Nehemia 2:17 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁷ Nae bulaanu ese ndanyala ohubaboolera endi, “Eng'we boneho sa ebidinyu bino bi hulimo olwohuba mbwe Yerusalemu siri sa amagiingiri, haandi ebiruwa byasyo byasihiriswa! Lehe hwoombahe buyaaha ebida by'esiko sino, mani humale hunyale ohwaakamia esoni cheefwe chino.”

EBBAIBBO EMBOOSI YA NASAAE

¹⁷ Nae bulaanu ese ndanyala ohubaboolera endi, “Eng'we boneho sa ebidinyu bino bi hulimo olwohuba mbwe Yerusalemu siri sa amagiingiri, haandi ebiruwa byasyo byasihiriswa! Lehe hwoombahe buyaaha ebida by'esiko sino, mani humale hunyale ohwaakamia esoni cheefwe chino.”

Nehemia 2:17 Iomraidhean Croise

Esira 9:9

Hwali abahalaabani bawaambe, nae ewe haba siwatuleha hwadoong'a mu buhalaabani buwaambe daawe. Wahola abatuki ba Perisia baatukwiira mani baatukanya ohubao abalamu neende ohwoombaha Enyuumba ya Nasaae yao, eyali niyiri mu magiingiri, mani hwakaana omuleembe ano mu Yuda neende mu Yerusalemu.

Nehemia 1:3

Baamboolera bati abo abawonao haandi baaba nibamala ohukobola mu syaalo sy'engo bali nibasaanda muno olwohuba abateende bali nibamenya aambi ao, bali nibabalekeeresa. Haandi baamboolera bati ebida bya Yerusalemu byali nibisiidoong'ere nibyakwa aasi, haandi bati ebiruwa byasyo byosi byali nibisisiiri ohusiingiswa haandi ohutula hu siha si byasaambirwaho.

Nehemia 2:13

Syali nisisisiiri esiro esiha si ndatuliramo mu siko omwo nihalakania Ehooho ly'Esiruwa eliri emuumbo ndaachia emwaalo ohubita mu Sulo ya Duragoni, ohwoolera elalira hu Siruwa sy'Ebikoha. Koti lu ndali nimbwaao, ndeehaliirisaanga ebida byali nibyalikulwa eby'esiko esyo, neende ebiruwa byali nibyasihiriswa neende omuliro.

Nehemia 2:16

Abulao kata mulala hu bahoongo bomu syaalo omwo owanyala ohumanyaho abuundu yi ndali ninjiire, kata sa esiindu si ndali ni holereenge. Ohwoola ao, ese ndali ni mboleereho Omuyudaaya yeesi, abalaamisi, abeemirisi, abahoongo, kata sa omuundu yeesi esiindu syoosi owahanyalire ohuba mbwe yesi yahoonyeraho omulimo kuno daawe.

Nehemia 3:15

Saluumu omwaana wa Kolihose, omwiimirisi wa Disiturikiti ya Misipa, niye owoombaha buyaaha Esiruwa sy'Esulo. Yaoma omulyaango, mani yeekulamo ebiruwa mu bweyaango bwabyo, haandi yataamo enaati neende emitaliimbo. Hu Sidiba sya Sela, yoombahayo esida siloonderera hu mukuunda kw'obwaami, ohwoolera elalira hu ngaasi chiihirira nichitulira mu Siko sya Daudi.

Esabbuli 102:15

Ebyaalo biindi byoosi bichia ohutya eliita ly'Omwaami; abatuki boosi abohu syaalo bahatye oluyaali lwae.

Esabbuli 44:13

Wafukiirira abasuku beefwe ohutunyeka, abaandu batwebodoohaanie batuduulira nibacheha.

Esabbuli 44:14

Watuhola hwaaba esy'ohukaniaayaho mu byaalo, batunyooma nibayuuya emitwe.

Esabbuli 79:12

Ewe Omwaami, wetuunge hu byaalo biindi amahabi kataanu-na-kabiri, amanyeko ka batunyeka.

Esabbuli 79:4

Hunyekwa neende abaandu batwebodoohaanie, batucheha haandi batudyaabuhira.

Yeremia 24:9

Njia ohuboosaho esibi, mani obwaami bwohu syaalo bwoosi butye. Abaandu bahabanyekeenge, beehola olukaado yibali; bahabacheheenge, haandi bahehoonyereenge eliita lyaabwe nibabwaaba, buli abuundu yi ndahabasalaanisirye.

Amaliro 2:2

Omwaami asihirisa ataali esisa ebyaalo byomu Buyudaaya byoosi. Mu bwaalaba bwae buungi, alikuule ebiko by'amaani byomu Buyudaaya. Amalire elalira oluyaali mu butuki neende mu batuki baamwo.

Amaliro 3:51

Omwooyo kwaange kwichuulemo engisa hulw'ebiindu bikwiire hu baandu bomu siko syaange.

Esekeeli 5:14

Njia ohuhuhola obe ekuunda haandi obe esyohucheha eyiri ebyaalo bihwebodohaanie neende mu moni w'abaandu bomu byaalo biteende bahabite aambi naawe mani bahubone.

Mika 7:11

Ewe Yerusalemu, ebiha by'ohwoombaha esida syao byoolere! Mu biha ebyo, enjaho chao chahatakalaswe.

1 Samueli 11:2

Nahasi yakobolamo ati, “Njia ohuhola naang'we endagaano nimufukiirira esiindu silala: Nimufukiirira ohubatusa mu buli muundu emoni yae yohu muhono muluungi, mani nyaambye esoni hu Yisiraeli syoosi.”