Nehemia 6:11 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹¹ Ese naange ndakobolamo endi, “Ese haba siniise omuundu wiiruha sa haandi nindeekisakisa daawe. Ewe obaasa oti ese nyala ohuteemaho ohweoniaanga sa obulamu bwaange nindeekisa mu Nyuumba ya Nasaae, kose? Ese haba siinjia ohuhola esyo daawe.”

EBBAIBBO EMBOOSI YA NASAAE

¹¹ Ese naange ndakobolamo endi, “Ese haba siniise omuundu wiiruha sa haandi nindeekisakisa daawe. Ewe obaasa oti ese nyala ohuteemaho ohweoniaanga sa obulamu bwaange nindeekisa mu Nyuumba ya Nasaae, kose? Ese haba siinjia ohuhola esyo daawe.”

Nehemia 6:11 Iomraidhean Croise

Nehemia 6:12

Nae ese omweene ndebaasamo haandi, ndamanya mbwe Nasaae haba siyali naali niye owalomalomera Semaya daawe, nae mbwe Tobbia neende Sanibbalati nibo abali nibamukuliriire yaanjekeseho ohulabula huno.

Nehemia 6:3

Ese naange syesi ndabatumira bawamwaanda ohuchia ohubaboolera bati, “Ese ndali ni ndi ohuhola omulimo muhunuufu muno mani haba sindali ninyala ohwiihirira ndaachia ebweene eyo daawe. Haandi mbwe ese haba siinjia huleha omulimo okwo kweeme sa hulw'ese ohuchia ohubabona.”

Nehemia 6:9

Bali nibateemaho ohututiisatiisa mbwe hu hunyale ohuleha omulimo okwo. Ese naange ndekongooya endi, “Nae bulaanu, ewe Nasaae waange, nyomiise!”

Esabbuli 112:6

Omuundu muluungifu achia ohwomiira buli siha; achia ohwiichuliswa endaalo choosi.

Esabbuli 112:8

Haba saatya daawe, omwooyo kwae mwomiifu, ohwoola lu yahabone abasuku bae nibayingiirwe.

Engaado 28:1

Abahola-mbi beeruha naabulao omuundu oboongaho, nae abaluungifu bagumu koti edalang'i.

Omuyaali 10:1

Esiiye chifwiire nichiba mu chupa y'amafuta k'esing'aari, chikawunyisa esifuundu; mu ngeri nasilala, esy'obusiru sidiidi, simalao amakesi maangi haandi neende oluyaali.

Yisaaya 10:18

Oluyaali lw'ebichaha byae neende eloba lyae lai. Omwaami yahasihirise, omwooyo neende omubiri byoombi, mani syahabe koti lu bulwaae busihirisa omuundu.

Ohubala 3:10

Ochia ohutoongola Arooni neende abaana bae ohuba nibo abahoyere ohuholaanga emirimo kyoosi ekihoyeere obulaamisi; oyo yeesi oteemaho ohukiholaanga aba achia ohwiitwaanga.”

Ebiholwa 20:24

Nae ese haba simbaliiriraho obulamu bwaange koti obuliho neende engaanga yi ndi ese omweene, ohutusaho lwoong'ene ni mba ninyalire ohwooseresa esichiiririrwa syaange neende obuhalaabani bu mba ndaberesebwa neende Omwaami Yesu, ohuyaala emboosi ndai ey'embabaasi cha Nasaae.

Ebiholwa 21:13

Nae Paulo yakobolamo ati, “Siina syeene sino si muli ohuhola, muli ohulira mundenguuse omwooyo? Olwohuba ese si ndi omwetekefu ohuboywa hwoong'ene, nae kata neende ohufwiira mu Yerusalemu, hulw'eliita ly'Omwaami Yesu.”

Ebiholwa 8:1

Haandi Saulo yesi yeboneraho omweene ohufwa hwa Sitefaano huno. Hu ludaalo lweene olwo, nilwo lu hwiitwa huhoongo muno ohwa abafukiiriri bali mu Yerusalemu hwachaakiraho; boosi baasalaanira mu syaalo syoosi sya Yudea neende esya Samaria, ohutusaho Abatume boong'ene nibo abadoong'a mu Yerusalemu.

Abafilipi 2:17

Kata amabaanga kaange kahaba nikachuhibwa aasi hu siyaanwa sy'ohweyaanayo sy'efukiirira yeng'we eyiri Nasaae. Nisiba sityo, ndi omusangaafu ohukabana esangaalo lyaange naang'we mweesi.

Abafilipi 2:30

olwohuba yeyanayo obulamu bwae yawona ohufwa hulw'ohuhalaabanira Kristo, hwaanyale ohuumberesa obuhoonyi bu eng'we mutanyala ohuumberesa.

Abaibburania 11:27

Efukiirira niyo eyakera yaatula mu Misiri, n'atatiireho etima lya omutuki wa Misiri. Yesimiirisa koti oli ohubona Nasaae otabonehana, mani yaahaya ohukobola enyuma.

1 Samueli 19:5

Daudi yayaanayo obulamu bwae lu yeetera Goliati, mani Omwaami naayiingirira Abaisiraeli ebiita by'amaani. Niwabona otyo wasangaala muno. Bulaanu lwasiina odaha ohwonoona omuundu obulaho omusaango kwoosi, mani wiite Daudi ataali esifune syoosi daawe?”