Nehemia 8:3 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ Abweene ao mu sipaapi esyo, esyali aambi neende esiruwa esyo, yabasomerao Amalako ako yi bali ohuchaaka mu mabwiibwi ohwoolera elalira mu sideete akati, mani nabo nibanyala ohutekeeresaanga bulai bweene.

EBBAIBBO EMBOOSI YA NASAAE

³ Abweene ao mu sipaapi esyo, esyali aambi neende esiruwa esyo, yabasomerao Amalako ako yi bali ohuchaaka mu mabwiibwi ohwoolera elalira mu sideete akati, mani nabo nibanyala ohutekeeresaanga bulai bweene.

Nehemia 8:3 Iomraidhean Croise

Nehemia 10:29

ano bweene hweenya ohweyambaania neende abeemeresi beefwe mu sichubo sino, esiriho esibwaabo nikali mbwe husihalaka, mbwe huchia ohumenyaanga nihuloondakana neende Amalako ka Nasaae, ka Nasaae yatusa n'abitira mu Musa omuhalaabani wae; mbwe efwe huhoyere ohukafukiiriramo koosi koti lu Omwaami, Omwaami weefwe, atulagira; haandi ati efwe huchia ohwooseresaanga amalako kae koosi neende ebidahibwa byoosi.

Nehemia 13:1

Amalako ka Musa nikali nikasomwa lukali eyiri abaandu, boola hu bwandiike buboola buti abulao Omuamooni kata sa Omumoabbu yeesi owali n'afukiirirwa ohweyambaania neende abaandu ba Nasaae.

Nehemia 8:1

Mu mwoosi kwa hataanu-na-habiri abaandu ba Yisiraeli bali nibamalire ohwiihala mu biko byaabwe. Mani hu ludaalo lutaangira lw'omwoosi kweene okwo, boosi bebuusira alala mu Yerusalemu, mu sipaapi esiri mukati w'Esiruwa silaangwa esy'Amaachi. Bateeba Esira, owali omulaamisi haandi omusomi w'Amalako ka Omwaami yali niyaberesa Yisiraeli ohubitira mu Musa, ohubukula esitabo sy'Amalako esyo.

Nehemia 8:18

Ohutula hu ludaalo lutaangira lw'esidyaalo esyo, ohwoolera elalira hu ludaalo lumaliirihayo, basomaangaho esituundu silala esy'Amalako ka Nasaae buli ludaalo. Bahusa esidyaalo sino ohumala embaka y'endaalo chitaanu-na-chibiri, mani hu ludaalo lwa hataanu-na-hadatu, yaliyo omuholo kw'ohwiikalao, koti sa byali nibidahibwa mu Malako ako.

Nehemia 8:4

Esira yali niyeemere tiiri hu siduuti sy'embaao esyali nisyoombahibwa hulw'esifune syeene esyo. Abasaacha bano bati nibo abamweema hu muhono muluungi: Matitia, Sema, Anaya, Wuria, Hilikia, neende Maseya; nae abaloondaho bano nibo abamweema hu muhono kwae mukaada: Pedaya, Misaeli, Milikiya, Hasumu, Hasibbadana, Sekaria, neende Mesulamu.

Nehemia 8:5

Koti lu Esira yali niyeemere abweene ao, hu siduuti aakulu w'abaandu boosi, boosi bali nibamudaangaliireho sa emoni. Mani lu yabwiihula sa ati esitabo esyo, boosi basiingira beema tiiri.

Mariko 12:37

Daudi mweene amulaanga ati, Omwaami; mani yahaba atye omwaana wae?” Mani esidiiyiha sihoongo syamuwulira neende esangaalo.

Luka 19:48

nae sibanyoola esiindu syoosi sibanyala ohuhola, olwohuba abaandu boosi bali bahayiire hu mboosi chae.

Luka 8:18

Mani mweliinde engeri yimuwuliriramo; olwohuba oyo oli nabyo, niye ochia ohumeedwaho ebiindi, nae oyo otaliho neende esiindu syoosi, kata neende syabaasa ati ali nasyo, bachia ohumumalaho.”

