. Abaandu bahoyere ohutulaanga erwaanyi buli ludaalo, nibadoola ebibamala hu ludaalo olwo. Mu ngeri yino, mba njia ohubateema nyale ohufuumbula nibanyala ohuloondakana neende amakerako kaange.

Ohutula 17:3

Nae abaandu bali neende obuluwo bubitiirifu mani bemeeda sa ohwekanyiirisira Musa. Baboola bati, “Ewe lwasiina watutusa mu Misiri? Ohutwiita efwe alala neende abaana beefwe boosi, neende ebiindu bilamu byeefwe byoosi obuluwo?”

Ohutula 17:6

Ese njia ohweema mu moni wao hu lwaanda oluli aambi neende Olugulu lwa Sinai. Ewe huya sa hu lwaanda, mani amaachi kachia ohulutulamo abaandu bang'we.” Musa yahola atyo mu moni w'abeemirisi ba Yisiraeli.

Ohutula 6:8

Njia ohubaleeta mboose hu esyaalo si ndeechuba nisuubisa ohuberesa Abburahamu, Yisaka, neende Yakobbo; mani njia ohusibaberesa sibe omukabo kweeng'we. Ese niise Omwaami.’ ”

Yisaaya 48:21

Obuluwo haba sibwahabalume niyahabeemere ohubitaanga mu biparara; yabahulukusira amaachi ohutula mu lwaanda. Yaata olwaanda mani amaachi kaafududusa nikalutuliramo.

Yeremia 32:23

Mani nibasiingiramo nisiba esyaabwe. Nae nibeengiramo bahaya ohudiira amalako kao oba ohuhola bi odaha; nibahaya ohuhola bi wabalagira ohuhola. Mani sakira, obakwiisireho amasira kano koosi.

Esekeeli 20:15

Ndeechubira mu siparara endi haba siinjia hubayira mu syaalo si ndali nimbabereese, esyaalo sihulukusa amabeere neende obuuhi bw'enjuhi, esyaalo sihiramo oluyaali mu byaalo byoosi.

Ohubala 14:30

Ndali nindasuubisa ohubakanya muchie mumenye mu bweene omwo, nae abulao kata mulala hweeng'we ochia ohunyala, ohutusaho Kalebbu neende Yosua.

Amalako Kohubiri 1:21

Bone, esyaalo si Omwaami Nasaae weeng'we abeekeese, mani muchie musiyire sibe esyeeng'we, koti lu Mwaani Nasaae wa bakuuka yeeng'we yababoolera. Mutatya daawe haandi mutawaamo omwooyo.”

Amalako Kohubiri 1:8

Ebyaalo bino byoosi nibyo ebyaalo bi ese Omwaami ndasuubisa ohuberesa bakuuka yeeng'we, Abburahamu, Yisaka, neende Yakobbo, neende abeechuhulu baabwe. Mani muchie mubimenyemo.’”

Amalako Kohubiri 8:3

Yabaloongoyasa yaaleha enjala yaabaluma, mani yaabaliisa mana yi mwali nimutaamanyire, kata yi bakuuka yeeng'we bali nibataamanyire, abeekese mumanye muti, omuundu saabechaangao omulamu hulw'ebyohulya byoong'ene, nae ati omuundu abechaangao omulamu hulw'emboosi choosi chi Omwaami aboola.