Nehemia 8:1 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹ Mu mwoosi kwa hataanu-na-habiri abaandu ba Yisiraeli bali nibamalire ohwiihala mu biko byaabwe. Mani hu ludaalo lutaangira lw'omwoosi kweene okwo, boosi bebuusira alala mu Yerusalemu, mu sipaapi esiri mukati w'Esiruwa silaangwa esy'Amaachi. Bateeba Esira, owali omulaamisi haandi omusomi w'Amalako ka Omwaami yali niyaberesa Yisiraeli ohubitira mu Musa, ohubukula esitabo sy'Amalako esyo.

EBBAIBBO EMBOOSI YA NASAAE

¹ Mu mwoosi kwa hataanu-na-habiri abaandu ba Yisiraeli bali nibamalire ohwiihala mu biko byaabwe. Mani hu ludaalo lutaangira lw'omwoosi kweene okwo, boosi bebuusira alala mu Yerusalemu, mu sipaapi esiri mukati w'Esiruwa silaangwa esy'Amaachi. Bateeba Esira, owali omulaamisi haandi omusomi w'Amalako ka Omwaami yali niyaberesa Yisiraeli ohubitira mu Musa, ohubukula esitabo sy'Amalako esyo.

Nehemia 8:1 Iomraidhean Croise

2 Abatuki 23:2

Omutuki yachia mu Nyuumba y'Omwaami alala neende abaandu bamenya mu Yerusalemu boosi, neende abalaamisi neende abanabbi, neende abaandu baandi boosi, abahuluundu neende abayere. Mani naasoma nibawulira emboosi ch'esitabo sy'endagaano si baduuhana mu Nyuumba y'Omwaami.

2 Ebyomubiha 34:15

Yaboolera Safani ati, “Ese ngaandi malire ohunyoola Esitabo sy'Amalako ano mu Nyuumba ya Nasaae muno.” Yabukula esitabo esyo mani n'asiberesa Safani,

2 Ebyomubiha 34:30

mani boosi alala nibachia eyiri Enyuumba ya Nasaae, nibachiana neende abalaamisi baabwe, haandi neende Abaleefi, haandi neende abaandu badoong'ereo boosi, abanyali neende abamanani sidubaanie. Mani mu moni waabwe, omutuki oyo yanyala ohubasomera mu kono ly'aakulu esitabo esyo syoosi esy'endagaano esyo, esyali nisinyoolerwe mu Nyuumba ya Nasaae eyo.

Esira 7:1

Emyaaka emiingi nikyabitao, Aritakerikeesi naali omutuki wa Perisia, yaliyo omusaacha wuundi owali n'alaangwa mbwe Esira. Yalondoola bakuukaang'ene yaafunya enyuma ohwoola lu yoola hu Arooni, owali Omulaamisi Muhuluundu muno, naloondehania ati: Esira yali omwaana wa Seraya, omwaana wa Asaria, omwaana wa Hilikia,

Esira 7:10

Esira yali n'amalire ohuyaanayo obulamu bwae bwoosi eyiri ohweekaanga Amalako k'Omwaami, neende ohukaholeraangaho, haandi neende ohweekesaanga amalako kabyo, neende endekeha yako eyiri abaandu ba Yisiraeli.

Esira 7:11

Omutuki Aritakerikeesi yaberesa Esira, omulaamisi haandi omusomi, owali neende obumanyirifu bumala obw'amalako neende ebilagiro bi Omwaami yali yaberesa Yisiraeli esiyandiiko siloondaho.

Esira 7:6

Esira wuno niye owatula mu Bbabbilooni. Yali omumanyirifu muno mu by'amalako ka Omwaami Nasaae wa Yisiraeli yali niyaberesa Musa. Omutuki oyo mani n'amuberesa ebyo byoosi bi yasaba, olwohuba obunyala bw'Omwaami Nasaae wae bwamuliho.

Nehemia 12:26

Abaandu bano balichiingiwo mu ndaalo chali echia Yoyakimu, owali omwaana wa Yosua haandi owali omwiichuhulu wa Yehosadaki, haandi neende mu biha byali ebya Nehemia owali gafana, haandi mu biha byali ebya Esira, omulaamisi wali omweeki w'Amalako.

