Nehemia 6:14 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁴ Ese ndekongooya endi, “Ewe Nasaae waange, yichulisaho bi Tobbia neende Sanibbalati bahola mani obabonerese. Yichulisa omuhasi wula Noadia neende abanabbi baandi bala abateemaho ohutiisa-tiisa.”

EBBAIBBO EMBOOSI YA NASAAE

¹⁴ Ese ndekongooya endi, “Ewe Nasaae waange, yichulisaho bi Tobbia neende Sanibbalati bahola mani obabonerese. Yichulisa omuhasi wula Noadia neende abanabbi baandi bala abateemaho ohutiisa-tiisa.”

Nehemia 6:14 Iomraidhean Croise

Nehemia 13:29

Yichulisaho, ewe Nasaae, koti abaandu abo koti baleeta omukwoobo mu bweyaango bw'omulaamisi neende mu ndagaano y'abalaamisi neende eya Abaleefi.

Nehemia 5:19

Mani ese husaba ewe Nasaae waange, endi ohoya wechulisaanga ohusiimiraanga hu buli siindu siindi siimba ni ndanyala ohuholera abaandu bano.

Esabbuli 137:7

Ewe Omwaami, yichulisaho ab'Edomu si bahola hu ludaalo lu Yerusalemu syawaambibwa, koti lu baboola bati, “Musisihirise, musisihirise sikwiire elalira aasi!”

Esabbuli 22:1

Nasaae waange! Nasaae waange! Lwasiina wunjwaang'ire? Lwasiina oli eyaale muno n'otadaha ohuuhoonya, haandi n'otawulira amaliro kaange?

Esabbuli 63:1

Ewe Nasaae, niiwe Nasaae waange, hukoonya muno. Omwooyo kwaange kuhufwiira obuluwo; omubiri kwaange kuhwekoomba, koti lu loba lyoomu haandi elyajoong'a hale, lidaha amaachi.

Ohutula 15:20

Miriamu omunabbi muhasi, haandi mboochoong'ene Arooni, yabukula nyaangili yae, mani abahasi boosi nibamuloondaho, niboobba nyaangili haandi nibahina.

Yeremia 14:15

Mani sakira Omwaami aboola ebidiira hu banabbi balaanga mu liita lyaange, kata ndahaba nitabatuma, haandi ababoola bati, ‘Olugaanga neende enjala haba sibyahakwe mu syaalo sino’: Olugaanga neende enjala nibyo ebyaheete abanabbi abo.

Yeremia 14:18

Ningeendaho ndaachia mu siino, bone, nyoolayo sa emilaambo ky'abaandu beeterwe neende olugaanga. Nae niinyingira mu siko, bone, nyoolayo sa abafwa enjala. Olwohuba abanabbi alala neende abalaamisi bahweeserwe baayirwa mu syaalo sibataamanyireho kata nabudiidi.’ ”

Yeremia 28:1

Mu mwaaka kweene okwo, mu mwoosi kwohutaanu okw'omwaaka kwohune, Sedekia niyahachaaka ohutuka Buyudaaya, Anania omwaana wa Asuuri, omunabbi wa Gibbeoni, yalomloma naange ni ndi mu nyuumba y'Omwaami, abalaamisi neende abaandu boosi nibawulira n'aboola ati:

Yeremia 28:10

Bulaanu munabbi Hanania yeemao yaatusa ekoombo lyali mu kosi wa Yeremia, yalifunaka-funakamo.

Yeremia 28:15

Nae omunabbi Yeremia yaboolera omunabbi Hanania ati: “Ewe Hanania, wulira, Omwaami haba saahutumaangaho daawe, mani okerere abaandu bano beesika eby'obubacha.

Matayo 24:11

Nae abanabbi bobubacha baangi bachia ohwiicha babache abaandu baangi, mani babakose.

Matayo 24:24

Olwohuba yahabeeo abelaanga Kristo bataali badyeeri, neende abelaanga abanabbi abataali badyeeri. Bachia ohwoola baholeenge eby'amayia biingi by'ohubachirisa abaandu, haandi nisinyaliha bakose kata neende abadoole ba Nasaae bosi.

Matayo 7:15

“Mweliinde muhaye ohubachibwa neende abanabbi bataali badyeeri; olwohuba, beecha ohwiicha yi muli nibeloongoyaase koti amakoondi nae mubwadyeeri bweene, mu myooyo kyaabwe, n'ebinamiindi byeene.

2 Timoteo 3:8

Koti lu Yanesi neende Yambure bayiingania Musa, nilwo nasilala lu bano bosi bayiingania obwadyeeri abaandu ba bibaaso byaabwe bitahola haandi ba efukiirira yahaya.

1 Yowaana 5:16

Omuundu naabona owaasye naahola esyonoono sitaleeta ohufwa, ahoyere ohulaama mani Nasaae achia ohuberesa omuundu oyo obulamu. Mboola esyo ohudiira hu baandu bahola esyonoono sitaleeta ohufwa. Nae aliwo esyonoono sileeta ohufwa. Mani haba simboola endi muhoyere ohulaama Nasaae ebidiira hu syonoono esyo.

Ohubwiihulirwa 19:20

Esisolo esyo syayaambwa syayiriwa nisiri esiboye, alala neende abanabbi babacha abali nibaholaanga eby'amayia mu moni wae. (Olwohuba yehoonyeraanga ebiholwa by'amaya ebyo ohubachirisa abo abali nibaliho esilolero sy'esisolo esyo, neende abo abali nibeenamiraanga esifwaanani sy'esisolo syeene esyo.) Esisolo esyo syeecha syasukunibwa nisiri esilamu, alala neende omunabbi mubacha wula yesi naali omulamu mu nyaanja y'omuliro, eyaadusirwa maratutu.