Nehemia 3:15 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁵ Saluumu omwaana wa Kolihose, omwiimirisi wa Disiturikiti ya Misipa, niye owoombaha buyaaha Esiruwa sy'Esulo. Yaoma omulyaango, mani yeekulamo ebiruwa mu bweyaango bwabyo, haandi yataamo enaati neende emitaliimbo. Hu Sidiba sya Sela, yoombahayo esida siloonderera hu mukuunda kw'obwaami, ohwoolera elalira hu ngaasi chiihirira nichitulira mu Siko sya Daudi.

EBBAIBBO EMBOOSI YA NASAAE

¹⁵ Saluumu omwaana wa Kolihose, omwiimirisi wa Disiturikiti ya Misipa, niye owoombaha buyaaha Esiruwa sy'Esulo. Yaoma omulyaango, mani yeekulamo ebiruwa mu bweyaango bwabyo, haandi yataamo enaati neende emitaliimbo. Hu Sidiba sya Sela, yoombahayo esida siloonderera hu mukuunda kw'obwaami, ohwoolera elalira hu ngaasi chiihirira nichitulira mu Siko sya Daudi.

Nehemia 3:15 Iomraidhean Croise

2 Samueli 5:9

Mani nibamala ohuwaamba olukoba olwo, Daudi yamenya mu lweene olwo, mani yaalukuliha ati, “Yerusalemu.” Yoombahiraho esiko syalwebodoohania, ohuchaakira abuundu yali yechuswamo eloba hu lwaande lw'ebukwe w'esigulu esyo.

2 Abatuki 25:4

Abaandu badomola ebituli mu sida sy'esiko esyo. Mani omutuki alala neende abasikaari boosi nibeeruha nibeeyiba esiro nibabitira hu ngira y'esiruwa, akatikaati w'ebida bibiri, hu ndulo w'endalo y'omutuki, kata Abakalidaaya bali nibebodoohania esiko hu nyaande choosi, mani nibeeruha nibachoomere olwaande lw'ehooho lya Yorodaani.

2 Ebyomubiha 32:30

Yali niye Omutuki Hesekia owekalira ohuhukusa hw'Omwaalo Gihoni mani yaakasa amaachi kaahulukusa nikabitira mu lwangaacha ohwoola abuundu waandi mukati w'ebida bya Yerusalemu. Hesekia yanyala ohubitaangamo mu buli siindu si yaholaanga,

Nehemia 12:37

Hu Siruwa sy'Esulo bachaakira ao ohuniina engaasi yali niyichoomere hu Siko sya Daudi, ohubita hu dooho lya Daudi, haandi ohukobolera hu sida siri hu Siruwa sy'Amaachi, ebukwe w'esiko esyo.

Nehemia 2:14

Mani hu lubeka lw'ebukwe lw'esiko esyo, ndakabuha ndachiira emukulu ohwoolera elalira hu Siruwa sy'Esulo, haandi neende hu Sidiba sy'Omutuki. Esuhiri yali ni yingiingire haba siyanyala ohunyoolaho ahakira haduumakisa mu magiingiri ako,

Nehemia 2:17

Nae bulaanu ese ndanyala ohubaboolera endi, “Eng'we boneho sa ebidinyu bino bi hulimo olwohuba mbwe Yerusalemu siri sa amagiingiri, haandi ebiruwa byasyo byasihiriswa! Lehe hwoombahe buyaaha ebida by'esiko sino, mani humale hunyale ohwaakamia esoni cheefwe chino.”

Nehemia 3:12

Saluumu omwaana wa Haloheesi, omwiimirisi w'esituundu siindi sira esya Disiturikiti ya Yerusalemu, niye owoombaha esituundu syaloondaho. (Abaana bae bosi bahoonyaanga mu mirimo ekyo.)

Nehemia 3:14

Milikiya omwaana wa Rekabbu, omwiimirisi wa Disiturikiti ya Hakeremu Bbeeti, niye owoombaha buyaaha Esiruwa sy'Ebikoha. Yeekula esiruwa mu bweyaango bwasyo, haandi yataamo enaati, neende emitaliimbo ekyekalaanga esiruwa esyo.

Nehemia 3:19

Eseri omwaana wa Yesua, omwiimirisi wa Misifa, niye owoombaha esituundu syaloondaho mu moni w'esyaaki sy'ebilwaaniso, ohwoolera elalira abuundu yi sida syekoderamo;

Nehemia 3:7

Melatia ohutula mu Gibbeoni, Yadoni ohutula mu Meronooti, haandi abasaacha ba Gibbeoni neende Misipa nibo aboombaha esituundu syaloondaho, ohwoolera elalira hu bumenyo bwa gafana wa Emuumbo wa Ewufuraate.

Nehemia 3:9

Refaya omwaana wa Huuri, omwiimirisi w'esituundu sya disiturikiti ya Yerusalemu, nibo aboombaha esituundu syaloondaho.

Omuyaali 2:6

Ndayaba ebidiba by'amaachi ohuchuhiirira esichaha sy'emisaala kihula.

Yisaaya 8:6

“Olwohuba abaandu bano bahayire amaachi k'omwaalo mudiidi kwa Siloa akahulukusa kaala, mani baweera mu husangaalira Resini neende Peka omwaana wa Remalia;

Yeremia 40:6

Ndachia eyiri Gedalia omwaana wa Ahikamu, Misipa, ndaamenya mu baandu ba baleha mu syaalo.

Luka 13:4

Oba, abaandu ehumi-na-bataanu-na-badatu ba omunara kwe Siloamu kwakwaaho mani kweeta, mubaasa muti bali abahola-mbi muno ohuhiraho abaandu baandi boosi abali bamenya mu Yerusalemu?

Yowaana 9:7

n'amuboolera ati, “Chia, weeyose mu sidiba sya Siloamu” (esyeekesa mbwe Atumirwe). Omusaacha yaachia yeeyosa mani n'akobola n'abona.

Abakayi 20:1

Abaandu boosi aba Yisiraeli, ohutulira elalira hu Daani emukulu bweene, ohwoola hu Bberisebba emwaalo bweene, haandi ohutulira elalira hu syaalo sya Gileadi ebukwe bweene, bakobolamo omulaanga okwo. Bebuusa alala koti esitole silala mu moni w'Omwaami mu Misipa.

Abakayi 20:3

Esiha syeene sino, abaandu ba Bbenjamini bosi beecha baawulira bati, Abaisiraeli baandi basyaabwe boosi bali nibahung'aniire mu Misipa. Mani Abaisiraeli bano beteeba bati, “Ewe tuboolereho, obusuku buno bweecha bwoola ohuholehana buti butye?”