Nehemia 7:1 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹ Mani bulaanu esida syali nisimalire ohwoombahwa buyaaha, ebiruwa byali byoosi nibimalire ohuteebwa mu bweyaango, nae abaliindi bomu Nyuumba ya Nasaae, neende abalichiingi balala hu beembi balafu, alala neende Abaleefi baandi bali nibamalire ohudiiswaanga emirimo kyaabwe.

EBBAIBBO EMBOOSI YA NASAAE

¹ Mani bulaanu esida syali nisimalire ohwoombahwa buyaaha, ebiruwa byali byoosi nibimalire ohuteebwa mu bweyaango, nae abaliindi bomu Nyuumba ya Nasaae, neende abalichiingi balala hu beembi balafu, alala neende Abaleefi baandi bali nibamalire ohudiiswaanga emirimo kyaabwe.

Nehemia 7:1 Iomraidhean Croise

2 Abatuki 7:10

Beemao baakaluha baalaanga abaliindi b'esiko, baababoolera bati, “Hwiichire hweengira mu kaambi ly'Abasiiria, nae bone, haba sihubweenehoomo oba kata ohuwuliraho ekono ly'omuundu kata mulala. Sibulao sihubweenehoomo ohutusaho efaraasi neende esuhiri chiboyerwe, neende amayeema kaleherwe ao koti lu kali.”

2 Ebyomubiha 31:2

Omutuki Hesekia yakobosao endekeha y'Abalaamisi neende Abaleefi, mu buli otula yalichiingi neende omulimo kwae ku yedeeka. Kino mirimo kyali koti ohuyanaangayo ebiyaanwa bisaambe, haandi neende ebiyaanwa by'ohuholegana, ohuchiraanga alala mu hwiinamiraanga Nasaae hw'Omunyuumba ya Nasaae omwo, haandi neende ohupakiraanga neende ohwebasiraanga mu bituundu bikabuhaane ebyomu Nyuumba ya Nasaae eyo.

Esira 3:8

Mani mu mwoosi kwa habiri kw'omwaaka mulala luunyuma lwaabwe ohukobola engo mu sifwo sy'Enyuumba ya Nasaae mu Yerusalemu, bachaaka omulimo okwo. Serubbabbeli, Yosua, neende abaandu baabwe badoong'ereyo, abalaamisi, haandi neende Abaleefi, mubwadyeeri bweene abali beeruswa boosi abali nibakoboole mu Yerusalemu, beyiingisa mu mulimo okwo sa. Abaleefi boosi abalichiingi nibali emyaaka amahumi kabiri ky'obuhuluundu kata neende ohuhira ao, babereswaanga obunyala bw'omulimo kw'ohwoombaha buyaaha Enyuumba ya Nasaae.

Nehemia 10:39

Abaandu ba Yisiraeli alala neende Abaleefi bachia ohubukulaanga emere, efiini, alala neende amafuta k'enaasi ebinabechaanga nibyuubbiirwe Enyuumba ya Nasaae mu byaaki yi biindu byehoonyerwaanga mu Nyuumba ya Nasaae yi bibihwaanga haandi yi balaamisi baliindirira ohuhola emirimo esiha syaabwe nisitoola, neende abaliindi bomu Nyuumba ya Nasaae, alala neende abeembi bomu Nyuumba ya Nasaae bali neende amayuumba ka bamenyamo. Efwe haba sihuchia ohujwaang'a Enyuumba ya Nasaae weefwe daawe.

Nehemia 11:3

Mu biko biindi namwo abaandu ba Yisiraeli, abalaamisi, Abaleefi, abahalaabani bomu Nyuumba ya Nasaae, alala neende ab'olwiibulo lw'abali abahalaabani ba Solomooni, bamenyaanga sa hu maloba kalichiingi akaabwe keene mu biko byaabwe sa. Oluloondaho luno nilwo olwali olunyiriri lw'abaandu bahunuufu abali abeene esituundu sy'esyaalo sya Yuda, abachia mani baamenya mu Yerusalemu:

Nehemia 12:24

Nae ohweema hu munwa kwa Hasabbia, Serebbia, Yesua, Bbinui neende Kadimieli, Abaleefi batekehwa mu mikaanda kikabuhaane. Emikaanda kibiri mu buli siha bali nibali ab'ohufumianga Nasaae, neende ohumweebasaanga, ohuchianakana neende omunwa kwalichiingi nikutulire eyiri Omutuki Daudi, omuundu wa Nasaae.

Nehemia 6:1

Sanibbalati, Tobbia, Gesemu, alala neende abasuku beefwe badoong'ereo boosi bawulira bati efwe hwali nihumalire ohwoombaha buyaaha esida esyo, haandi bati siyaliyo abuundu woosi mu sida omwo alang'aalang'a, kata neende nihwali nihusisiiri ohuyabira ebiruwa mu milyaango.

Nehemia 6:15

Luunyuma lw'endaalo amahumi kataanu neende chibiri ech'emirimo, esida syoosi syali nisiweere hu ludaalo lw'amahumi kabiri neende chitaanu ech'omwoosi kwa Eluli.

Nehemia 6:19

Abaandu balomalomeraanga sa mu moni waange hu biindu bilai byoosi bi Tobbia yali niyahola, haandi bamubooleraanga buli siindu sindalichiingi ni nomanoomeho. Mani yeedinya sa ohundumiraanga amabbarwa ohuteemaho ohutiisa-tiisa.