Nehemia 3:3 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ Enono ya Haseena niyo eyoombaha Esiruwa silaangwa esy'Eng'eeni. Baguula emiguulo haandi neende ohutaamo ebiruwa mu bweyaango bwabyo, haandi baamala bataamo enaati, alala neende emitaliimbo kyekalaanga esiruwa esyo.

EBBAIBBO EMBOOSI YA NASAAE

³ Enono ya Haseena niyo eyoombaha Esiruwa silaangwa esy'Eng'eeni. Baguula emiguulo haandi neende ohutaamo ebiruwa mu bweyaango bwabyo, haandi baamala bataamo enaati, alala neende emitaliimbo kyekalaanga esiruwa esyo.

Nehemia 3:3 Iomraidhean Croise

2 Ebyomubiha 33:14

Luunyuma lw'esyeene sino, Manaase yanyala ohuleeyiaho haandi obuleeyi bw'esida sy'erwaanyi hu lwaande lw'ebukwe wa Yerusalemu, ohutulira abuundu ali ehooho liri aambi neende Esulo ya Gihoni emukulu w'Esiruwa sy'Eng'eeni, haandi neende abuundu ali esiko silaangwa mbwe Ofeli. Haandi yachia mani yaata omunamaye muhoongo ohulagiraanga omukaanda kw'abalwaani mu buli siko syasitirirwa esya Yuda.

Esira 2:35

Aba Seena, elifu chidatu neende emia chisaasaba neende amahumi kadatu (3,630).

Nehemia 12:39

mani ohutulira abweene ao, hweemao hwaachia hwaabita Esiruwa sy'Efuraimu, neende Esiruwa sya Yesaana, neende Esiruwa sy'Eng'eeni, neende Omunara kwa Hananeeli, neende Omunara kwa kw'Emia, ohwoolera elalira hu Siruwa sy'Amakoondi. Hwanyala ohwaakamya ohuhuumba hweefwe nihuli aambi neende esiruwa siingisa mu Nyuumba ya Nasaae.

Nehemia 2:8

Haandi ndasaba ebbarwa yiindi njirire Asafu, omuliindi w'esichaha sy'obwaami, haandi niyimukerakira ohuumberesa embaao ch'ebiruwa by'edaala liliinda Enyuumba ya Nasaae, haandi neende hulw'ebida, haandi neende hulw'enyuumba yi ndali niinjia ohumenyamo ese omweene. Omwaami oyo yamberesa ebyo byoosi bi ndamusaba, olwohuba Nasaae yali naange.

Nehemia 3:4

Meremooti, omwaana wa Wuria, haandi omwiichuhulu wa Hakoosi, nibo aboombaha esituundu syaloondaho. Mesulamu, omwaana wa Bberekia neende omwiichulu wa Mesesabbeli, nibo aboombaha esituundu syaloondaho. Sadoki omwaana wa Bbaana niye owombaha esituundu syaloondaho.

Nehemia 3:6

Yoyada omwaana wa Paseya neende Mesulamu omwaana wa Bbesodeya nibo aboombaha buyaaha Esiruwa sya Yesaana. Baguula emiguulo, haandi baamala beekulamo ebiruwa mu bweyaango bwabyo, haandi bataamo enaati neende emitaliimbo ekinyala ohwiikalao esiruwa.

Nehemia 6:1

Sanibbalati, Tobbia, Gesemu, alala neende abasuku beefwe badoong'ereo boosi bawulira bati efwe hwali nihumalire ohwoombaha buyaaha esida esyo, haandi bati siyaliyo abuundu woosi mu sida omwo alang'aalang'a, kata neende nihwali nihusisiiri ohuyabira ebiruwa mu milyaango.

Nehemia 7:1

Mani bulaanu esida syali nisimalire ohwoombahwa buyaaha, ebiruwa byali byoosi nibimalire ohuteebwa mu bweyaango, nae abaliindi bomu Nyuumba ya Nasaae, neende abalichiingi balala hu beembi balafu, alala neende Abaleefi baandi bali nibamalire ohudiiswaanga emirimo kyaabwe.

Nehemia 7:38

Aba Seena, bali elifu chidatu neende emia chitaanu-na-chine neende amahumi kadatu (3,930).

Esabbuli 147:13

Olwohuba niye owomiisa ebiruwa byeeng'we; haandi abaandu bao bahulimo ababeresa ehabi.

Sefania 1:10

Omwaami aboola ati, “Hu ludaalo lweene olwo, nilwo lu muchia ohuwuuliriraho oluwuungu lw'ohulira nilutulira hu Siruwa sy'Eng'eeni mu Yerusalemu. Muchia ohuwulira embuungu mu bituundu biyaaha biri mu siko sino, haandi neende omufuumu muhoongo muno ena bigulu.