Nehemia 2:3 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ mani ndaakobolamo endi, “ow'Oluyaali yiindira! Ese ndahahaya endye ohunyoolera esiko si bakuuka yaange basiihwamo nisiri amagiingiri mahaya, haandi ebiruwa byasyo ni byasaambwa neende omuliro nibyakwa engohe?”

EBBAIBBO EMBOOSI YA NASAAE

³ mani ndaakobolamo endi, “ow'Oluyaali yiindira! Ese ndahahaya endye ohunyoolera esiko si bakuuka yaange basiihwamo nisiri amagiingiri mahaya, haandi ebiruwa byasyo ni byasaambwa neende omuliro nibyakwa engohe?”

Nehemia 2:3 Iomraidhean Croise

1 Abatuki 1:31

Bbatiseebba yaguunama aasi bweene yaboola ati, “Omwaami waange omutuki ahoya yayiindira endaalo choosi pe!”

2 Abatuki 25:8

Mu mwoosi kwa hataanu, hu ludaalo lwa hataanu-na-habiri olw'omwoosi, mu mwaaka kw'ehumi neende kitaanu-na-kine okw'obutuki bw'omutuki Nebukadineesa, omutuki wa Bbabbilooni, Nebbusaradaani, omuhoongo muhuluundu w'abaliindi b'omutuki Nebukadineesa, haandi omuhalaabani wae, yeecha yeengira mu Yerusalemu.

2 Ebyomubiha 21:20

Yehoramu yali niyamala ohwiihaswa ohuba omutuki naali neende emyaaka amahumi kadatu neende kibiri mani niyanyala ohutukira mu Yerusalemu ohumala emyaaka kitaanu-na-kidatu kyoong'ene. Abulao omuundu yeesi owadiirwa esibeera niyafwa. Bamusiiha mu Siko sya Daudi, nae ataali mu ng'ani ch'abaami daawe.

2 Ebyomubiha 28:27

Omutuki Ahasi yafwa mani yasiihwa mu Yerusalemu, nae ataali mu ng'ani ch'obwaami daawe. Hesekia omwaana wae niye owamukobola mu makulu koti omutuki.

2 Ebyomubiha 32:33

Hesekia yafwa mani yasiihwa mu situundu sy'emukulu w'eng'ani ch'obwaami. Abaandu boosi ba Yuda neende Yerusalemu bamwiisamo oluyaali luhoongo muno niyafwa. Manaase omwaana wae niye owamukobola mu makulu koti omutuki.

2 Ebyomubiha 36:19

Yasaamba Enyuumba ya Nasaae alala neende esiko esyo byoosi byaweera aasi, alala neende amadooho kasyo, neende emyaandu kyasyo, mani yaalikula esida sy'esiko syaweera aasi.

Nehemia 1:3

Baamboolera bati abo abawonao haandi baaba nibamala ohukobola mu syaalo sy'engo bali nibasaanda muno olwohuba abateende bali nibamenya aambi ao, bali nibabalekeeresa. Haandi baamboolera bati ebida bya Yerusalemu byali nibisiidoong'ere nibyakwa aasi, haandi bati ebiruwa byasyo byosi byali nibisisiiri ohusiingiswa haandi ohutula hu siha si byasaambirwaho.

Nehemia 2:13

Syali nisisisiiri esiro esiha si ndatuliramo mu siko omwo nihalakania Ehooho ly'Esiruwa eliri emuumbo ndaachia emwaalo ohubita mu Sulo ya Duragoni, ohwoolera elalira hu Siruwa sy'Ebikoha. Koti lu ndali nimbwaao, ndeehaliirisaanga ebida byali nibyalikulwa eby'esiko esyo, neende ebiruwa byali nibyasihiriswa neende omuliro.

Esabbuli 102:14

Abahalaabani bao baheera Siyooni muno, engisa yibadiira ohubona koti lu sisihiirirwe.

Esabbuli 102:15

Ebyaalo biindi byoosi bichia ohutya eliita ly'Omwaami; abatuki boosi abohu syaalo bahatye oluyaali lwae.

Esabbuli 137:6

Leha olulimi lwaange lwaande mu sisinini, nitahwiichulisa, oba nitahudahaanga ohuhira ebiindu byoosi!

Esabbuli 38:7

Omubiri kwaange kwoosi kuli koti ku batubuuleho omuliro, kwosi-kwoosi kuchuuna.

Yeremia 52:12

Mu mwoosi kwohutaanu, hu ludaalo lw'ehumi lw'omwoosi okwo, okwo kwali omwaaka kw'ehumi-na-chitaanu-na-chine okw'obutuki bwa Nebukadineesa, omutuki wa Bbabbilooni, Nebbusaradaani, omuwi wae w'amakesi haandi omuhoongo w'abaliindi bae, mani niyeengira mu Yerusalemu.

Amaliro 2:9

Ebiruwa byasyo bibiire mu loba; mani ebyuuma by'emitaliimbo chabyo bifunaakwe. Abatuki neende abachweenufu basyo bulaanu bali mu buwaambe. Amalako haba sikasihoonya daawe. Abanabbi basyo haba sibasinyoola ohuboneherwa daawe ohutula eyiri Omwaami.

Esy'Abaleefi 26:31

njia ohukaluuhania ebiko byeeng'we bibe amakuunda koong'ene, male sihirise abandu weeng'we w'ohwiinamiraangamo, mani haandi hae ohusimaanga ebiyaanwa byeeng'we byoosi.