Ebiholwa 13:15

Nibali nibamalire ohusoma amalako neende abanabbi, abeemirisi ba Sinagoogi babalaanga nibaboola bati, “Baasyeefwe, nimuba nimuliho neende emboosi yoosi eyohugumya abaandu, muyiboole.”

Ebiholwa 13:27

Eyiri abo abamenya mu Yerusalemu neende abeemeresi baabwe, olwohuba sibanyala ohumumanya, oba ohumanya ebyalomalomwaanga neende abanabbi, ebisomwaanga buli Sabbaato, booserese bino nibamuheengera omusaango ohumuhira.

Ebiholwa 15:21

Olwohuba ohutulira elalira hu njibulo hale muno, Musa abechaanga mu buli siko sihuluundu, abaandu nibamuyaala, olwohuba asomwaanga buli lwa Sabbaato mu Sinagoogi choosi.”

Ebiholwa 16:14

Mulala hu baandu bali nibatutekeereese yali omuhasi olaangwa ati Lidya, owali n'atula mu siko sihuluundu sya Siyatiira, owali omukusi w'ebiindu byehoonyerwa neende abaandu batuki, haandi owali omwiinamiri wa Nasaae. Omwaami yamwikula ebibaaso awuliire haandi adiire ebiindu bi Paulo yali n'alomaloome.

Ebiholwa 17:11

Nae bulaanu, Abayudaaya bano bali abawulisi ohuhiraho abo abali mu Tesalonika, olwohuba bano baakaanira bulai emboosi neende ohudaha ohuhoongo muno, nibewuunja nibakeraania bulai ebyandiiko byoolerefu buli ludaalo, ohubona ebiindu bino nibyali nibiri bityo.

Ebiholwa 20:11

Paulo niyali n'amalire ohuniina aakulu mu goroofa haandi n'amalire ohusabira omugaati neende ohukulya, yeecha haandi yakaniaaya nabo hulw'embaka ndeeyi hooho, ohwoola lu bwahya, mani nawaawo.

Ebiholwa 20:7

Hu ludaalo luchaaka ejuma, nihwali nihwebuusire alala ohulya omugaati, Paulo yalomaloma nabo, n'abaasa ati anyala ohuwaao nibuhyeere; mani yaleeyisa enomanoma yae muno ohwoola esiro akati.

Ebiholwa 28:23

Nibaba nibamalire ohumutekehera oludaalo lwae, bakobola yaali, abuundu yi yali niyamenya nibali abaangi muno. Yachwichwiisa esifune syae bulai yibali ohutulira elalira echuli, ohwoolera elalira engoloobe, niyomiisaanga ebidiira hu bwaami bwa Nasaae haandi n'ateemaho ohubaserera bafukiirire akadiira hu Yesu ohutulira elalira mu kali mu malako ka Musa ohwoolera elalira hu kali mu banabbi.

Amalako Kohubiri 31:9

Musa yandiika amalako kano, mani n'akadiisa abalaamisi Baleefi, abakiingaanga Esanduuku ly'Endagaano y'Omwaami, neende abeemirisi boosi aba Yisiraeli.

1 Abatesalonika 2:13

Haandi huli neende esifune siindi esikera nihweebasa Nasaae buli siha. Nihwabaleetera emboosi ya Nasaae, mwayiwulira haandi mwaayakaanira, ataali koti emboosi y'omuundu sa, nae koti emboosi ya Nasaae mweene, koti lu yiri mubwadyeeri. Olwohuba Nasaae ali ohuholera mweeng'we abafukiirira.

Yosua 8:35

Buli lako hu malako ka Musa, Yosua yalisomera abaandu boosi mu lwiichuule, omwali abahasi neende abaana, kata neende abateende bali nibabamenyamo.

Ohubwiihulirwa 2:29

Nimuli neende amatwi, mani wulire bi Mwooyo aboolera abafukiiriri!’

Ohubwiihulirwa 3:22

Nimuli neende amatwi, wulire bi Mwooyo aboolera abafukiiriri!’ ”