Nehemia 12:37

Hu Siruwa sy'Esulo bachaakira ao ohuniina engaasi yali niyichoomere hu Siko sya Daudi, ohubita hu dooho lya Daudi, haandi ohukobolera hu sida siri hu Siruwa sy'Amaachi, ebukwe w'esiko esyo.

Nehemia 3:26

neende abahalaabani bomu Nyuumba ya Nasaae abali nibamenya hu Ofeli nibo abahola buyaaha ohwoolera elalira abuundu watingaalana neende Esiruwa silaangwa sy'Amaachi esiri ebukwe, neende hu munaara kwafunduulira okwo.

Nehemia 8:16

Mani abaandu bachia baakula amasaga alala neende amasaafu baachia boombaha ebikaali hu birama by'enyuumba kaabwe ebilambaafu, neende mu nyanyi chaabwe, mu lwaanyi lw'Enyuumba ya Nasaae, mu bipaapi by'abaandu boosi, hu Siruwa sy'Amaachi, neende aambi neende Esiruwa sya Efuraimu.

Nehemia 8:3

Abweene ao mu sipaapi esyo, esyali aambi neende esiruwa esyo, yabasomerao Amalako ako yi bali ohuchaaka mu mabwiibwi ohwoolera elalira mu sideete akati, mani nabo nibanyala ohutekeeresaanga bulai bweene.

Yisaaya 8:20

Mubakobolaangamo muti, “Hwomiirire hu Malako neende eby'ohuboneraho bi Nasaae yatuberesa.” Mutatekeeresa eby'abalakusi, olwohubi emboosi chaabwe haba sichikaira obudinyu ohukwaao daawe. Mubwadyeeri bweene, abo abalomaloma mani bahaya ohuba neende ebilolero byomiisa bi balomaloma, bahafwiire mu siirima obwiire nibutaahya.

Esy'Abaleefi 9:5

Abaisiraeli abo babukula buli siindu syoosi si Musa yali n'abalagiire mani nibabileeta byoosi mu moni w'Eyeema, mani oluyia olwo lwoosi niluhung'aana alala ao ohwiinamira Omwaami.

Malaki 4:4

Mwiichulise ebyo bi omuhalaabani waange Musa yabeekesa koti amalako neende ebilagiro, bindamuberesera hu Lugulu lwa Sinai, abiberese Abaisiraeli.

Matayo 13:52

“Mani yaababoolera ati, Sakira omweekesa w'amalako yeesi, owamala ohweekeswa ebidiira hu bwaami bwo Muukulu afwaanana neende omweeneengo odaya mu syaaki syae emere njaaha neende ehale.”

Matayo 23:13

“Chibaakaanire eng'we, Abafarisaayo alala neende Abaandiiki b'Amalako. Abebachirisi eng'we! Olwohuba mwiikaliraanga abaandu omulyaango kuchia mu bwaami bwo Muukulu, nae eng'we beene simwiingiriramo daawe, haandi haba simufukiirira abo abadaha ohwiingiriramo beengira.

Matayo 23:2

“Abeekesa b'Amalako neende Abafarisaayo, nibo abali mu bweyaango bwa Musa bw'ohweekesa amalako,

Matayo 23:34

Sakira njia ohubatumira abanabbi, neende abaandu bakesi muno, neende abeekesa b'Amalako, nae abaandi hu abo muchia ohubeeta nimubabaamba hu musalabba, haandi abaandi muchia mubanaale embooko mu Sinagoogi cheeng'we, nimubayiima ohubasaandya ohutula mu siko silala ohwoola mu siindi.

Amalako Kohubiri 31:11

Abaisiraeli boosi nibeecha ohwiinamira Omwaami Nasaae weeng'we abuundu yi yahadoole, muchia ohusomaanga amalako kano eyiri Abaisiraeli boosi nibawulira.

Abakayi 20:1

Abaandu boosi aba Yisiraeli, ohutulira elalira hu Daani emukulu bweene, ohwoola hu Bberisebba emwaalo bweene, haandi ohutulira elalira hu syaalo sya Gileadi ebukwe bweene, bakobolamo omulaanga okwo. Bebuusa alala koti esitole silala mu moni w'Omwaami mu Misipa.

Abakayi 20:8

Abaandu abo boosi mani baaluuluha basiingira beema mani baboolera alala bati, “Abulao omuundu kata mulala hu efwe, oba owamenya mu yeema sa oba mu nyuumba enyoombahe, ochia ohukobolayo engo wae daawe.